ຈີນທຸ່ມຊື້ນໍ້າມັນຣັດເຊຍໄປເທົ່າໃດ ຍອດນຳເຂົ້າຈຶ່ງແຊງໜ້າຊາອຸດີອາຣະເບຍ.

spot_img

ຈີນທຸ່ມຊື້ນໍ້າມັນຣັດເຊຍໄປເທົ່າໃດ ຍອດນຳເຂົ້າຈຶ່ງແຊງໜ້າຊາອຸດີອາຣະເບຍ.

ຕົວເລກການນຳເຂົ້ານຳມັນຂອງຈີນເດືອນພຶດສະພາ ຣັດເຊຍກາຍມາເປັນປະເທດຜູ້ສົ່ງອອກນໍ້າມັນລາຍໃຫຍ່ທີ່ສຸດໄປຍັງຈີນ ແທນທີ່ຊາອຸດີອາຣະເບຍແລ້ວຫຼັງລົດລາຄາຢ່າງຫຼວງຫຼາຍໃຫ້ຈີນ
ວັນທີ 21 ມິຖຸນາ 2022 BBC ລາຍງານຕົວເລກການນຳເຂົ້ານໍ້າມັນຂອງຈີນ ເດືອນ ພຶດສະພາ ຈີນເພີ່ມປະລິມານນຳເຂົ້ານໍ້າມັນຈາກຣັດເຊຍຂຶ້ນອີກ 55% ທຽບກັບໜຶ່ງປີກ່ອນໜ້ານີ້


ຂໍ້ມູນຈາກກົມພາສີທົ່ວໄປຂອງຈີນສະແດງໃຫ້ເຫັນວ່າ ເມື່ອເດືອນ ພຶດສະພາ ຣັດເຊຍສົ່ງນໍ້າມັນຜ່ານທໍ່ສົ່ງນໍ້າໄຊບີເຣຍຕາເວັນອອກ – ມະຫາສະໝຸດປາຊີຟິກ ແລະ ຂົນສົ່ງທາງເຮືອ ໄປຍັງຈີນ ເປັນປະລິມານເກືອບ 8.42 ລ້ານໂຕນ ແຊງໜ້າຊາອຸດີອາຣະເບຍ ຜູ້ສົ່ງອອກນໍ້າມັນດິບລາຍໃຫຍ່ທີ່ສຸດໄປຈີນ ເຊິ່ງສົ່ງອອກໃຫ້ຈີນເດືອນ ພຶດສະພາ 7.82 ລ້ານໂຕນ


ບໍລິສັດນໍ້າມັນຫຼາຍແຫ່ງຂອງຈີນລວມທັງໂຮງກັ່ນນໍ້າມັນລາຍໃຫຍ່ຊິໂນເປກ(Sinopec) ແລະ ເສິນຫົວ ອອຍ (Zhenhua Oil) ທີ່ດຳເນີນງານດ້ວຍລັດຖະບານຈີນ ຕ່າງເພີ່ມປະລິມານນຳເຂົ້ານໍ້າມັນດິບຈາກຣັດເຊຍຫຼາຍຂຶ້ນໃນຊ່ວງ 2-3 ເດືອນມານີ້ ຫຼັງຈາກຣັດເຊກະໜໍ່າລາຄາຂາຍໃຫ້ ຈັງຫວະທີ່ບໍລິສັດຜູ້ຊື້ນໍ້າມັນໃນເອີຣົບ ແລະ ສະຫະລັດອາເມຣິກາ ບໍ່ນຳເຂົ້ານໍ້າມັນຈາກຣັດເຊຍ
ດ້ານ ບຣູມເບີກ ລະບຸວ່າ ຈຳນວນເງິນທີ່ຈີນໃຊ້ຊື້ນໍ້າມັນຣັດເຊຍດັ່ງກ່າວ 7,470 ລ້ານໂດລາ ຫຼື ປະມານ2.6 ແສນລ້ານບາດ ເພີ່ມຂຶ້ນ1,000ລ້ານໂດລາ ຫຼື ປະມານ35,000ລ້ານບາດ ຈາກເດືອນເມສາ ແລະເພີ່ມຂຶ້ນສອງເທົ່າເມື່ອທຽບປະລິມານຈາກປີກ່ອນ
ຈຳນວນເຮືອຂົນສົ່ງນໍ້າມັນຈາກຣັດເຊຍເຂົ້າມາຍັງຈີນເພີ່ມຂຶ້ນ ລັງຄວາມຕ້ອງການໃນປະເທດທີ່ເຄີຍລົດລົງໃນລະຫວ່າງການຄວບຄຸມຢ່າງເຂັ້ມງວດ, ພະຍາດໂຄວິດໄດ້ເລີ່ມຜ່ອນຄາຍ ແລະ ການຜະລິດຂອງອຸດສາຫະກຳເລີ່ມກັບມາ
ເມື່ອລວມມູນຄ່າການນຳເຂົ້າສິນຄ້າຣັດເຊຍຂອງຈີນ ທີ່ມີທັງຖ່ານຫີນ ທອງແດງ ອາລູມີນຽມ ນິກເກິນ ພັລເລດຽມ ເຂົ້າສາລີ ໃນເດືອນພຶດສະພາປີນີ້ເພີ່ມຂຶ້ນ 80% ຈາກປີກ່ອນເປັນມູນຄ່າ 10,270 ລ້ານໂດລາ ຫຼື ປະມານ3.6 ແສນລ້ານບາດ

spot_img

ຍອດນິຍົມ