ສາວອິນໂດຊັອກຫຼັງຮູ້ວ່າ ສາມີທີ່ແຕ່ງງານກັນມາ 10 ເດືອນເປັນຜູ້ຍິງ.

spot_img

ສາວອິນໂດຊັອກຫຼັງຮູ້ວ່າ ສາມີທີ່ແຕ່ງງານກັນມາ 10 ເດືອນເປັນຜູ້ຍິງ.


ເຫດຜົນການຢ່າຮ້າງຂອງຄູ່ຮັກມັນເກີດຈາກເຫດຜົນປັດໃຈຕ່າງໆ ຫຼາກຫຼາຍ ແຕ່ຈະມີແຕ່ຈັກຄູ່ທີ່ຢ່າຮ້າງກັນເນື່ອງຈາກອີກຝ່າຍພົບວ່າຄົນທີ່ພວກເຂົາແຕ່ງງານນຳເປັນເພດດຽວກັນ


ນີ້ຄືເລື່ອງຂອງຜູ້ຍິງຊາວອິນໂດເນເຊຍລາຍໜຶ່ງທີ່ແຕ່ງງານກັບສາມີຂອງລາວມາດົນກວ່າ10ເດືອນ ໂດຍທີ່ລາວບໍ່ຮູ້ເລີຍວ່າຄົນທີ່ລາວແຕ່ງງານນຳເປັນຜູ້ຍິງເຊັ່ນດຽວກັບລາວ


ຜູ້ຍິງອາຍຸ22ປີ ຈາກເມືອງຈຳບີຂອງອິນໂດເນເຊຍ ທີ່ທາງສື່ ໃຊ້ຊື່ຫຍໍ້ຂອງລາວວ່າ NA ໄດ້ພົບກັບອາດີດສາມີລາຍນີ້ຂອງລາວຜ່ານແອັບພິເຄຊັ່ນຫາຄູ່ໜຶ່ງ ເຂົາລົງທະບຽນໃນຊື່ ອາຫນາຟ ອາຣາຟິຟ ແລະ ອ້າງວ່າແຟນເປັນແພດທີ່ປະສົບຄວາມສຳເລັດທີ່ເຄີຍໄປສຶກສາທີ່ຕ່າງປະເທດມາແລ້ວ


ທັງສອງຖືກຊະຕາກັນຢ່າງໄວ ແລະ ຕັດສິນໃຈຄົບກັນທັນທີ ຫຼັງຈາກນັ້ນພຽງ2-3ອາທິດ ອາຫນາຟກໍມາຢູ່ກັບລາວໄດ້ປະມານ1ອາທິດ ໃນລະຫວ່າງນັ້ນເຂົາເປັນແຟນໜຸ່ມທີ່ປະຕິບັດຕົວດີ ລວມເຖິງຊ່ວຍເບິ່ງແຍງພໍ່ແມ່ຂອງລາວທີ່ບໍ່ສະບາຍໃນເວລານັ້ນ


ສອງສາມອາທິດຕໍ່ມາ ອາຫນາຟ ຕັດສິນໃຈຂໍ NA ແຕ່ງງານ ແລະ ບໍ່ມີເຫດຜົນຫຍັງທີ່ລາວຈະປະຕິເສດຄຳຂໍນີ້ ເຊິ່ງພໍ່ແມ່ຂອງຝ່າຍຍິງກໍສະໜັບສະໜູນຢ່າງເຕັມທີ່


ບໍ່ດົນຈາກນັ້ນ ຫຼັງຈາກທີ່ທັງສອງແຕ່ງງານກັນ NA ກັບຄອບຄົວຂອງລາວກໍເລີ່ມສັງເກດເຫັນສິ່ງແປກໆ ກ່ຽວກັບຊາຍໜຸ່ມຄົນນີ້ ຂໍ້ທຳອິດແມ່ນວ່າ NA ຈະຂໍໄປພົບຄອບຄົວຂອງເຂົາປານໃດ ແຕ່ອາຫນາຟກໍບໍ່ເຄີຍພາໄປພົບພໍ່ແມ່ຂອງລາວເລີຍ


