ໃກ້ຊະນະ! ສະຫະລັດຄາດທະຫານຣັດເຊຍດັບແລ້ວກວ່າ 80,000ຄົນ

spot_img

ໃກ້ຊະນະ! ສະຫະລັດຄາດທະຫານຣັດເຊຍດັບແລ້ວກວ່າ 80,000ຄົນ

ໃກ້ຊະນະ!?ສະຫະລັດຄາດວ່າທະຫານຣັດເຊຍເຈັບ-ຕາຍແລ້ວກວ່າ 8ໝື່ນຄົນ ຢູເຄຼນອ້າງລວມສາຍລັບກຽມລອບຂ້ າລັດຖະມົນຕີກະຊວງປ້ອງກັນປະເທດ ເຈົ້າໜ້າທີ່ລະດັບສູງຂອງເພນຕາກອນລາຍໜຶ່ງໃນວັນຈັນ (8 ສິງຫາ) ປະເມີນວ່າ

ຝ່າຍຣັດເຊຍເສຍຊີວິດ ແລະ ໄດ້ຮັບບາດເຈັບໄປແລ້ວບໍ່ຕໍ່າກວ່າ 80,000 ຄົນ ໃນຢູເຄຼນ ນັບຕັ້ງແຕ່ສົງຄາມເລີ່ມຕົ້ນຂຶ້ນໃນເດືອນກຸມພາ ຂະນະທີ່ໜ່ວຍງານຄວາມໝັ້ນຄົງຂອງຄຽຟ ອ້າງວ່າໄດ້ຈັບກຸມບັນດາສາຍລັບຣັດເຊຍ ທີ່ກຳລັງວາງແຜນລອບສັງຫານລັດຖະມົນຕີກະຊວງປ້ອງກັນປະເທດ
ແລະ ຜູ້ບັນຊາການໜ່ວຍຂ່າວກອງທະຫານຂອງປະເທດ

Colin Kohl ລັດຖະມົນຕີກະຊວງປ້ອງກັນປະເທດສະຫະລັດກ່າວວ່າ “ບາງທີຣັດເຊຍອາດຈະປະສົບຄວາມສູນເສຍ ເສຍຊີວິດ ແລະ ໄດ້ຮັບບາດເຈັບໄປແລ້ວ 70,000 ເຖິງ 80,000 ຄົນ ພາຍໃນເວລາບໍ່ເຖິງ 6 ເດືອນ”

Kohl ບອກອີກດ້ວຍວ່າກອງກຳລັງຣັດເຊຍສູນເສຍລົດຫຸ້ມເກາະໄປແລ້ວປະມານ 3,000 ຄັນ ເຖິງ 4,000 ຄັນ ເຊັ່ນກັນ ແລະ ອາດເຫຼືອຂີປະນາວຸດນຳວິຖີທີ່ມີຄວາມຊັດເຈນບໍ່ຫຼາຍປານໃດ ໃນນັ້ນລວມເຖິງຂີປະນາວຸດຣ່ອນຍິງຈາກອາກາດ ແລະ ທະເລ ຫຼັງຈາກໃສ່ເປົ້າໝາຍຕ່າງໆ ໃນຢູເຄຼນເປັນຈຳນວນຫຼາຍ ນັບຕັ້ງແຕ່ເປີດສາກຮຸກຮານໃນວັນທີ່ 24 ກຸມພາ

“ຄວາມສູນເສຍຂອງພວກເຂົານັ້ນບໍ່ທຳມະດາຢ່າງຫຼາຍ ໂດຍສະເພາະເມື່ອພິຈາລະນາວ່າຣັດເຊຍບໍ່ປະສົບຄວາມສຳເລັດໃດໆຕາມເປົ້າໝາຍຂອງວາລາດິເມຍ ປູຕິນໃນຊ່ວງເລີ່ມເຮັດສົງຄາມ” ເຂົາບອກກັບພວກຜູ້ສື່ຂ່າວ ອ້າງປະທານາທິບໍດີຣັດເຊຍ

ເຂົາບອກວ່າ ການທີ່ກອງກຳລັງຣັດເຊຍຜ່ອນການໃຊ້ຂີປະນາວຸດໄລຍະໄກ ແລະ ນຳວິທີທີ່ມີຄວາມຊັດເຈນສູງ ຄືຕົວບົ່ງຊີ້ວ່າ ສະບຽງອາວຸດຂອງພວກເຂົາລົດຕໍ່າຫຼາຍ ໃກ້ເຖິງລະດັບທີ່ຣັດເຊຍຈຳເປັນຕ້ອງຮັກສາໄວ້ໃນຄັງສຳຮອງສຳຫຼັບກໍລະນີສຸກເສີນອື່ນໆ

ແນວໃດກໍຕາມ Kohl ຍອມຮັບວ່າຝ່າຍຢູເຄຼນກໍສູນເສຍກຳລັງທະຫານໄປຈຳນວນຫຼາຍເຊັ່ນກັນໃນສະໝໍລະພູມຮົບ ແຕ່ບໍ່ໄດ້ໃຫ້ຕົວເລກໃດໆ “ທັງສອງຝ່າຍບາດເຈັບລົ້ມຕາຍສົງຄາມນີ້ຄືຄວາມຂັດແຍ້ງໂດຍໃຊ້ອາວຸດທຳມະດາ ແລະ ຍຸດທະວິທີໃນສະໜາມຮົບ ທີ່ໜັກໜ່ວງທີ່ສຸດໃນເອີຣົບນັບຕັ້ງແຕ່ສົງຄາມໂລກຄັ້ງທີ່ 2” ເຂົາກ່າວ “ແຕ່ຢູເຄຼນໄດ້ປຽບຢູ່ຫຼາຍກວ່າ ຢ່າງນ້ອຍກໍບໍ່ແມ່ນພຽງແຕ່ເລື່ອງເຈດຈຳນົງຂອງການສູ້ຮົບ”

ອີກດ້ານໜຶ່ງ ໜ່ວຍງານຄວາມໝັ້ນຄົງຂອງຢູເຄຼນ ເປີດເຜີຍໃນວັນຈັນ (8 ສິງຫາ) ວ່າໄດ້ຈັບກຸມສາຍລັບຣັດເຊຍຫຼາຍຄົນ ທີ່ກຳລັງວາງແຜນລອບສັງຫານລັດຖະມົນຕີກະຊວງປ້ອງກັນປະເທດ ແລະ ຫົວໜ້າໜ່ວຍຂ່າວກອງທະຫານຂອງປະເທດ

spot_img

ຍອດນິຍົມ