ຮູ້ ຫຼື ບໍ່? ກິນໄຂ່ທຸກມື້ດີຕໍ່ສຸຂະພາບ.

spot_img

ຮູ້ ຫຼື ບໍ່? ກິນໄຂ່ທຸກມື້ດີຕໍ່ສຸຂະພາບ.


ໄຂ່ໄກ່ເປັນອາຫານທີ່ມີທາດບຳລຸງ ແລະ ມີສານອາຫານອີກຫຼາກຫຼາຍຊະນິດທີ່ໃຫ້ປະໂຫຍດກັບຮ່າງກາຍ ສາມາດກິນໄດ້ທຸກມື້ ບໍ່ວ່າຈະເປັນຕອນເຊົ້າ, ຕອນສວຍ ຫຼື ຕອນຄໍ່າກໍຕາມ ເຖິງແມ່ນວ່າໄຂ່ຈະປະກອບດ້ວຍສານອາຫານທີ່ມີຄຸນຄ່າພຽງໃດ ແຕ່ກໍມີຫຼາຍຄົນທີ່ບໍ່ອາດເລືອກກິນໄດ້ທກມື້ ເພາະໄຂ່ມີປະລິມານຄໍເລສເຕີຣອນຄ່ອນຂ້າງສູງ ມື້ນີ້ເຮົາມີຂໍ້ມູນເລື່ອງການກິນໄຂ່ທຸກມື້ວ່າດີຕໍ່ສຸຂະພາບແນວໃດມາບອກ.


• ຊ່ວຍບຳລຸງລະບົບປະສາດ ແລະ ສະໝອງ ໃນໄຂ່ໄກ່ 1 ໜ່ວຍຈະມີໂຄລີນຫຼາຍເຖິງ 20% ສຳຫຼັບໂຄລີນເປັນສ່ວນປະກອບຂອງເຍື່ອຫຸ້ມເຊວ ເຮັດໃຫ້ສະໝອງ ແລະ ລະບົບປະສາດແຂງແຮງ ຊ່ວຍໃຫ້ທ່ານມີຄວາມຈຳທີ່ດີຂຶ້ນໄດ້
• ມີທາດເຫຼັກທີ່ຊ່ວຍຜະລິດເຊວເມັດເລືອດ ຊ່ວຍໃຫ້ໃບໜ້າສົດໃສ ແລະ ວິຕາມິນ B1 ແລະ ວິຕາມິນ B2 ໃນໄຂ່ໄກ່ສາມາດຊ່ວຍກຳຈັດໄຂມັນອີກດ້ວຍ
• ເປັນອາຫານທີ່ດີໃນການຊ່ວຍບັນເທົາຄວາມອິດເມື່ອຍ ຟື້ນຟູຮ່າງກາຍ ແລະ ສາມາດບັນເທົາຄວາມກົດດັນໄດ້
• ສຳຫຼັບຜູ້ທີ່ຮັກສາຫຸ່ນ ແລະ ລົດນໍ້າໜັກ ການກິນໄຂ່ມື້ລະ 2 ໜ່ວຍໃນຕອນເຊົ້າ ຈະເຮັດໃຫ້ຮ່າງກາຍໄດ້ຮັບສານອາຫານ ເພາະແຕ່ລະໜ່ວຍມີພຽງ 75 ແຄລໍລີ່ເທົ່ານັ້ນ ຈິ່ງເຮັດໃຫ້ຮູ້ສຶກອີ່ມທ້ອງ
• ຊ່ວຍບຳລຸງສາຍຕາ ໃນໄຂ່ມີສານຕ້ານອະນຸມູນອິດສະຫຼະຢ່າງເຊັ່ນ ລູທີນ ແລະ ຊີແຊນທີນ ຊ່ວຍປ້ອງກັນເນື້ອເຍື່ອຈໍຕາ ແລະ ການເສື່ອມຂອງຈໍປະສາດຕາສານອາຫານເຫຼົ່ານີ້ຈະພົບໄດ້ສູງໃນໄຂ່ແດງ.

spot_img

ຍອດນິຍົມ