ຮົງກາຣີແນະນຳໃຫ້ສະຫະພາບເອີຣົບ ຍິ່ງລົງໂທດຣັດເຊຍ ກໍຍິ່ງທຳຮ້າຍຕົວເອງ ສຸດທ້າຍກໍແພ້.

spot_img

ຮົງກາຣີແນະນຳໃຫ້ສະຫະພາບເອີຣົບ ຍິ່ງລົງໂທດຣັດເຊຍ ກໍຍິ່ງທຳຮ້າຍຕົວເອງ ສຸດທ້າຍກໍແພ້.


ເຈົ້ານ້າທີ່ອາວຸໂສຮົງກາຣີຊີ້ ຍິ່ງອີຢູລົງໂທດຫຼາຍຂຶ້ນເທົ່າໃດ ຍິ່ງທຳຮ້າຍຕົວເອງ ຂະນະທີ່ຣັດເຊຍຢູ່ລອດ ແນະນໍາວ່າຍຸດທະສາດຄວນຈະມີການປ່ຽນແປງ
ວັນທີ່ 24 ມິຖຸນາ 2022 ຣອຍເຕີ່ລາຍງານວ່າ ຜູ້ຊ່ວຍອາວຸໂສຂອງນາຍົກລັດຖະມົນຕີ “ວິກເຕີ ອອນບັນ”ແຫ່ງຮົງກາຣີ ກ່າວວ່າ ສະຫະພາບເອີຣົບ(ອີຢູ) ຄວນຫຍຸດເພີ່ມມາດຕະການລົງໂທດຕໍ່ຣັດເຊຍ ຈາກກໍລະນີທີ່ຣັດເຊບຸກຢູເຄຼນ ແຕ່ຄວນຜັກດັນໃຫ້ມີການຫຍຸດຍິງ ແລະ ເລີ່ມການເຈລະຈາແທນ
ຜູ້ຊ່ວຍນາຍົກຮົງກາຣີກ່າວເລື່ອງນີ້ນອກຮອບການປະຊຸມສຸດຍອດຜູ້ນຳອີຢູ ເຊິງໃຫ້ການຮັບຮອງຢູເຄຼນສູ່ສະຖານະຜູ້ສະໝັດເຂົ້າເປັນສະມາຊິກສະຫະພາບເອີຣົບຍັງກ່າວອີກດ້ວຍວ່າຍິ່ງອີຢູມີມາດຕະການລົງໂທດຫຼາຍຂຶ້ນເທົ່າໃດ ຍິ່ງເປັນການທຳຮ້າຍອີຢູເອງ ຂະນະທີ່ຣັດເຊຍຍັງຢູ່ລອດ
“ບາລານ ອອນບັນ” ຜູ້ຊ່ວຍອາວຸໂສນາຍົກລັດຖະມົນຕີຮົງກາຣີ ໃຫ້ສຳພາດຣອຍເຕີ່ວ່າ ສຸດທ້າຍເອີຣົບຈະແພ້ສົງຄາມຄັ້ງນີ້ ເນື່ອງຈາກບັນຫາທາງເສດຖະກິດ ຄຳແນະນຳຂອງເຮົາຄືເຮົາຄວນຢຸດຂະບວນການລົງໂທດຣັດເຊຍ
ຮົງກາຣີເປັນໜຶ່ງໃນປະເທດອີຢູທີ່ສະນັບສະໜູນຮັດເຊຍຫຼາຍທີ່ສຸດ ເນື່ອງຈາກຕ້ອງເພິ່ງພາກາສ ແລະ ນໍ້າມັນຈາກຣັດເຊຍນອກຈາກນີ້ຣັດເຊຍກໍກຳລັງສ້າງເຄື່ອງເຕົາປະຕິກອນນິວເຄຼຍສໍາລັບຮົງກາຣີເຊັ່ນດຽວກັນ
ກ່ອນໜ້ານີ້ ຮົງກາຣີ ໄດ້ພະຍາຍາມເລື່ອນເວລາລົງໂທດຕໍ່ຣັດເຊຍ ໂດຍຫ້າມນຳເຂົ້ານ້ຳມັນຂອງຣັດເຊຍ. ຈົນກ່ວາມີການຍົກເວັ້ນການເຈລະຈາສໍາລັບຮົງກາຣີ.
