ຈີນຂູ່ໜັກ! ຊ້ອມຮົບລູກປືນແທ້ຝັ່ງກົງກັນຂ້າມໄຕ້ຫວັນ ທ່າມກາງຂ່າວລັດຖະສະພາອາດຢ້ຽມໄທເປ.

spot_img

ຈີນຂູ່ໜັກ! ຊ້ອມຮົບລູກປືນແທ້ຝັ່ງກົງກັນຂ້າມໄຕ້ຫວັນ ທ່າມກາງຂ່າວລັດຖະສະພາອາດຢ້ຽມໄທເປ.


ຈີນມີແຜນຊ້ອມຮົບລູກປືນໃນນ່ານນໍ້າໃກ້ເກາະຜິງຖານ ເມືອງຝູຈຽນ ເຊິ່ງຢູ່ຝັ່ງກົງກັນຂ້າມໄຕ້ຫວັນ ຄວາມເຄື່ອນໄຫວເຊິ່ງມີຂື້ນທ່າມກາງຂ່າວ ແນນຊີ ເພໂພຊີ ປະທານລັດຖະສະພາສະຫະລັດ ອາດເດີນທາງຢ້ຽມໄທເປ
ໜ່ວຍງານຄວາມປອດໄພທາງເຮືອຜິງຖານ ອອກຄໍາເຕືອນດ້ານການເດີນເຮືອແລ່ນເຂົ້ານ່ານໍ້າຕ່າງໆ ທີ່ຢູ່ໃກ້ຄຽງກັບເກາະແລະເຂດຝູຈຽນ ທາງພາກຕາເວັນອອກສຽງໃຕ້ ພ້ອມລະບຸວ່າ “ພາລະກິດຝຶກຊ້ອມລູກປືນແທ້” ຈະມີຂື້ນຕັ້ງແຕ່ເວລາ 8:00ໂມງ ເຖິງ21:00ໂມງ
ເຊິ່ງຂ່າວນີ້ມີຂື້ນທ່າມກາງການຄາດເດົາຕ່າງໆວ່າຈີນຈະຕອບໂຕ້ແນວໃດ ຫາກ ແນນຊີ ເພໂລຊີ ປະທານລັດຖະສະພາສະຫະລັດ ຕັດສິນໃຈເດີນທາງຢ້ຽມໄຕ້ຫວັນ ເກາະປົກຄອງຕົນເອງທີ່ປັກກິ່ງເບິ່ງວ່າເປັນສ່ວນໜື່ງຂອງດິນແດນ.
ຄວາມຕືງຄຽດລະຫວ່າງສະຫະລັດແລະຈີນເກີດຂື້ນກ່ຽວກັບຄວາມເປັນໄປໄດ້ຂອງການເດີນທາງຢ້ຽມດັ່ງກ່າວໂດຍ ສີ ຈິ້ນຜິງ ປະທານາທິບໍດີຈີນ ກ່າວເຕືອນປະທານາທິບໍດີໂຈ ໄບເດັນ ແຫ່ງສະຫະລັດ ລະຫວ່າງສົນທະນາທາງໂທລະສັບວ່າ “ ຖ້າຫຼິ້ນກັບໄຟ ໄຟຈະເຜົາໄໝ້”

spot_img

ຍອດນິຍົມ