ເອົາແລ້ວໄຕ້ຫວັນ! ເວົ້າຂົ່ມມີຂີປະນາວຸດຊຸບເປີ່ໂຊນິກຜະລິດເອງ ມີທ່າແຮງໂຈມຕີເຖິງປັກກິ່ງ.

spot_img

ເອົາແລ້ວໄຕ້ຫວັນ! ເວົ້າຂົ່ມມີຂີປະນາວຸດຊຸບເປີ່ໂຊນິກຜະລິດເອງ ມີທ່າແຮງໂຈມຕີເຖິງປັກກິ່ງ.


ໄຕ້ຫວັນມີທ່າແຮງທີ່ຈະໂຈມຕີເມືອງຫຼວງຂອງຈີນ ດ້ວຍຂີປະນາວຸດຊຸບເປີ່ໂຊນິກທີ່ຜະລິດເອງ ຈາກການເປີດເຜີຍຂອງປະທານສະພານິຕິບັນຍັດແຫ່ງຊາດຂອງໄຕ້ຫວັນພ້ອມກັບອ້າງດ້ວຍວ່າເກາະແຫ່ງນີ້ກຳລັງຮຽນຮູ້ຈາກກອງກຳລັງຢູເຄຼນທ່າມກາງການໂຈມຕີຂອງຣັດເຊຍ


ໃນການກ່າວປາໃສເມື່ອບໍ່ດົນມານີ້ ຢູຊິ-ຄຸນ ປະທານສະພານິຕິບັນຍັດແຫ່ງຊາດໄຕ້ຫວັນ ສະມາຊິກທາງອິດທິພົນຂອງພັກປະຊາທິປະໄຕກ້າວໜ້າ ພັກລັດຖະບານລຸບຸວ່າ ໃນຂະນະທີ່ໄຕ້ຫວັນບໍ່ໄດ້ຫາທາງປະເຊີນໜ້າກັບຈີນ ແຕ່ພວກເຂົາມີທ່າແຮງຕອບໂຕ້ດ້ວຍກຳລັງ ໃນກໍລະນີທີ່ມີຄວາມຂັດແຍ່ງໃດໆ


“ໄຕ້ຫວັນຈະເປັນຝ່າຍເລີ່ມໂຈມຕີປັກກິ່ງ ແຕ່ກ່ອນປັກກິ່ງຈະຄິດໂຈມຕີໄຕ້ຫວັນ ພວກເຂົາຕ້ອງຄິດໃຫ້ດີກ່ອນວ່າໄຕ້ຫວັນກໍມີທ່າແຮງໂຈມຕີເຊັ່ນກັນ” ເຂົາກ່າວພ້ອມລະບຸວ່າ ເກາະແຫ່ງນີ້ສາມາດ “ໂຈມຕີປັກກິ່ງ” ດ້ວຍຂີປະນາວຸດຊຸບເປີ່ໂຊນິກ ຍຸງ ເຟີງ( Yung Feng) ທີ່ພັດທະນາຂຶ້ນເອງ


ໄຕ້ຫວັນ ທຸ່ມເງິນກວ່າ400ລ້ານໂດລາໃນປີ2018 ສຳລັບປັບປຸງຄວາມສາມາດຂອງຂີປະນາວຸດແບບເລື່ອນ ຍຸງ ເຟີງ ໂດຍຂະຫຍາຍໄລຍະການຍິງສູງສຸດເປັນ1,200 ໄມ (ປະມານ 1.930 km) ເຊິ່ງສາມາດໂຈມຕີໄດ້ໄກຮອດປັກກິ່ງ


ຍູ ຍັງໄດ້ປຽບທຽບຄວາມເປັນໄປໄດ້ທີ່ຈະເກີດການປະເຊີນໜ້າກັບຈີນ ກັບຄວາມຂັດແຍ້ງທີກຳລັງປະທຸໃນເອີຣົບຕາເວັນອອກ ໂດຍເນັ້ນຍໍ້າວ່າຄວາມສຳຄັນຂອງ “ຄວາມມຸ່ງໝັ້ນປ້ອງກັນຕົນເອງ” ແລະ ບອກດ້ວຍວ່າ ໄດ້ຫວັນໄຕ້ແຮງບັນດານຈາກຈາກສົງຄາມຢູເຄຼນກັບຣັດເຊຍ
“ພັກກອມມູນິດຈີນຕ້ອງການຄ້າມຊ່ອງແຄຍໄຕ້ຫວັນເພື່ອ ໂຈມຕີໄຕ້ຫວັນ ເຊິ່ງຕ່າງຈາກການໂຈມຕີຢູເຄຼນຂອງຣັດເຊຍ” ເຂົາກ່າວ “ຖ້າທ່ານຕ້ອງການລົງຈອດ ທ່ານຈະຕ້ອງສູ້ຢູ່ໃນຊາຍຫາດ ຫາກປະສົບຜົນສຳເລັດໃນການລົງຈອດ ທຸກຄົນໃນໄຕ້ຫວັນຕ້ອງມຸ່ງໝັ້ນສູ້ຈົນຕົວຕາຍຄືກັບຢູເຄຼນ ອອກໄປທາງນອກ ແລະ ຢ່າປ່ອຍໃຫ້ຈີນກືນໄຕ້ຫວັນ”

ເຖິງເຈົ້າໜ້າທີ່ບອກວ່າການ “ຊ່ວຍເຫຼືອຕົນເອງ” ຄືຫຼັກການນຳໜ້າສຳລັບໄທເປ ແລະ ຄຽຟ ແຕ່ຂໍ້ເທັດຈິງຄືທັງໄຕ້ຫວັນ ແລະ ຢູເຄຼນຕ່າງໄດ້ຮັບຄວາມຊ່ວຍເລືອດ້ານອາວຸດ ແລະ ຮູບແບບອື່ນໆ ຈາກຕາເວັນຕົກ ແລະ ຊາດອື່ນໆ ໃນນັ້ນລວມເຖິງໃນກໍລະນີທີ່ລັດຖະບານສະຫະລັດ ຂອງປະທານາທິບໍດີໂຈ ໄບເດັນ ອະນຸມັດຂາຍອາວຸດໃຫ້ໄຕ້ຫວັນຫຼາຍຮອບແລ້ວ ແລະ ເຫັນມັກຈັດຫາອາວຸດຫຼາຍໝື່ນລ້ານໂດລາແກ່ກອງທັບຢູເຄຼນ ນັບຕັ້ງແຕ່ເຂົ້າຮັບຕຳແໜ່ງ

ໝ່າ ສ່ຽວກວງ ໂຄສົກສຳນັກງານກິດຈະການ ໄຕ້ຫວັນຂອງສະພາແຫ່ງລັດຂອງຈີນ ເຕືອນວ່າການ ໂຈມຕີໃດທຈາກໄຕ້ຫວັນຈະປະເຊີນກັບຜົນສະໜອງທີ່ໂຫດຮ້າຍ “ເມື່ອພວກເຂົາກ້າເອົາໄຂ່ໂຢນໃສ່ຫີນ ມັນກໍເລັ່ງໃຫ້ພວກເຂົາເຖິງຈຸດຈົບໄວຍິ່ງຂຶ້ນ”

spot_img

ຍອດນິຍົມ