ຊາວອິນໂດເນເຊຍປະທ້ວງ! ລວມຕົວສະພາແຮງງານກວ່າ 5.000ຄົນ ຫຼັງລັດຂຶ້ນລາຄານ້ຳມັນ

spot_img

ຊາວອິນໂດເນເຊຍປະທ້ວງ! ລວມຕົວສະພາແຮງງານກວ່າ 5.000ຄົນ ຫຼັງລັດຂຶ້ນລາຄານ້ຳມັນ

ສະມາຊິກສະພາແຮງງານອິນໂດເນເຊຍແລະກຸ່ມຜູ້ປະທ້ວງຫຼາຍພັນຄົນ ລວມຕົວຊຸມນຸມປະທ້ວງໃນກຣຸງຈາກາຕາແລະອີກຫຼາຍເມືອງທົ່ວປະເທດ ເພື່ອສະແດງຄວາມບໍ່ພໍໃຈທີ່ລັດຖະບານປະກາດປັບຂຶນລາຄານ້ຳມັນຈາກທີ່ເຄີຍໄດ້ຮັບການອຸດໜູນ

ແກນນຳສະຫະພັນສະຫະພາບແຮງງານອິນໂດເນເຊຍຖະແຫຼງວ່າສະມາຊິກສະພາແຮງງານຫຼາຍເຖິງ 5.000ຄົນ ພ້ອມດ້ວຍກຸ່່ມຜູ້ປະທ້ວງພາກສ່ວນອື່ນໆ ອອກມາລວມຕົວຊຸມນຸມ ປະທ້ວງໃນກຣຸງຈາກາຕາ ແລະອີກຫຼາຍພັນຄົນຮ່ວມຊຸມນຸມໃນເມືອງຕ່າງໆທົ່ວປະເທດ

ເພື່ອສະແດງຄວາມບໍ່ພໍໃຈທີ່ລັດຖະບານປະກາດປັບຂຶ້ນລາຄານ້ຳມັນຈາກທີ່ເຄີຍໄດ້ຮັບບໍລິການອຸດໜູນ ລວມເຖິງຮຽກຮ້ອງໃຫ້ລັດຖະບານຖອນການຕັດສິນໃຈທີ່ເຮັດໃຫ້ຄົນງານ, ຊາວນາ, ຊາວປະມົງແລະຄົນທຸກຍາກ ໃນເຂດເມືອງໄດ້ຮັບຄວາມເດືອດຮ້ອນຫຼາຍທີ່ສຸດ.

ດ້ານຜູ້ບັນຊາການຕຳຫຼວດແຫ່ງຊາດອິນໂດເນເຊຍ ສັ່ງການກ່ອນໜ້ານີ້ໃຫ້ທາງການທ້ອງຖິ່ນຮັກສາຄວາມສະຫງົບຮຽບຮ້ອຍດ້ວຍການພະຍາຍາມອະທິບາຍໃຫ້ປະຊາຊົນເຂົ້າໃຈເຖິງຄວາມຈຳເປັນທີ່ທາງການຕ້ອງຂຶນລາຄາເຊືອໄຟ

ຂະນະທີ່ໂຄສົກສຳນັກງານຕຳຫຼວດແຫ່ງຊາດເຜີີຍວ່າກຳລັງຕຳຫຼວດກວ່າ 7.200ຄົນ ໄດ້ປະຈຳການທັງໃນແລະອ້ອມຮອບກຣຸງຈາກາຕາເພື່ອຮັບມືການຊຸມນຸມ ແນວໃດກໍຕາມການຊຸມນຸມປະທ້ວງຍັງເປັນໄປດ້ວຍຄວາມສະຫງົບຮຽບຮ້ອຍ ບໍ່ມີລາຍງານເຫດປະທະຮຸນແຮງລະຫວ່າງກຸ່ມຜູ້ປະທ້ວງກັບຕຳຫຼວດ.

spot_img

ຍອດນິຍົມ