ເດັກນ້ອຍ 3ປີເສຍຊີວິດຍ້ອນຖືກລືມໃນລົດຕູ້ຂອງໂຮງຮຽນ ດົນກວ່າ5ຊົ່ວໂມງ

spot_img

ເດັກນ້ອຍ 3ປີເສຍຊີວິດຍ້ອນຖືກລືມໃນລົດຕູ້ຂອງໂຮງຮຽນ ດົນກວ່າ5ຊົ່ວໂມງ

ສາວນ້ອຍອາຍຸ 3ປີ ຖືກລືມໃນລົດຕູ້ໂຮງຮຽນອານຸບານ 5ຊົ່ວໂມງ ຊ່ວງອາກາດຮ້ອນແຮງ ລືມນັກຮຽນໃນລົດຕູ້ກາຍເປັນສິ່ງໂຫດຮ້ານທີ່ສຸດຂອງຄົນເປັນພໍ່ແມ່ ເນື່ອງຈາກໜ້ອຍຄັ້ງທີ່ເດັກນ້ອຍຖືກລືມຈະລອດຊີວິດ

ແລະນຳມາເຊິ່ງຄວາມສູນເສຍ ຢ່າງເຫດການລ່າສຸດເກີດຂຶ້ນທີ່ເມືອງມາກິໂນະຮາລະ ແຂວງຊິຊູໂອກະຂອງຢີ່ປຸ່ນ ເມື່ອນັກຮຽນອາຍຸ 3ປີ ທີ່ກຳລັງຮຽນຢູ່ຊັ້ນອານຸບານ ຖືກພົບໝົດສະຕິພາຍໃນລົດຕູ້ຮັບສົ່ງນັກຮຽນຂອງໂຮງຮຽນແຫ່ງໜຶ່ງ
ຕາມການລະບຸວ່າ

ເຖິງແມ່ນວ່າຈະຮີບນຳສົ່ງໂຮງໝໍແຕ່ສາວນ້ອຍກໍເສຍຊີວິດໃນເວລາຕໍ່ມາ ທີ່ເຊື່ອວ່າມີສາເຫດມາຈາກພາວະຮີໂຕຣກ ຈາກການສອບຖາມເບື້ອງຕົ້ນເຈົ້າໜ້າທີ່ຕຳຫຼວດລະບຸວ່າ ສາວນ້ອຍຄົນນີ້ຖືກຖິ້ມໄວ້ໃນລົດໂຮງຮຽນຫຼັງຈາກລົດຮັບມາຕອນເຊົ້າ ໂດຍຄູໃຫຍ່ຂອງໂຮງຮຽນເຊິ່ງມີອາຍຸ 73ປີ ເປັນຜູ້ຂັບລົດໂຮງຮຽນຄັນນີ້

ເນື່ອງຈາກພະນັກງານຂັບລົດລາພັກກະທັນຫັນນອກຈາກຄູໃຫຍ່ແລ້ວ ຍັງມີນັກຮຽນອີກ 6ຄົນດ້ວຍ ລວມທັງສາວນ້ອຍຄົນນີ້ ແລະມີພະນັກງານຍິງທີ່ບໍ່ໄດ້ປະຈຳທ່ານໜຶ່ງອາຍຸປະມານ 70-79ປີ ຢູ່ໃນລົດເຊັ່ນກັນ ສ່ວນເດັກຍິງເຄາະຮ້າຍຖູກພົບຕອນກຽມລົດຮັບເດັກກັບບ້ານ

ສະແດງວ່າສາວນ້ອຍຕ້ອງທົນທຸກທໍລະມານຢູ່ໃນລົດດົນກວ່າ 5ຊົ່ວໂມງ ເຊິ່ງອຸນຫະພູມພາຍນອກຢູ່ທີ່່ 29.5ອົງສາ ແຕ່ອຸນຫະພູມພາຍໃນລົດອາດຈະຮ້ອນກວ່າ.

spot_img

ຍອດນິຍົມ