ເຢຍລະມັນຫັນໄປສູ່ຖ່ານຫີນ ຢ້ານຣັດເຊຍຈະຢຸດການສົ່ງອາຍແກັສທຳມະຊາດ.

spot_img

ເຢຍລະມັນຫັນໄປສູ່ຖ່ານຫີນ ຢ້ານຣັດເຊຍຈະຢຸດການສົ່ງອາຍແກັສທຳມະຊາດ.


ລັດຖະມົນຕີເສດຖະກິດເຜີຍເຢຍລະມັນຈະຈຳກັດໃຊ້ກາສທຳມະຊາດເພື່ອການຜະລິດໄຟຟ້າ ໂດຍຈະຫັນໄປໃຊ້ຖ່ານຫີນຫຼາຍຂຶ້ນ
ວັນທີ 20 ມິຖຸນາ 2022 ອັນຈາຊີລາລາຍງານວ່າ ລັດຖະມົນຕີເສດຖະກິດເຢຍລະມັນກ່າວວ່າ ເຢຍລະມັນຈະຈຳກັດການໃຊ້ກາສທຳມະຊາດເພື່ອການຜະລິດໄຟຟ້າ ທ່າມກາງຄວາມກັງວົນກ່ຽວກັບການຂາດແຄນທີ່ອາດເກີດຂຶ້ນ ຈາກການຕັດການສະໜອງຈາກຣັດເຊຍ
ຄວາມເຄື່ອນໄຫວຄັ້ງນີ້ເກີດຂຶ້ນຫຼັງຈາກຣັດເຊຍລົດການສົ່ງກາສທຳມະຊາດຜ່ານທໍ່ສົ່ງໄປຫາເອີຣົບ ສົ່ງຜົນໃຫ້ລາຄາພະລັງງານພຸ່ງຂຶ້ນສູງ
“ເພື່ອລົດການໃຊ້ກາສ ເຮົາຕ້ອງໃຊ້ກາສໜອຍລົງໃນການຜະລິດໄຟຟ້າ ໂຮງໄຟຟ້າຖ່ານຫີນຈະຕ້ອງຖືກໃຊ້ຫຼາຍຂຶ້ນແທນ” ໂລເບີດ ຮາເບັກ ກ່າວໃນຖະແຫຼງການເມື່ອວັນອາທິດ
ແກ໊ດພຣອມ ບໍລິສັດອາຍແກ໊ດທີ່ໃຫຍ່ທີ່ສຸດຂອງຣັດເຊຍລະບຸວ່າ ການຫຼຸດຜ່ອນການສະໜອງຜ່ານທໍ່ນອດສະຕີມເປັນຜົນຈາກການສ້ອມແປງ ແຕ່ເຈົ້າໜ້າທີ່ສະຫະພາບເອີຣົບ(EU) ເຊື່ອວ່າຣັດເຊຍກຳລັງຖືກລົງໂທດພັນທະມິດຂອງຢູເຄຼນ ເຊິ່ງກອງກຳລັງລັດເຊເປີດສາກບຸກເມື່ອເດືອນກຸມພາ
ການກັບມາໃຊ້ຖ່ານຫີນຊົ່ວຄາວຂອງເຢຍລະມັນນັບເປັນການກັບລຳຂອງ “ໂອລາຟ ຊອລ” ນາຍົກລັດຖະມົນຕີຂອງລັດຖະບານປະສົມຂອງເຢຍລະມັນ ລະຫວ່າງພັກປະຊາທິປະໄຕສັງຄົມ, ພັກກຣີນ ແລະພັກເສລີ FDP. ຊຶ່ງໄດ້ໃຫ້ຄຳໝັ້ນສັນຍາວ່າຈະຍົກເລີກການນຳໃຊ້ຖ່ານຫີນໃນປີ 2030.
“”ມັນຂົມຂື່ນ, ແຕ່ມັນເປັນສິ່ງຈໍາເປັນເພື່ອຫຼຸດຜ່ອນການໃຊ້ອາຍແກັສ,” ຮາເບັກ ເວົ້າ.”
