“ເຊເລັນສະກີ” ຄາດຣັດເຊຍໂຈມຕີໜັກຂຶ້ນ ສາເຫດ EU ກຽມຈັດກອງປະຊຸມສຸດຍອດຮັບຮອງສະຖານະຜູ້ສະໝັກ.

spot_img

“ເຊເລັນສະກີ” ຄາດຣັດເຊຍໂຈມຕີໜັກຂຶ້ນ ສາເຫດ EU ກຽມຈັດກອງປະຊຸມສຸດຍອດຮັບຮອງສະຖານະຜູ້ສະໝັກ.


ປະມານາທິບໍດີໂວໂລດິເມຍ ເຊເລັນສະກີ ຜູ້ນຳຢູເຄຼນຄາດວ່າຣັດເຊຍຈະຍົກລະດັບການໂຈມຕີ ເນື່່ອງຈາກກຸ່ມຜູ້ນຳສະຫະພາບເອີຣົບ (EU) ອາດພິຈາລະນາລົງນາມຮັບຮອງສະຖານະໃຫ້ຢູເຄຼນເປັນຜູ້ສະມັກເຂົ້າຮ່ວມ EU ໃນກອງປະຊຸມສຸດຍອດໃນອາທິດນີ້ ແລະ ຣັດເຊຍເລັ່ງເອົາຊະນະເພື່ອຍຶດຄອງພາກຕາເວັນອອກຂອງຢູເຄຼນ


ປທນ.ເຊເລັນສະກີກ່າວຜ່ານວີດີໂອເມື່ອຄືນນີ້ (19ມິຖຸນາ) ວ່າ “ເຮົາຄາດວ່າຣັດເຊຍຈະຍົກລະດັບການຄຸກຄາມໃນອາທິດນີ້ຢ່າງແນ່ນອນ ເຮົາກຳລັງກຽມຕົວ ແລະ ເຮົາພ້ອມແລ້ວ”
ສຳນັກຂ່າວຣອຍເຕີ່ລາຍງານວ່າ ຢູເຄຼນຍື່ນໃບສະໝັກຂໍເຂົ້າເປັນສະມາຊິກ EU 4 ມື້ໃຫ້ຫຼັງຈາກທີ່ກອງທັບຣັດເຊຍບຸກຂ້າມຊາຍແດນມາໃນຊ່ວງປາຍເດືອນກຸມພາ ດ້ານຄະນະກົມມາທິການເອີຣົບ (EC) ກ່າວເມື່ອວັນສຸກທີ່່ຜ່ານມາ (17ມິຖຸນາ) ວ່າ ທາງEC ແນະນຳໃຫ້ມອບສະຖານະຜູ້ສະໝັກເຂົ້າ EU ແກ່ຢູເຄຼນ


ກຸ່ມຜູ້ນຳ EUຈະພິຈາລະນາເລື່ອງດັ່ງກ່າວໃນການປະຊຸມສຸດຍອດທີ່ຈະຈັດຂຶ້ນໃນວັນທີ23-24 ມິຖຸນານີ້ ແລະ ຄາດວ່າຈະຕອບຮັບໃບສະໝັກສະມາຊິກຂອງຢູເຄຼນເຖິງແມ່ນວ່າຈະມີບາງປະເທດສະມາຊິກທີ່ມີຄວາມສົງໃສ ແນວໃດກໍຕາມ ຂະບວນການຮັບເປັນສະມາຊິກ EU ອາດໃຊ້ເວລາອີກຫຼາຍປີກວ່າຈະສຳເລັດ


ທັ້ງນີ້ ການທີ່EU ອອກຕົວສະໜັບສະໜູນຢູເຄຼນນັ້ນຈະຂັດແຍ້ງກັບເປົ້າໝາຍໜຶ່ງຂອງປທນ.ວາດິເມຍ ປູຕິນ ຜູ້ນຳຣັດເຊຍ ເຊິ່ງອ້າງວ່າເຂົາສັ່ງກອງທັບບຸກຢູເຄຼນອອກຈາກເຂດອິດທິພົນຂອງເຂດຕາເວັນຕົກ

ປທນ ປູຕິນກ່າວເມື່ອວັນສຸກທີ່ຜ່ານມາວ່າ ຣັດເຊຍບໍ່ມີບັນຫາກັບການທີ່ຢູເຄຼນຈະເປັນສະມາຊິກ EU ແນວໃດກໍຕາມ ໂຄສົກລັດຖະບານກ່າວວ່າ ຣັດເຊຍຈະຕິດຕາມເບິ່ງຄວາມເປັນໄປຢ່າງໄກ້ຊິດ ເນື່ອງຈາກກຸ່ມປະເທດສະມາຊິກ EU ຈະຮ່ວມມືກັນໃນດ້ານການທະຫານຫຼາຍຂຶ້ນ


ໃນສະໝໍລະພູມຂະນະນີ້ ກອງທັບຣັດເຊຍພະຍາຍາມຍຶດຄອງພາກພື້ນດອນບາສທາງຕະເວັນອອກຂອງຢູເຄຼນໃຫ້ໄດ້ໂດຍສົມບູນ ເຊິ່ງພື້ນທີ່ບາງສ່ວນໄດ້ຢູ່ພາຍໃຕ້ການຄວບຄຸມຂອງກຸ່ມແບ່ງແຍກດິນແດນທີ່ຣັດເຊຍໜູນຫຼັງໄປແລ້ວຕັ້ງແຕ່ກ່ອນການເປີດສາກບຸກເມື່ອວັນທີ24ກຸມພາ.

spot_img

ຍອດນິຍົມ