ເລຂານາໂຕ່ກ່າວ ຫາກປູຕິນຊະນະ ຈະເປັນອັນຕະລາຍຕໍ່ໂລກ.

spot_img

ເລຂານາໂຕ່ກ່າວ ຫາກປູຕິນຊະນະ ຈະເປັນອັນຕະລາຍຕໍ່ໂລກ.

ນາໂຕ່ກ່າວ ປູຕິນຕ້ອງແພ້ໃນສົງຄາມຢູເຄຼນ ຖ້າບໍ່ດັ່ງນັ້ນຈະເຫີມເກີມວ່າໃຊ້ກຳລັງແລ້ວໄດ້ໃນສິ່ງທີ່ຕ້ອງການ ຍໍ້າຢູເຄູນ ແລະ ຊາດອື່ນໆ ມີສິດເຂົ້າຮ່ວມນາໂຕ່ຢ່າງເສລີ
ວັນທີ່ 6 ສິງຫາ 2022 ສື່ໃນເອີຣົບ euobserver ລາຍງານວ່າ Jens Stoltenberg ເລຂາທິການອົງກອນສົນທິສັນຍາອັດລັງຕິກເໜືອ (NATO) ກ່າວເຕືອນວ່າ

ປະທານາທິບໍດີ ວາລາດີເມຍ ປູຕິນ ຂອງຣັດເຊຍມີແນວໂນ້ມຈະເຮັດສົງຄາມກັບນາໂຕ່ຫຼາຍກວ່າ ຫາກເຂົາຊະນະໃນສົງຄາມຢູເຄຼນ ໂດຍ Stoltenberg ໃນການກ່າວປາໄສໃນເມືອງ Utoya ປະເທດນໍເວ ເມື່ອວັນພະຫັດທີ່ 4 ສິງຫາ ທີ່ຜ່ານມາ ພ້ອມຍໍ້າວ່າ “ໂລກໄດ້ຮຽນຮູ້ວາ ຫາກປູຕິນໄດ້ໃນສິ່ງທີ່ຕ້ອງການໃຊ້ກຳລັງທະຫານ ຈະເປັນໂລກທີ່ອັນຕະລາຍຍິ່ງກວ່າສຳຫຼັບເຮົາ”

“ຫາກຣັດເຊຍຊະນະສົງຄາມຄ້ັງນີ້ ເຂົາ (ປູຕິນ) ຈະຍິ່ງຕອບຍໍ້າວ່າການໃຊ້ຄວາມຮຸນແຮງນັ້ນໄດ້ຜົນ ແລະ ປະເທດເພື່ອນບ້ານອື່ນໆ ກໍອາດຈະເປັນລາຍຕໍ່ໄປ”

“(ແລະ) ຫາກປະທານາທິບໍດີ ປູຕິນຍັງຄິດທີ່ຈະເຮັດຫຍັງກັບປະເທດໃນກຸ່ມນາໂຕ່ຄືກັບທີ່ເຂົາເຄີຍເຮັດກັບ ຈໍເຈຍ ມອນໂດວາ ຫຼື ຢູເຄຼນປະເທດສະມາຊິກນາໂຕ່ທັງໝົດກໍຈະເຂົ້າມາກ່ຽວຂ້ອງທັນທີ”

“ນີ້ເປັນສະຖານະການທີ່ອັນຕະລາຍທີ່ສຸດໃນເອີຣົບນັບຕັ້ງແຕ່ສົງຄາມໂລກຄັ້ງທີ່ສອງ” Stoltenberg ກ່າວ
ນອກຈາກນີ້ Stoltenberg ຍັງໄດ້ຊີ້ໃຫ້ເຫັນເຖິງຈຸດເດືອດທີ່ສຳຄັນໃນປະເທດທາງເໜືອ ໂດຍກ່າວວ່າເຮົາຍັງຕ້ອງຮູ້ຢ່າງຈິງຈັງວ່າ ນັກການເມືອງຊັ້ນນຳຂອງຣັດເຊຍຂູ່ຈະຝ່າຝືນຂໍ້ຕົກລົງເຂດແດນກັບນໍເວ ໂດຍອ້າງເຖິງເຂດແດນຣັດເຊຍ – ນໍເວໃນທະເລແບເຣັນ ແລະ ມະຫາສະໝຸດອາກຕິກ

ພ້ອມກັບກ່າວເຖິງສະຖານະການໃນຢູເຄຼນປັດຈຸບັນວ່າ “ເປັນສົງຄາມລ້າງຜານທີ່ໂຫດຮ້າຍ ແລະ ນອງເລືອດ” ດ້ວຍເຫດທີ່ຣັດເຊຍ “ໂຈມຕີພົນເຮືອນ ແລະ ທຳລາຍລ້າງໃນແບບທີ່ບໍ່ເຄີຍເຫັນມາກ່ອນ ນັບແຕ່ສົງຄາມໂລກຄັ້ງທີ່ 2”

spot_img

ຍອດນິຍົມ