ບາລັນ ອອນບັນ ກ່າວດ້ວຍວ່າຕອນນີ້ສິ່ງທີ່ເຮົາປະສົບຄື ຍິ່ງເຮົາຍອມຮັບການລົງໂທດຫຼາຍເທົ່ໃດ ສະຖານະການຍິ່ງເສື່ອມລົງ ສ່ວນຣັດເຊຍເຖິງແມ່ນວ່າຈະເຈັບຊໍ້າແຕ່ກໍຍັງຢູ່ລອດ ແລະ ທີ່ນັກກວ່ານັ້ນຄື ພວກເຂົາຍັງດຳເນີນການໃນຢູເຄຼນຕໍ່ໄປ
ນັບຕັ້ງແຕ່ຣັດເຊຍຮຸກຮານຢູເຄຼນເມື່ອວັນທີ 24 ກຸມພາ 27 ຊາດອີຢູມີມິຕິລົງໂທດຣັດເຊຍ 6 ແພັກເກັຈ ເຊິ່ງລວມເຖິງກັກຊັບສິນ ແລະ ການຫ້າມອອກວິຊ່າສຳລັບຜູ້ມີອຳນາດ ແລະ ເຈົ້ານ້າທີ່ຣັດເຊຍ ການຄວບຄຸມການສົ່ງອອກ ການກັກຊັບສິນຂອງທະນາຄານກາງ ການຕັດການເຊື່ອມຕໍ່ທະນາຄານຈາກລະບົບ SWIFT ແລະ ການຫ້າມນໍາເຂົ້າຖ່ານຫີນ ແລະ ນໍ້າມັນຂອງຣັດເຊຍ
ແຕ່ເຈົ້າໜ້າທີ່ບາງຄົນໂຕ້ແຍັງວ່າຜູ້ມີອຳນາດຈາກຣັດເຊຍບາງຄົນສາມາດຢູ່ໄດ້ໂດຍປາສະຈາກເດີ່ນຍົນ ຫຼື ເຮືອນວິນລາຂອງຕາເວັນຕົກ ເພາະເຂົາເຈົ້າໄດ້ຍ້າຍຊັບສິນຂອງແຫຼວອອກຈາກອີຢູແລ້ວ ແລະ ການຄວບຄຸມການສົ່ງອອກອາດຈະ
ການອາຍັດເງິນສຳຮອງຂອງທະນາຄານຣັດເຊຍກໍສ້າງຄວາມເຈັບປວດພຽງເລັກນ້ອຍ ເນື່ອງຈາກຣັດເຊຍຍັງໄດ້ຮັບເງິນລາຍພັນລ້ານໂດລາໃນແຕ່ລະມື້ຈາກຄ່ານໍ້າມັນ ແລະ ກ໊າຊສົ່ງໄປຍັງເອີຣົບ ເມື່ອອີຢູຢຸດຊື້ນໍ້າມັນຣັດເຊຍໃນປີໜ້າ ນໍ້າມັນດິບຣັດເຊຍຈະຖືກຂາຍ ແລະ ຈັດສົ່ງໂດຍເຮືອບັນທຸກນໍ້າມັນໃຫ້ຈີນ ຫຼື ອິນເດຍ
ແຕ່ບາງຄົນໂຕ້ແຍ້ງວ່າການລົງໂທດຣັດເຊຍກຳລັງໄປດ້ວຍດີ ພຽງແຕ່ຕ້ອງໃຊ້ເວລາກ່ອນທີ່ຈະສົ່ງຜົນກະທົບເຕັມທີ່ຕໍ່ເສດຖະກິດຈາກຣັດເຊຍ
ແນວໃດກໍຕາມ ອອນບັນກ່າວວ່າອີຢູຄວນປ່ຽນກົນລະຍຸດ
“ເຮົາມາເຖິງຈຸດທີ່ຮູ້ຕົວວ່າ ເຮົາເດີນຕາມຍຸດທະສາດນີ້ມາ 4 ເດືອນແລ້ວ ກໍມີຄວາມສຳເລັດເກີດຂຶ້ນແດ່ ແຕ່ຫາກຍັງເປັນແບບນີ້ຕໍ່ໄປ ຕາມຄວາມຄິດທີ່ສົມເຫດສົມຜົນ ມັນຈະຈົບລົງໃນທາງທີ່ບໍ່ດີສຳລັບເອີຣົບ ດັ່ງນັ້ນເຮົາຈຳເປັນຕ້ອງຄິດກ່ຽວກັບບາງສິ່ງເຊັ່ນ ການເຈລະຈາ, ການຢຸດຍິງ, ສັນຕິພາບ ການທູດ ນັ້ນຄືທາງອອກຂອງເຮົາ” ອອນບັນກ່າວໄວ້.

spot_img

ຍອດນິຍົມ