ລັດຖະບານຍືນຍັນວ່າຈະຕ້ອງໃຊ້ກາສຂອງຣັດເຊຍຈາກໄລຍະເວລາໜຶ່ງຈົນກວ່າຈະມີແຫຼ່ງພະລັງງານທາງເລືອກອື່ນ ເຊັ່ນ ກາສທຳມະຊາດແຫຼວ (LNG) ທີ່ນຳເຂົ້າມາທາງເຮືອ
ໃນຊ່ວງຫຼາຍເດືອນທີ່ຜ່ານມາ ລັດຖະບານເຢຍລະມັນໄດ້ດຳເນີນມາດຕະການເພື່ອຈັດຫາກາສໃຫ້ໄດ້ 90% ຂອງກຳລັງການຜະລິດ ພາຍໃນເດືອນພະຈິກ ເພື່ອຮັບປະກັນວ່າຈະມີກາສພຽງພໍສຳຫຼັບຝຊ້ເປັນເຊື້ອເພີງເຮັດຄວາມຮ້ອນຕະຫຼອດລະດູໜາວຂອງເອີຣົບ
ຮາເບັກເຜີຍວ່າ ສະຖານທີ່ຈັດເກັບເຊິ່ງປັດຈຸບັນມີກາສ 56.7% ຂອງຄວາມອາດສາມາດ ຍັງສາມາດຊົດເຊີຍການຂາດແຄນຈາກຣັດເຊຍໄດ້ດ້ວຍການຊື້ຈາກບ່ອນອື່ນແຕ່ເຂົາຍັງອະທິບາຍສະຖານະການວ່າ “ຮ້າຍແຮງ” ພ້ອມລະບຸວ່າອາດຈຳເປັນຕ້ອງມີມາດຕະການເພີ່ມເຕີມ
ລັດຖະບານເຢຍລະມັນຫາກໍຮຽກຮ້ອງໃຫ້ປະຊາຊົນລົດການໃຊ້ພະລັງງານລົງ ເນື່ອງຈາກສະຖານະການການສະໜອງທີ່ເຄັ່ງຄັດ
“ເຫັນໄດ້ຢ່າງຈະແຈ້ງວ່າກົນລະຍຸດຂອງປູຕິນຄືການເຮັດໃຫ້ພວກເຮົາເຂົ້າໄປໃນຄວາມວຸ່ນວາຍ ດ້ວຍການຊຸກຍູ້ລາຄາ ແລະ ເຮັດໃຫ້ພວກເຮົາແຕກແຍກ” ຮາເບັກກ່າວແລະວ່າ “ເຮົາຈບໍ່ປ່ອຍໃຫ້ສິ່ງນີ້ເກີດຂຶ້ນ”
ກ໊າສພຣອມລະບຸວ່າການສົ່ງອອກໄປຫາປະເທດຕ່າງໆ ທີ່ບໍ່ໄດ້ຢູ່ໃນອາດີດສະຫະພາບໂຊຫວຽດລົດລົງ 28.9% ລະຫວ່າງວັນທີ 1 ມັງກອນເຖິງ 15 ມິຖຸນາ ເມື່ອທຽບກັບຊ່ວງດຍວກັນຂອງປີກ່ອນ
ຫຼັງຕັດການຈ່າຍກາສລາຍວັນໃຫ້ກັບເຢຍລະມັນ ແລະ ອີຕາລີ “ອາເລັກຊີ ມິລເລີ່” ຊີອີໂອກ໊າສພຣອມກ່າວເມື່ອອາທິດກ່ອນວ່າ ຣັດເຊຍຈະຫຼິ້ນຕາມກົດບຽບຂອງຕົນເອງ
ຜະລິດຕະພັນຂອງພວກເຮົາ, ກົດລະບຽບຂອງພວກເຮົາ, ພວກເຮົາຈະບໍ່ຫຼີ້ນກົດລະບຽບທີ່ພວກເຮົາບໍ່ໄດ້ສ້າງ,” ລາວເວົ້າໃນລະຫວ່າງການສົນທະນາທີ່ເວທີປາໄສເສດຖະກິດສາກົນໃນ ນະຄອນເຊນປີເຕີ່ເບີກ.

spot_img

ຍອດນິຍົມ