ນາຍົກລັດຖະມົນຕີຍີ່ປຸ່ນໃຫ້ໄຟຂຽວເພີ່ມງົບປະມານການຄົ້ນຄວ້າການປ້ອງກັນປະເທດ ຫຼັງຈາກສົງຄາມລັດເຊຍ – ຢູເຄຼນ.

spot_img

ນາຍົກລັດຖະມົນຕີຍີ່ປຸ່ນໃຫ້ໄຟຂຽວເພີ່ມງົບປະມານການຄົ້ນຄວ້າການປ້ອງກັນປະເທດ ຫຼັງຈາກສົງຄາມລັດເຊຍ – ຢູເຄຼນ.


ທ່ານ ຟູມິໂອະ ຄິຊິດະ ລັດຖະມົນຕີຍີ່ປຸ່ນ ອະນຸມັດເພີ່ມງົບປະມານຈຳນວນຫຼາຍໃນການວິໄຈ ແລະ ການພັດທະນາປ້ອງກັນປະເທດຫຼັງຈາກກອງກຳລັງປະສົມໄດ້ສະເໜີໃຫ້ລັດຖະບານຈັດສັນງົບປະມານເປັນມູນຄ່າ 1 ພັນຕື້ເຢນ. (7.4 ພັນລ້ານໂດລາ) ພາຍໃນ 5 ປີເພື່ອການນີ້ໂດຍສະເພາະ


ສຳນັກຂ່າວກຽວໂດລາຍງານຖ້ອຍຖະແຫຼງຂອງທ່ານຄິຊິດະເຊິ່ງລະບຸວ່າ ລັດຖະບານຈະຕອບຮັບຂໍ້ສະເໜີດັ່ງກ່າວເມື່ອເຖິງເວລາທີ່ຕ້ອງປັບປຸງນະໂຍບາຍດ້ານຄວາມໝັ້ນຄົງໃນໄລຍະຍາວ ເນື່ອງຈາກປັນຍາປະດິດ(AI), ເທັກໂນໂລຍີquantum ແລະໂຄຣນ ມີບົດບາດສຳຄັນຫຼາຍໃນສົງຄາມຣັດເຊຍ-ຢູເຄຼນ


ທາງດ້ານທ່ານ ມາຊິຮິສະ ຊາໂຕະ ເລຂາທິການຂອງພັກເສລີປະຊາທິປະໄຕ (LDP) ອ້າງຖ້ອຍຖະແຫຼງຂອງນາຍົກ ເຊິ່ງລະບຸວ່າ “ເປັນປະເດັນທີ່ສຳຄັນຢ່າງຍິ່ງ ຂ້າພະເຈົ້າຈະເຮັດວຽກຫນັກໃນເລື່ອງນີ້”


ທັ້ງນີ້ ກຸ່ມສະມາຊິກສະພາຂອງພັກ LDP ທີ່ຍື່ນເລື່ອງສະເໜີເພີ່ມງົບດ້ານປ້ອງກັນຊາດໃຫ້ລັດຖະບານນັ້ນ ໄດ້ເຂົ້າພົບທ່ານໂນບຸໂອະ ຄິຊິ ລັດຖະມົນຕີປ້ອງກັນປະເທດຍີ່ປຸ່ນ ແລະ ທ່ານນາຍຮິໂຣຄາຊຸ ມັດສຶໂນະ ຫົວໜ້າເລຂາທິການຄະນະລັດຖະມົນຕີຍີ່ປຸ່ນ ໂດຍທາງກຸ່ມຂໍຮ້ອງໃຫ້ລັດຖະບານພິຈາລະນາ ການເພີ່ມງົບປະມານດ້ານປ້ອງກັນປະເທດເພື່ອແກ້ໄຂປັບປຸງຍຸດທະສາດຄວາມໝັ້ນຄົງແຫ່ງຊາດໃນທ້າຍປີນີ້


ນອກຈາກນີ້ ເອກພສານດັ່ງກ່າວທີ່ຍື່ນເລື່ອງໄປນັ້ນຍັງລະບຸວ່າ ການເຂົ້າຮ່ວມຂແງສະມາຊິກກອງກຳລັງປ້ອງກັນຕົນເອງ (SDF) ນັ້ນເປັນສິ່ງທີ່ຂາດບໍ່ໄດ້ ເມື່ອລັດຖະບານ ບໍລິສັດ ແລະ ນັກວິຊາການຕ່າງມາຮ່ວມມືກັນໃນດ້ານຄວາມໝັ້ນຄົງນີ້ພ້ອມສະເໜີວ່າຄວນມີການສ້າງເມືອງແຫ່ງວິຊາການ ທີ່ມີສະຖາບັນດ້ານເທັກໂນໂລຍີຄວາມໝັ້ນຄົງຂັ້ນສູງໂດຍສະເພາະ.

spot_img

ຍອດນິຍົມ