ຜູ້ນຳຝຣັ່ງ-ເຢຍລະມັນ-ອີຕາລີ ເດີນທາງໄປຮອດຄຽຟ ຢູເຄຣນ ຢ້ານກົວຄວາມກົດດັນກ່ຽວກັບຂໍ້ຕົກລົງສັນຕິພາບ.

spot_img

ຜູ້ນຳຝຣັ່ງ-ເຢຍລະມັນ-ອີຕາລີ ເດີນທາງໄປຮອດຄຽຟ ຢູເຄຣນ ຢ້ານກົວຄວາມກົດດັນກ່ຽວກັບຂໍ້ຕົກລົງສັນຕິພາບ.


ທ່ານເອັມມານູເອວ ມາຄຣົງ ປະທານາທິບໍດີຝຣັ່ງເສດ, ທ່ານໂອລາຟ ໂຊລ ນາຍົກລັດຖະມົນຕີເຢຍລະມັນ ແລະ ທ່ານມາຣິໂອ ດຣາກີ ນາຍົກລັດຖະມົນຕີອີຕາລີ ໄດ້ເດີນທາງມາຮຶດກຣຸງຄຽຟແລ້ວ


ວີດີໂອຂອງສຳນັກຂ່າວເອເອຟພີເປີດເຜີຍຮູບພາບ ທ່ານໂຊລ ແລະ ທ່ານດຣາກີ ກຳລັງທ່ຽວຊົມກຣຸງຄຽຟ ເມືອງຫຼວງຂອງຢູເຄຼນເພື່ອສະແດງຢຸດຢືນການສະໜັບສະໜູນ ແລະ ເມື່ອນັກຂ່າວຖາມເຖິງເຫດຜົນທີ່ພວກເຂົາມາທີ່ຢູເຄຼນໃນຄັ້ງນີ້ ທ່ານຄຣົງລະບຸວ່າ “ເພື່ອສະແດງຄວາມເປັນນໍ້າໜຶ່ງໃນດຽວຂອງຊາວເອີລົບ”


ແນວໃດກໍຕາມ ທ່ານເອເລັກຊີ ອາເຣສໂຕວິດ ທີ່ປຶກສາປະທານາທິບໍດີໂວໂລດິເມຍ ເຊເລັນສະກີ ຂອງຢູເຄຼນ ໃຫ້ສົມພາດກັບໜັງສືພິມບິດ (Bild) ຂອງເຢຍລະມັນໃນອາທິດນີ້ວ່າ ເຂົາຮູ້ສຶກກັງວົນວ່າຜູ້ນຳສາມຄົນຈະຮ່ວມກັນກົດດັນໃຫ້ຢູເຄຼນຍອມຮັບຂໍ້ຕົກລົງສັນຕິພາບ ເຊິ່ງເປັນການເອື້ອຜົນປະໂຫຍດໃຫ້ກັບປະທານາທິບໍດີ ວາລາດິເມຍ ປູຕິນຂອງຣັດເຊຍ


ທັ້ງນີ້ ທ່ານອາເຣສໂຕວິດກ່າວວ່າ “ພວກເຂົາອາດຈະບອກກັບເຮົາວ່າ ເຮົາຕ້ອງຢຸດຕິສົງຄາມທີ່ກໍ່ໃຫ້ເກີດບັນຫາດ້ານອາຫານ ແລະ ເສດຖະກິດ … ຫຼືຕ້ອງຮັກສາຮູບພາບໃຫ້ກັບປະທານາທິບໍດີປູຕິນ” ເຊິ່ງເປັນການອ້າງອີງເຖິງຄວາມຄິດເຫັນຂອງທ່ານມາຄຣົງທີ່ເຄີຍກ່າວໄວ້ວ່າ ບໍ່ຄວນເຮັດໃຫ້ຜູ້ນຳຣັດເຊຍເສຍໜ້າ


ຂະນະນີ້ ກອງກຳລັງຢູເຄຼນໃນພາກພື້ນດອນບາສກຳລັງຕໍ່ຕ້ານການບຸກໂຈມຕີຢ່າງໜັກໜ່ວງຈາກກອງກຳລັງຂອງຣັດເຊຍ ເຊິ່ງພະຍາຍາມຜັກດັນກຳລັງທະຫານເຂົ້າຍຶດພື້ນທີ່ຕາມແນວຕາເວັນອອກ ແລະ ທາງພາກໃຕ້ຂອງຢູເຄຼນ ໂດຍລ່າສຸດ ສະຫະລັດໄດ້ປະກາດສະນໜັບສະໜູນດ້ານອາວຸດມູນຄ່າ 1 ພັນລ້ານໂດລາໃຫ້ກັບກອງທັບຢູເຄຼນ

spot_img

ຍອດນິຍົມ