ຄິມ ລັ່ນພ້ອມງັດນິວເຄຼຍອອກມາໃຊ້ຫາກຕ້ອງເປີດສົງຄາມກັບສະຫະລັດ ເຕືອນຢ່າຄິດໂຈມຕີກ່ອນ.

spot_img

ຄິມ ລັ່ນພ້ອມງັດນິວເຄຼຍອອກມາໃຊ້ຫາກຕ້ອງເປີດສົງຄາມກັບສະຫະລັດ ເຕືອນຢ່າຄິດໂຈມຕີກ່ອນ.


ຜູ້ນຳ ຄິມ ຈອງອືນ ແຫ່ງເກົາຫຼີເໜືອປະກາດຄວາມພ້ອມໃນການລະດົມ “ມາດຕະການສະກັດກັ້ນນິວເຄຼຍ” ຫາກເກີດການປະເຊີນໜ້າທາງທະຫານກັບສະຫະລັດ ພ້ອມເປີດປາກວິຈານຜູ້ນຳເກົາຫຼີໃຕ້ຄໄນໃໝ່ເປັນຄັ້ງທຳອິດ ໂດຍເຕືອນໂຊນໃຫ້ຢຸດຢັ້ງການກະທຳທີ່ອາດຈະນຳໄປສູ່ “ສົງຄາມ”

ຜູ້ນຳ ຄິມ ກ່າວຄຳເຫັນເນື່ອງໃນໂອກາດຄົບຮອບ 69 ປີ ການເຮັດສົນທິສັນຍາຢຸດຍິງໃນສົງຄາມເກົາຫຼີ ເຊິ່ງກົງກັບວັນທີ່ 27 ກໍລະກົດ ຂອງທຸກໆປີ ແລະ ເປັນການຍໍ້າເຕືອນວ່າ “ໃນທາງເທັກນິກ” ສອງເກົາຫຼີຍັງຄົງຢູ່ໃນພາວະສົງຄາມ.

ຜູ້ນຳໂສມແດງລະບຸວ່າ ການຜະເຊີນໜ້າກັບສະຫະລັດເຊິ່ງເປັນມະຫາອຳນາດນິວເຄຼຍຕັ້ງແຕ່ຊ່ວງສົງຄາມເກົາຫຼີປີ 1950-1953 ເຮັດໃຫ້ເກົາຫຼີເໜືອຈຳເປັນທີ່ຈະຕ້ອງບັນລຸ “ພາລະກິດອັນຮີບດ່ວນຂອງປະຫວັດສາດ” ໃນການຍົກລະດັບປ້ອງກັນຕົນເອງ.

“ກອງທັບຂອງເຮົາມີພ້ອມຢ່າງເຕັມທີ່ໃນການສະຕອບໜອງວິກິດຕ່າງໆ ແລະ ມາດຕະການສະກັດກັ້ນດ້ານນິວເຄຼຍຂອງເຮົາກໍຢູ່ສະພາວະທີ່ພ້ອມຕໍ່ການຮຽກລະດົມເພື່ອປະຕິບັດການຢ່າງແຂງແກ່ນ ແມ່ນຍຳ ທັນທ່ວງທີ ” ຄິມກ່າວ.

spot_img

ຍອດນິຍົມ