ຣັດເຊຍຖອນຕົວອອກຈາກສະຖານີອາວາກາດນານາຊາດຫຼັງປີ 2024.

spot_img

ຣັດເຊຍຖອນຕົວອອກຈາກສະຖານີອາວາກາດນານາຊາດຫຼັງປີ 2024.


ຣັດເຊຍປະກາດຖອນຕົວຈາກໂຄງການສະຖານີອາວາກາດນານາຊາດລັງປີ 2024 ຫັນໄປມຸ່ງສ້າງສະຖານີອາວາກາດຂອງຕົວເອງ.


ວັນທີ່ 26 ກໍລະກົດ 2022 ເອັນບີຊິນິວລາຍງານວ່າ ຣັດເຊຍປະກາດວ່າຈະຖອນຕົວຈາກສະຖານີອາວາກາດນານາຊາດ (ISS) ຫຼັງປີ 2024 ເຊິ່ງນັບເປັນການຍຸດຕິການມີສ່ວນຮ່ວມໃນໂຄງການທີ່ເຮັດໜ້າທີ່ເປັນສັນຍາລັກສຳຄັນຂອງຄວາມຮ່ວມມືຫຼັງສົງຄາມເຢັນ


ຄວາມເຄື່ອນໄຫວເຊິ່ງເກີດຂຶ້ນໃນຂະນະທີ່ຣັດເຊຍ ແລະ ຊາດຕາເວັນຕົກປະທະກັຍເລື່ອງສົງຄາມໃນຢູເຄຼນ ເຮັດໃຫ້ເກີດຂໍ້ສົງໃສເຖິງອະນາຄົດຂອງຄວາມຮ່ວມມືລະດັບໂລກໃນດ້ານອາວາກາດ


ສື່ທາງການຮັດເຊຍລາຍງານວ່າ ຫົວໜ້າໜ່ວຍງານອາວາກາດຂອງຣັດເຊຍແຈ້ງກັບ “ປູຕິນ” ປະທານາທິບໍດີ ຣັດເຊຍວ່າ ຣັດເຊຍຈະອອກຈາກໂຄງການສະຖານີອະວາກາດ ແລະ ມຸ່ງເນັ້ນໄປທີ່ການສ້າງໂຄງການຂອງຕົວເອງ


ສຳນັກຂ່າວທາສລາຍງານວ່າ “ຢູຣິ ບໍຣິຊອຟ” ຜູ້ອຳນວຍການອະວາກາດສະຫະພັນຣັດເຊຍ ຫຼື ຣອສຄອສມອສ (Roscosmos) ເຜີຍວ່າ ການຖອນຕົວຈະມີຂຶ້ນຫຼັງປີ 2024
ການກໍ່ສ້າງດ້ານໜ້າໃນວົງໂຄຈອນຂອງໂລກເລີ່ມຂຶ້ນເມື່ອປີ 1998 ກ່ອນຈະແລ້ວໃນປີ 2011 ໂດຍໄດ້ຮັບການຍົກຍ່ອງວ່າເປັນຕົວຢ່າງໃນການປອງດອງຂອງຊາດທີ່ບໍ່ຄ່ອຍລົງຮອຍກັນ


ຂໍ້ຕົກລົງກ່ຍວກັບສະຖານີອາວາກາດຈະມົດອາຍຸລົງໃນປີ 2024 ແລະ ກ່ອນໜ້ານີ້ເຈົ້າໜ້າທີ່ຣັດເຊຍເຄີຍບອກວ່າ ພວກເຂົາຈະປ່ອຍໃຫ້ຂໍ້ຕົກລົງໝົດອາຍຸ ເພື່ອຫັນໄປເຮັດວຽກໃນສະຖານີອາວາກາດຣັດເຊຍຂອງພວກເຂົາເອງ ເຊິ່ງຄາດວ່າຈະເລີ່ມດຳເນີນການໄດ້ໃນປີ 2025


ບໍຣິຊອຟ ເຊິ່ງໄດ້ຮັບແຕ່ງຕັ້ງເມື່ອຕົ້ນເດືອນນີ້ ຍືນຍັນກັບປູຕິນວ່າ ເຂົາຕັ້ງໃຈຈະເຮັດເຊັ່ນນັ້ນ ພ້ອມລະບຸວ່າຮັດເຊຍຈະປະຕິບັດຕາມພັນທະທີ່ມີພັນທະມິດກ່ອນທີ່ຈະອອກຈາກໂຄງການ


ເຂົາກ່າວອີດວ່າເປົ້າໝາຍຫຼັກຂອງໜ່ວຍງານອາວາກາດຂອງຮັດເຊຍຄືການຍົກລະດັບມາດຕະຖານ ແລະ ການຈັດຫາບໍລິການດ້ານອາວາກາດທີ່ຈຳເປັນໃຫ້ກັບປະເທດເຊັ່ນ ຂໍ້ມູນການນຳທາ ການສື່ສານ ແລະ ຂໍ້ມູນອຸຕຸນິຍົມທົ່ວໂລກ
ເຂົາກ່າວດ້ວຍວ່າ “ພື້ນທີ່ໃນອຸດສາຫະກຳອາວາກາດຢູ່ໃນສະຖານະການທີ່ຍາກລຳບາກ”

ການປະກາດຂອງຣັດເຊຍມີຂຶ້ນໃນຂະນະທີ່ການຮຸກຮານຢູເຄຼນຂອງຣັດເຊຍສົ່ງຜົນກະທົບຕໍ່ທຸກຢ່າງ ຕັ້ງແຕ່ການຈັດຫາພະລັງງານ ຂອງຢຸໂຣບໄປຈົນເຖິງສະບຽງອາຫານທົ່ວໂລກ.

spot_img

ຍອດນິຍົມ