ກຳປູເຈຍສັ່ງຍົກລະດັບປາບປາມການຊື້ຂາຍເລກເຖື່ອນ,ການຫຼິ້ນໄພ້

spot_img

ກຳປູເຈຍ ສັ່ງຍົກລະດັບປາບປາມການພະນັນແບບຜິດກົດໝາຍ

ຂປລ.ຕາມຂ່າວຈາກ REUTERS, ວັນທີ18 ກັນຍານີ້ ທ່ານ ຮຸນເຊນ (Hun Sen),ນາຍົກ ລັດຖະມົນຕີ ກຳປູເຈຍ ສັ່ງຍົກລະດັບ ການປາບປາມ ການພະນັນ ທຸກປະເພດ ແບບຜິດກົດໝາຍ ທົ່ວປະເທດ ໂດຍເນັ້ນໃຫ້

ບັນດາ ເຈົ້າໜ້າທີ່ ລະດັບສູງ ນັບແຕ່ສູນກາງ ຫາທ້ອງຖິ່ນ ເພີ່ມມາດຕະການ ປາບປາມ ການພະນັນ ຢ່າງຮີບດ່ວນ ທີ່ສຸດ ລວມທັງ ການຊື້-ຂາຍ ເລກເຖື່ອນ,ການພະນັນ ຕີໄກ່, ການຫລິ້ນໃພ້ ແລະ ການພະນັນ ປະເພດ ອື່ນໆອີກ

ຖ້າຫາກພາກສ່ວນ ສູນກາງ ກວດພົບ ການປະຕິບັດ ວຽກງານ ຂອງເຈົ້າໜ້າທີ່ ທ້ອງຖິ່ນ ຄົນໃດ ບໍ່ມີປະສິທິພາບ ພຽງພໍ ແລະ ບໍ່ສາມາດ ແກ້ໄຂ ສະຖານະການໄດ້ ເປັນທີ່ໜ້າພໍໃຈ ບຸກຄົນນັ້ນ ຈະຖືກ ປົດອອກ ຈາກຕຳແໜ່ງ ທັນທີ.ນອກນີ້ ຍັງສັ່ງໃຫ້ມີ ການຈັດຕັ້ງ ຄະນະເຮັດ ວຽກພິເສດ ລະດັບຊາດ ເພື່ອປະຕິບັດ ຕາມຄຳສັ່ງນີ້ ໂດຍສະເພາະ ໃຫ້ສຳເລັດ ໂດຍໄວ./.

ຮຽບຮຽງຂ່າວໂດຍ: ສະໄຫວ ລາດປາກດີ

spot_img

ຍອດນິຍົມ