ຢູຟ່າສັ່ງສອນແຟນບານຕຸລາກີ ຮ້ອງເຊຍປູຕິນ ໝັ່ນໄສ້ນັກເຕະຢູເຄຼນ.

spot_img

ຢູຟ່າສັ່ງສອນແຟນບານຕຸລາກີ ຮ້ອງເຊຍປູຕິນ ໝັ່ນໄສ້ນັກເຕະຢູເຄຼນ.


ການເມືອງລາມວົງການບານເຕະອີກແລ້ວ ຢູຟ່າສັ່ງສອບສວນກໍລະນີນີ້ວ່າ ແຟນບານທີມດັງຕຸລາກີຢອກ ຮ້ອງຊື່ເຊຍປູຕິນ ດ້ວຍຄວາມໝັ່ນໄສ້ນັກເຕະຢູເຄຼນ.


ວັນທີ່ 28 ກໍລະກົດ 2022 ສຳນັກຂ່າວ ຣອຍເຕີ່ ລາຍງານວ່າ ສະຫະພັນບານເຕະເອີຣົບ ຫຼື ຢູຟ່າ – UEFA ສັ່ງສອບຈັນຍາບັນແຟນບານ ສະໂມສອນບານເຕະ Fenerbahce ຂອງຕຸລາກີ ຫຼັງມີຂ່າວວ່າ ແຟນບານທີມດັງຕຸລາກີດັ່ງກ່າວ ຮ້ອງເຊຍເອີ້ນຊື່ “ວາລາດິເມຍ ປູຕິນ” ຜູ້ນຳຣັດເຊຍຈັງຫວະນັກເຕະຢູເຄຼນຂອງທີມດີນາ ໂມ ຄຽຟ ສະຫຼອງທີ່ຍິງປະຕູໄດ້.


ເຫດເກີດໃນນັດການແຂ່ງຂັນຮອບຄັດເລືອກຊິງຕົ໋ວໄປສຶກຢູຟ່າ ແຊ້ມປ່ຽສ ລີກ ຮອບສອງ ທີມ Fenerbahce ເປັນເຈົ້າຂອງບ້ານ ແລະ ຫວັງຈະເອົາຊະນະດີນາໂມຄຽຟ ໃຫ້ໄດ້ ແຕ່ຄຽຟ ກັບຍິງປະຕູຂຶ້ນນຳໄດ້ກ່ອນ ໂດຍ ວິຕາລີ ບູຍານສະກີ ນາທີ 57 ຫຼັງຈາກນັກເຕະ Fenerbahce ຫາກໍຖືກໃບແດງອອກໄປໄດ້ໃນນາທີດຽວ.


ຈັງຫວະທີ່ບູຍານສະກີສະຫຼອງດີໃຈທີ່ຍິງປະຕູໄດ້ ປາກົດວ່າ ແຟນບານ Fenerbahce ພາກັນຮ້ອງຊື່ “ວາລາດິເມຍ ປູຕິນ” ຜູ້ນຳຣັດເຊຍຊໍ້າໆ ຕອບໂຕ້ນັກເຕະທີມຝ່າຍກົງກັນຂ້າມ.


ເກມລົງເອີຍ 1-1 ປະຕູໃນຊ່ວງ 90 ນາທີ ຈຶ່ງຕ້ອງຕໍ່ເວລາພິເສດ ກະທັ້ງຄຽຟຍິງປະຕູໄດ້ເພີ່ມໄດ້ເປັນ 2-1 ໃນນາທີ 114 ຜ່ານເຂົ້າໄປຫຼິ້ນສຶກ ແຊ້ມປ່ຽສ ລີກ ດ້ວຍສະກໍນີ້ ຫຼັງຈາກນັດທຳອິດສອງທີມສະເໝີກັນ 0-0.


ທັ້ງນີ້ ຊ່ວງເວລາທີ່ແຟນບານຮ້ອງເຊຍຊື່ປູຕິນ ມີຜູ້ຖ່າຍຄິບໄວ້ ແລະ ແຊລົງໂຊຊ່ຽວມີເດຍ ຈົນເປັນກະແສທີ່ມີຄົນຈຳນວນຫຼາຍເຂົ້າມາກ່າວໂທດ ແລະ ວິພາກວິຈານ.

spot_img

ຍອດນິຍົມ