ສະຫະລັດ-ແຄນາດາຄຶກ! ສົ່ງເຮືອລ່ອງຜ່ານຊ່ອງແຄບໄຕ້ຫວັນ

spot_img

ສະຫະລັດ-ແຄນາດາຄຶກ! ສົ່ງເຮືອລ່ອງຜ່ານຊ່ອງແຄບໄຕ້ຫວັນ

ເຮືອຮົບສະຫະລັດ-ເເຄນາດາ ລ່ອງຜ່ານຊ່ອງແຄບໄຕ້ຫັວນ ຄວາມເຄືອ່ນໄຫວເຊິ່ງມີຂຶ້ນຫຼັງຈາກປະທານາທິບໍດີໂຈ ໄບເດນ ແຫ່ງສະຫະລັດປະກາດກ້າວວ່າອາເມລິກາຈະປົກປ້ອງພິທັກໄຕ້ຫວັນໃນກໍລິນີທີ່ຖືກຈິນຮຸກຮານ

ຢູເອເອ ຮິກກິນ ເຮືອພິຄາດຕິດຂີປະນາວຸດນຳວິຖີຊັ້ນອາເລເບິກ ແຫ່ງກອງທັບເຮືອສະຫະລັດ ດຳເນີນການລ່ອງເຮືອຜ່ານຊ່ອງແຄບໄຕ້ຫວັນຕາມປົກກະຕິ ແລງຟໍດກ່າວວ່າ ເຮືອຮົບຂອງສະຫະລັດໄດ້ເຮັດການລ່ອງເຮືອ ໃນຄວາມຮ່ວມມືກັບເອເອັມຊີເອ ແວນຄູເວ ເຮືອຟິເກ ຊັ້ນແຮລິແຟກ ແຫ່ງກອງທັບເຮືອແຄນາດາພ້ອມລະບຸວ່າ

ເຮືອທັງ 2ລຳລ່ອງຜ່ານແນວກັນຊົນໜຶ່ງໃນຊ່ອງແຄບ ທີ່ຢູ່ນອກທະເລອານາເຂດຊາຍຝັ່ງໃດໆ ການລ່ອງເຮືອນີ້ສະແດງໃຫ້ເຫັນເຖິງພັນທະສັນຍາຂອງສະຫະລັດ ພັນທະມິດແລະຄູ່ຫູຂອງເຮົາ ທີ່ມີຕໍ່ອິນແປຊີຟິກທີ່ເສລີແລະເປີດກວ້າງ

ເຈົ້ານ້າທີ່ປ້ອງກັນປະເທດທ່ານໜຶ່ງເປີດເຜີຍກັບຊີເອັນເອັນວ່າ ນັບຕັ້ງແຕ່ນາງແນນຊີ ເພໂລຊີ ປະທານສະພາຜູ້ແທນສະຫະລັດ ເດີນທາງຢ້ຽມໄຕ້ຫວັນໃນຊ່ວງຕົ້ນເດືອນສິງຫາ ອາເມລິກາພົບເຫັນເຮືອແລະເຮືອດຳນ້ຳຂອງກອງທັບເຮືອຈີນເພີ່ມຈຳນວນຂຶ້ນຢ່າງຫຼາຍອ້ອມຮອບໄຕ້ຫວັນ.

ແມ່ນວ່າສະຫະລັດຮຽກມັນວ່າເປັນການລ່ອງປົກກະຕິ ແຕ່ມັນມີຂຶ້ນຫຼັງໄບເດນ ຊ້ຳເຕີມສະຖານະການຄວາມຕຶງຄຽດລະຫວ່າງວໍຊິງຕັນກັບປັກກິ່ງກ່ຽວກັບໄຕ້ຫວັນ ດ້ວຍການໃຫ້ສຳພາດກັບລາຍການ 60ມິນິຂອງສະຖານີໂທລະທັດຊີບີເອ ວ່າເຂົາຈະໃຊ້ກອງກຳລັງສະຫະລັດປົກປ້ອງເກາະແຫ່ງນີ້ຫາກວ່າຈີນພະຍາຍາມຮຸກຮານ.

spot_img

ຍອດນິຍົມ