ຫົວໜ້າໜ່ວຍຂ່າວກອງອັງກິດ ວິເຄາະແຜນການຕໍ່ໄປຂອງທ່ານ ປູຕິນ.

spot_img

ຫົວໜ້າໜ່ວຍຂ່າວກອງອັງກິດ ວິເຄາະແຜນການຕໍ່ໄປຂອງທ່ານ ປູຕິນ.


ໜ່ວຍງານກະຊວງປ້ອງກັນປະເທດອັງກິດ ກຳລັງຈັບຕາເບິ່ງຄວາມເຄື່ອນໄຫວຂອງກອງທັບຣັດເຊຍໃນຢູເຄຼນຢ່າງໃກ້ຊິດ ແລະ ບໍ່ຕັດຄວາມເປັນໄປໄດ້ທີ່ັຣັດເຊຍຈະໃຊ້ອາວຸດນິວເຄຼຍ
ພັນໂທ Jim Hockenhull ຫົວໜ້າກອງບັນຊາການທະຫານປ້ອງກັນຊາດ ສະຫະປະຊາຊາດ ວິເຄາະສະຖານະການສົງຄາມຣັດເຊຍ-ຢູເຄຼນ ລະຫວ່າງການໃຫ້ສຳພາດຜູ້ສື່ຂ່າວສາຍຄວາມໝັ້ນຄົງຂອງບີບີຊີວ່າ ເຂົາບໍ່ເຄີຍຄິດວ່າ ຝ່າຍໃດຝ່າຍໜຶ່ງຈະປະຕິບັດການຜະເດັດສຶກພາຍໃນປີນີ້ ແລະ ສົງຄາມນີ້ຈະຍືດເຍື້ອຕໍ່ໄປ
ພັນໂທ Jim Hockenhull ດຳລົງຕຳແໜ່ງຫົວໜ້າຂ່າວກອງກຳລັງປະເທດມາຫຼາຍກວ່າ 4 ປີ ແລະ ເປັນຄົນທຳອິດ ທີ່ຄາດການລ່ວງໜ້າວ່າຣັດເຊຍຈະບຸກຢູເຄຼນ
ເຂົາເຊື່ອວ່າຂະນະນີ້ຣັດເຊຍກຳລັງຮວບຮວມພົນກຳລັງ ແລະ ອາວຸດເພື່ອເສີມທັບ ຫຼັງຈາກສູນເສຍໄປຫຼາຍໃນການສູ້ຮົບທີ່ຜ່ານມາ ເຊິ່ງ ພັນໂທ Jim Hockenhull ວິເຄາະວ່າຄວາມສູນເສຍນີ້ເປັນຜົນຈາກການັບຄັບບັນຊາ ການຄວບຄຸມ ແລະ ການສົ່ງກຳລັງບຳລຸງທີ່ບໍ່ມີປະສິດທິພາບຂອງກອງທັບຣັດເຊຍ
ນອກຈາກນີ້ກອງທັບຣັດເຊຍຍັງຖືກຝ່າຍການເມືອງເຂົ້າແຊກແຊງທາງດ້ານຍຸດທະສາດ ແລະ ຍຸດທະວິທີ ຈົນເຮັດໃຫ້ເກີດຄວາມບໍ່ວາງໃຈກັນລະຫວ່າງຝ່າຍທະຫານ ແລະ ຝ່າຍການເມືອງອີກດ້ວຍ
ຫົວໜ້າສາຍລັບປ້ອງກັນປະເທດອັງກິດ ວິເຄາະວ່າ ຫຼັງຈາກນີ້ ກອງທັບຣັດເຊຍຈະເຄື່ອນຍ້າຍກຳລັງທະຫານຈາກດອນບາສໄປສູ່ທາງຕອນໃຕ້ຂອງຢູເຄຼນ ເຊິ່ງເປັນພື້ນທີ່ຝ່າຍຣັດເຊຍກຳລັງຖືກກົດດັນຢ່າງໜັກຈາກກອງທັບຢູເຄຼນທີ່ປັກຫຼັງຢູ່ພາຍໃນ ແລະ ຮອບໆ ພາກພື້ນແຄຊອນ.

spot_img

ຍອດນິຍົມ