ເຢຍລະມັນໂວຍ! ຣັດເຊຍຢຸດສົ່ງອາຍແກ໊ຊຊົ່ວຄາວ ອ້າງຕ້ອງສ້ອມບຳລຸງ

spot_img

ເຢຍລະມັນໂວຍ! ຣັດເຊຍຢຸດສົ່ງອາຍແກ໊ຊຊົ່ວຄາວ ອ້າງຕ້ອງສ້ອມບຳລຸງ

ຄວາມຕຶງຄຽດດ້ານພະລັງງານໃນທະວີບຢູໂຣບທີ່ທະວີຄວາມຮຸນແຮງຂຶ້ນອີກຫຼັງ “ກ໊າສປຣອມ” ລັດວິສາຫະກິດພະລັງງານຂອງຣັດເຊຍ ປະກາດຢຸດການສົ່ງອາຍແກ໊ຊທຳມະຊາດແກ່ເຢຍລະມັນ ຜ່ານທາງທໍ່ແກ໊ຊຫຼັງ “ ນັອດ ສະຕຣີມ1” ໂດຍ ອ້າງວ່າເປັນການບຳລຸງຮັກສາຕາມປົກກະຕິທຸກ 1.000ຊົ່ວໂມງ ເຊິ່ງຈະໃຊ້ເວລາ 3ມື້

ທ່ານ ເຄລາ ມຸເລີ ຜູ້ອຳນວຍການສຳນັກງານເຄືອຂ່າຍກາງເຢຍລະມັນ ທີ່ມີໜ້າທີ່ດູແລຂ່າຍພື້ນຖານໂຄງລ່າງກ່າວວ່າ ເປັນການຕັດສິນໃຈທີ່ບໍ່ມີເຫດຜົນທາງເທັກນິກ ແລະ ເຕືອນວ່າ ອາດເປັນພຽງຂໍ້ອ້າງຂອງທາງການຣັດເຊຍໃນການໃຊ້ການສົ່ງອອກພະລັງງານເປັນອາວຸດທາງການເມືອງໃນການຕອບໂຕ້ແລະບີບຄັ້ນຢູໂຣບກໍລະນີສົງຄາມຢູ່ເຄຼນ

ລາຍງານລະບຸວ່າ ຊາດໃນທະວີບຢູໂຣບກຳຖລັງປະເຊີນກັບວິກິດລາຄາພະລັງງານພຸ່ງສູງຕໍ່ເນື່ອງຕັ້ງແຕ່ສະຫະພາບຢູໂຣບ ( ອີຢູ) ດຳເນີນມາດຕາການຂວ້ຳບາດຕໍ່ຣັດເຊຍກົດດັນໃຫ້ຣັດເຊຍຍຸຕິການຮຸກຮານຢູເຄຼນ ເຮັດໃຫ້ຣັດເຊຍເລີ່ມຫຼຸດສົ່ງອາຍແກ໊ຊແກ່ຢູໂຣບຢ່າງຕໍ່ເນື່ອງແລະທາງການເຢຍລະມັນກ່າວຫາຣັດເຊຍພະຍາຍາມໃຊ້ການສົ່ງອອກພະລັງງານເປັນອາວຸດທາງການເມືອງລະຫວ່າງປະເທດ.

spot_img

ຍອດນິຍົມ