ນອກຈາກນັ້ນລາວເບິ່ງຄືວ່າຫຍຸ້ງຍາກເກີນໄປທີ່ຈະເຮັດວຽກເປັນແພດ ທີ່ຄວນຈະມີຕາລາງການເຮັດວຽກທີ່ຍຸ້ງຫຼາຍກວ່ານີ້ ແຕ່ທັງໝົດທັງມວນເປັນສິ່ງທີ່ NA ເລືອກທີ່ຈະມອງຂ້າມໄປ


ແນວໃດກໍຕາມແມ່ຂອງລາວບໍ່ໄດ້ມອງຂ້າມໄປດ້ວຍ ລາວສັງເກດເຫັນວ່າອາຫນາຟບໍ່ເຄີຍແກ້ເຄື່ອງຕໍ່ໜ້າຜູ້ອື່ນເຖິງວ່າຈະເປັນພັນລະຍາຂອງລາວກໍຕາມ ລາວເຖິງນຸ່ງເຄື່ອງອາບນໍ້າໃນເວລາທີ່ຄົນອື່ນຢູ່ໃນເຮືອນ


ຈົນກະທັ້ງມື້ໜຶ່ງ ເມື່ອ NA ໄດ້ພົບວ່າສາມີຂອງລາວມີກ້ອນເນື້ອທີ່ໜ້າເອິກບໍ່ຄືຜູ້ຊາຍ ລາວກໍອ້າງວ່າເປັນບັນຫາທາງດ້ານຮໍໂມນທຸກຢ່າງເບິ່ງຄືວ່າຮ້າຍແຮງຂຶ້ນ ໂດຍສະເພາະແມ່ຂອງຝ່າຍຍິງທີ່ທົນບໍ່ໄດ້ອີກຕໍ່ໄປ ມື້ໜຶ່ງໃນຂະນະທີ່ອາຫນາຟກັບມາຮອດເຮືອນ ແລະ ກຳລັງຈະອາບນໍ້າ ແມ່ຮຽກຮ້ອງໃຫ້ລາວແກ້ເຄື່ອງອອກທັງໝົດເພື່ອພິສູດວ່າເປັນຜູ້ຊາຍແທ້


ແນ່ນອນວ່າອາຫນາຟບໍ່ສາມາດຫຼຸດພົ້ນສະຖານະການນີ້ໄດ້ ເຂົາຈຳນົນທຸກຢ່າງ ແລະ ອມຮັບວ່າຕົນເອງເປັນຜູ້ຍິງແທ້ໆ ເຂົາສາລະພາບວ່າຕົນເອງມີຊື່ແທ້ວ່າ ເອຣາຍານີ ແລະ ຕົວະທຸກຄົນໃນທຸກໆເລື່ອງ ລວມເຖິງວຽກທີ່ເຂົາເຮັດອີກດ້ວຍ


NA ບອກກັບສານເຂດຈຳບີວ່າ ລາວບໍ່ເຄີຍສົງໃສເລີຍວ່າສາມີຂອງລາວເປັນຜູ້ຍິງດົນເຖິງ10ເດືອນດ້ວຍກັນ ຈົນກະທັ້ງແມ່ຂອງລາວບັງຄັບໃຫ້ແກ້ເຄື່ອງ ໃນຄວາມເປັນຈິງແລ້ວທັງສອງມີຄວາມໄກ້ຊິດກັນຫຼາຍຄັ້ງ ແຕ່ສາມີຂອງລາວບໍ່ເຄີຍລ່ວງເກີນລາວໄປກວ່າການໃຊ້ນິ້ວເພື່ອໃຫ້ພັນລະຍາພໍໃຈ ແລະ ບໍ່ສົງໃສຫຍັງຈັກຢ່າງ

ແຕ່ສຳຫຼັບຄະດີນີ້ ເອຣາຍານີຈະຕ້ອງປະເຊີນກັບຂໍ້ກ່າວຫາຫຼອກລວງຜູ້ອື່ນ ໂດຍການປອມແປງເປັນແພດເທົ່ານັ້ນ ເຊິ່ງບໍ່ກ່ຽວກັບການປອມຕົວເປັນຜູ້ຊາຍແຕ່ຢ່າງໃດ.

spot_img

ຍອດນິຍົມ