“ເຊເລັນສະກີ” ປຶກສາຫາລືກັບຜູ້ນໍາເອີຣົບກ່ຽວກັບບັນຫາຢູເຄຼນເຂົ້າຮ່ວມ EU-ຄວາມຂັດແຍ້ງກັບລັດເຊຍ.

spot_img

“ເຊເລັນສະກີ” ປຶກສາຫາລືກັບຜູ້ນໍາເອີຣົບກ່ຽວກັບບັນຫາຢູເຄຼນເຂົ້າຮ່ວມ EU-ຄວາມຂັດແຍ້ງກັບລັດເຊຍ.


ປະທານາທິບໍດີໂວໂລດິເມຍ ເຊເລັນສະກີ ຜູ້ນຳຢູເຄຼນໄດ້ພົບກັບຜູ້ນຳຝຣັ່ງເສດ ເຢຍລະມັນ, ອີຕາລີ ແລະ ໂຣມາເນຍທີ່ກຣຸງຄຽຟ ເພື່ອຫາແນວໂນ້ມທີ່ຢູເຄຼນຈະເຂົ້າຮ່ວມສະຫະພາບເອີຣົບ(EU) ແລິ ຫາລືກ່໋ຽວກັບຄວາມຂັດແຍ້ງລະຫວ່າງຣັດເຊຍ-ຢູເຄຼນ


ໃນລະຫວ່າງການພົບປະກັບປະທານາທິບໍດີເອັມມານູເອວ ມາຄຣົງຂອງຝຣັ່ງເສດ, ທ່ານໂອລາຟ ໂຊນ ລັດຖະມົນຕີເຢຍລະມັນ, ທ່ານມາຣິໂອ ດຣາກີ ນາຍົກລັດຖະມົນຕີອີຕາລີ ແລະ ປະທານາທິບໍດີເຄລາສ ໂຍຮັນນິສແຫ່ງໂລມາເນີຍນັ້ນ ປະທານາທິບໍດີ ເຊເລັນສະກີ ໄດ້ອະທິບາຍສະຫຼຸບກັບຜູ້ນຳເອີຣົບ ກ່ຽ%ກັບສະຖານະການແນວໜ້າ ແລະ ຄວາມຕ້ອງການຂອງກອງທັບຢູເຄຼນໃນການຕໍ່ສູ້ກັບຣັດເຊຍ


ປະທານາທິບໍດີ ເຊເລັນສະກີລະບຸວ່າ ຢູເຄຼນຫວັງຈະໄດ້ຮັບອາວຸດໜັກ ປືນໃຫຍ່ ແລະ ລະບົບປ້ອງກັນຂີປະນາວຸດທີ່ທັນສະໄໝຈາກພັນທະມິດແຫ່ງຊາດ
ນອກຈາກນີ້ເຂົາຍັງຍືນຍັນກັບຜູ້ນຳເອີຣົບວ່າຢູເຄຼນພ້ອມດຳເນີນການທີ່ຈຳເປັນເພື່ອເຂົ້າຮ່ວມເປັນສະມາຊິກຂອງEU
ທາງດ້ານ ປະທານາທິບໍດີ ມາຄຣົງກ່າວວ່າ ຢູເຄຼນເປັນສ່ວນໜຶ່ງຂອງຄອບຄົວເອີຣົບ ແລະ ຜູ້ນຳຂອງ4ປະເທດລ້ວນແຕ່ສະໜັບສະໜູນຢູເຄຼນໃນການຍື່ນຂໍເຂົ້າເປັນສະມາຊິກEU
ນອກຈາກນີ້ ທີ່ກອງປະຊຸມຍັງກ່າວເຖິງປະເດັນການສະໜັບສະໜູນດ້ານເສດຖະກິດສຳຫຼັ້ບຢູເຄຼນ ການສະກັດກັ້ນ ການສົ່ງທັນຍາພືດຂອງຢູເຄຼນ ແລະ ການປະທ້ວງເສດຖະກິດຄັ້ງໃຫຍ່ຕໍ່ຣັດເຊຍ


ທັ້ງນີ້ ເມື່ອວັນທີ 28/ ກຸມພາ ປະທານາທິບໍດີ ເຊເລັນສະກີໄດ້ລົງນາມໃນເອກະສານເພື່ອຍື່ນຂໍ້ເປັນສະມາຊິກພາຍໃນEU ໃຫ້ກັບຢູເຄຼນຜ່ານຂະບວນການພິເສດ ແລະ ເມື່ອວັນທີ11 ມິຖຸນາ ທ່ານນາງເອີຊູລາ ຟອນ ເດີ ເລເຍນ ປະທານາທິບໍດີເອີຣົບ(EC)ກ່າວວ່າEC ຈະສະຫຼຸບການປະເມີນສະຖານະຜູ້ສະໝັກຂອງຢູເຄຼນສຳຫຼັບການເຂົ້າເປັນສະມາຊິກ EU ໃນທ້າຍອາທິດນີ້.

spot_img

ຍອດນິຍົມ