ຢູເຄຼນຫວັງຈົບສົງຄາມກ່ອນລະດູໜາວ ຫວັ່ນເສຍປຽບຣັດເຊຍ.

spot_img

ຢູເຄຼນຫວັງຈົບສົງຄາມກ່ອນລະດູໜາວ ຫວັ່ນເສຍປຽບຣັດເຊຍ.


ເຈົ້າໜ້າທີ່ລະດັບສູງຢູເຄຼນ ຢໍ້າ ສົງຄາມຕ້ອງຈົບກ່ອນລະດູໜາວ ຕື້ຕາເວັນຕົກສົ່ງອາວຸດສູ້ຣັດເຊຍ ຮ້ອງເຖິງຢູເອັນ ການເຈລະຈາບໍ່ມີຜົນປະໂຫຍດ.


ວັນທີ່ 21 ກໍລະກົດ 2022 ຣອຍເຕີ່ ລາຍງານວ່າ ຜູ້ຊ່ວຍລະດັບສູງຂອງປະທານາທິບໍດີຢູເຄຼນກ່າວເມື່ອວັນທີ່ 19 ກໍລະກົດທີ່ຜ່ານມາວ່າ ທາງການຢູເຄຼນບໍ່ຕ້ອງການໃຫ້ສົງຄາມຍືດເຍື້ອຈົນຮອດລະດູໜາວ (ທັນວາ-ກຸມພາ) ເນື່ອງຈາກອາດເຮັດໃຫ້ກອງກຳລັງຣັດເຊຍຄ່ອຍໆ ບຸກທະລວງເຂົ້າມາ ແລະ ເຮັດໃຫ້ວິທີໂຈມຕີຕອບໂຕ້ກັບຂອງຝັ່ງຢູເຄຼນຍາກຂຶ້ນ.


ທ່ານ ແອນເດຣ ເຍີມາກ ຫົວໜ້າຄະນະເຈົ້າໜ້າທີ່ປະຈຳທຳນຽບປະທານາທິບໍດີ ໂວໂລດິເມຍ ເຊເລັນສະກີ ຂອງຢູເຄຼນ ກ່າວລະຫວ່າງການໃຫ້ສຳພາດກັບວາລະສານຢູເຄຼນວ່າ ອາວຸດທີ່ທາງການສະຫະລັດຈັດໃຫ້ຢູເຄຼນມາໃຊ້ນັ້ນ ຈະເຮັດຫ້ມີປະລິມານອາວຸດທີ່ພຽງພໍໃນຊ່ວງກ່ອນລະດູໜາວ ເພື່ອໃຫ້ກອງກຳລັງຢູເຄຼນ ໄດ້ຮັບ “ໄຊຊະນະ” ກ່ອນໜ້ານັ້ນ.


“ມັນເປັນເລື່ອງສຳຄັນຫຼາຍສຳລັບເຮົາທີ່ຈະບໍ່ (ປ່ອຍໃຫ້ສົງຄາມ) ເຂົ້າສູ່ລະດູໜາວເພາະລະດູໜາວຈະເຮັດໃຫ້ຣັດເຊຍມີເວລາເພີ່ມຂຶ້ນໃນການບຸກເຂົ້າມາ ແລະ ມັນຈະຍາກຂຶ້ນຢ່າງແນ່ນອນ” ເຍີມາກກ່າວ ແລະ ວ່າ ເຖິງແມ່ນວ່າຣັດເຊຍຈະພະຍາຍາມຍື້ໃຫ້ຢູເຄຼນເຂົ້າສູ່ຄວາມຂັດແຍ້ງທີ່ຍືດເຍື້ອນີ້.


ດ້ານທາງການຣັດເຊຍກ່າວວ່າ ຄວາມຂັດແຍ້ງທີ່ເລີ່ມຕົ້ນຂຶ້ນເມື່ອວັນທີ່ 24 ກຸມພານັ້ນບໍ່່ມີໄລຍະເວລາທີ່ຈຳກັດ ແລະ ໄດ້ເລີ່ມ “ປະຕິບັດການພິເສດທາງການທະຫານ” ຂຶ້ນເພື່ອຮັບຮອງຄວາມປອດໄພຂອງຕົນ ເຊິ່ງທາງຢູເຄຼນ ແລະ ຊາດຕາເວັນຕົກປະນາມຄວາມຂັດແຍ້ງຄັ້ງນີ້ວ່າເປັນການຮຸກຮານທີ່ບໍ່ີເຫດຜົນ.

spot_img

ຍອດນິຍົມ