ພໍ່ເອົາມໍລະດົກ 400 ລ້ານໃຫ້ລູກສາວໂດຍມີເງື່ອນໄຂຄືຕ້ອງເຮັດວຽກ ແຕ່ລາວປະຕິເສດ.

spot_img

ພໍ່ເອົາມໍລະດົກ 400 ລ້ານໃຫ້ລູກສາວໂດຍມີເງື່ອນໄຂຄືຕ້ອງເຮັດວຽກ ແຕ່ລາວປະຕິເສດ.


ຍິງສາວຊາວອອສເຕເລຍຖືກປະຕິເສດບໍ່ໃຫ້ເຂົ້າເຖິງມໍລະດົກມູນຄ່າກວ່າ 12 ລ້ານຫຼຽນ ຫຼື ປະມານ 400 ລ້ານບາດ ເພາະລາວປະຕິເສດທີ່ຈະປະຕິບັດຕາມເງື່ອນໄຂຂອງພໍ່ຜູ້ລ່ວງລັບໄປແລ້ວ ນັ້ນກໍຄືການມີວຽກທີ່ໝັ້ນຄົງ


ແຄຣ ບຣາວ ມີສິດໄດ້ຮັບມໍລະດົກ 400 ລ້ານຈາກພໍ່ຂອງລາວແຕ່ຕາມຂໍ້ກຳນົດໃນພິໄນກຳຂອງພໍ່ລາວກັບມີເງື່ອນໄຂທີ່ລະບຸວ່າ ລາວຕ້ອງເຮັດວຽກປະຈຳ ແລະ ບໍລິຈາກເງິນຊ່ວຍເຫຼືອສັງຄົມ
ແຕ່ລາວກັບປະຕິເສດທີ່ຈະເຮັດຕາມເງື່ອນໄຂໃນພິທີກຳໂດຍອ້າງວ່າ ເງື່ອນໄຂດັ່ງກ່າວມັນເປັນໄປບໍ່ໄດ້ເນື່ອງຈາກປັນຫາສຸຂະພາບຂອງຕົວລາວເອງ ໃນຂະນະດຽວກັນລາວກໍໃຊ້ຊີວິດຢູ່ພາຍໃຕ້ສະວັດດິການຂອງລັດດ້ວຍຖານະທີ່ຍາກຈົນ


“ຂ້ອຍເຂົ້າໃຈວ່າເປັນຫຍັງຜູ້ຄົນເຫຼົ່ານີ້ຕ້ອງການໃຫ້ຂ້ອຍເຮັດຕາມພິໄນກຳ ແຕ່ເຈົ້າຕ້ອງເບິ່ງການບົ່ງມະຕິຂອງຂ້ອຍນຳ ເຊິ່ງສິ່ງນີ້ມັນບໍ່ສາມາດເກີດຂຶ້ນໄດ້” ແຄຣ ກ່າວໄວ້
“ຂ້ອຍຈະບໍ່ຮຽນຂັບລົດເພາະຂ້ອຍເປັນຄົນສະມາທິສັ້ນ ຂ້ອຍມີຄວາມສົນໃຈສັ້ນຄືອາຍຸຂອງແມງເມົ່າ”
ປັດຈຸບັນ ແຄຣ ບຣາວ ອາໃສຢູ່ດ້ວຍເງິນສະຫວັດດີການໃນເມົາ ຄຣູອິດ ຊານເມືອງທາງຕາເວັນຕົກຂອງຊິດນີ ກັບລໍເຣນຄູຮັກຂອງລາວ ແລະ ລູກສາວອາຍຸ 1 ຂວບ ເຊິ່ງທີ່ແຫ່ງນັ້ນຫ່າງໄກຈາກຄຸນນະພາບຊີວີດທີ່ດີຢູ່ທ່ວຝັ່ງຕາເວັນອອກຂອງເມືອງ ແລະ ລວມເຖິງໂຮງຮຽນດີໆ ອີກດ້ວຍ


ຈາກການລາຍງານລະບຸວ່າ ຄຣິສ ພໍ່ຂອງແຄຣເປັນນັກເທຣດຫຸ້ນທີ່ປະສົບຄວາມສຳເລັດ ເຂົາເຄີຍຊ່ວຍເຫຼືອເງິນໃຫ້ກັບລາວປະມານ 500 ຫຼຽນຕໍ່ອາທິດ ແຕ່ກໍຕ້ອງຕັດຂາດຈາກລາວໄປ ແລະ ລາວກໍຖືກບັງຄັບໃຫ້ໃຊ້ເງິນສະຫວັດດີການຈາກຣັດຖະບານ
ເມື່ອຄຣິສ ເສຍຊີວິດໃນຊ່ວງຕົ້ນປີທີ່ຜ່ານມາ ເຂົາໄດ້ມອບຊັບສິນສົມບັດໃຫ້ລາວກັບຄອບຄົວ ໂດຍມີເງື່ອນໄຂ 2 ຂໍ້ນັ້ນກໍຄືການມີ ວຽກເຮັດງານທຳ ແລະ ການຊ່ວຍເຫຼືອສັງຄົມ ແຕ່ນັ້ນເປັນ 2 ສິ່ງທີ່ແຄຣອ້າງວ່າລາວບໍ່ສາມາດເຮັດໄດ້


“ຂ້ອຍເອີ້ນຕົວເອງວ່າເປັນເສດຖີທີ່ຍາກຈົນ ເພາະຂ້ອຍຍາກຈົນຢູ່ຕະຫຼອດເວລາ ແລະ ບໍ່ສາມາດເຮັດຫຍັງກັບມັນໄດ້” ຍິງສາວອາຍຸ 26 ປີກ່າວ
ແຄຮອ້າງວ່າ ລາວມີອາການສະມາທິສັ້ນຢ່າງຮຸນແຮງເຊິ່ງເຮັດໃຫ້ລາວບໍ່ສາມາດປະຕິບັດຕາມເງື່ອນໄຂຂອງພໍ່ໄດ້ ລາວບອກວ່າຕົນເອງຕ້ອງຈົດລາຍການທຸກສິ່ງທຸກຢ່າງທີ່ຕ້ອງເຮັດເອົາໄວ້ບໍ່ສະນັ້ນລາວຈະຕ້ອງລືມສິ່ງທີ່ຕ້ອງເຮັດໃນມື້ນັ້ນ


ໃນທາງກົງກັນຂ້າມ ຍາດພີ່ນ້ອງຂອງແຄຣບອກວ່ານີ້ເປັນພງຂໍ້ອ້າງທີ່ລາວຈະໄດ້ບໍ່ຕ້ອງເຮັດຕາມຄວາມປາຖະໜາຂອງພໍ່ລາວ
“ເຮົາຢາກໃຫ້ລາວໄດ້ວຽກເຮັດງານທຳ ແລະ ຊ່ວຍເຫຼືອສັງຄົມ ແທນທີ່ຈະຍອມເຮັດຕາມສິ່ງທີ່ພໍ່ສັ່ງເສຍໄວ້ ແຕ່ລາວກັບຫັນຫຼັງ ແລະ ເລືອກທີ່ຈະຟ້ອງກັບແທນ” ຍາດພີ່ນ້ອງຂອງລາວລາຍໜຶ່ງກ່າວກັບຜູ້ສື່ຂ່າວ “ເຮົາຢູ່ໃນຈຸດທີ່ບໍ່ສາມາດເຮັດຫຍັງໄດ້ ແຕ່ເຮົາກໍຍັງຮັກລາວຢູ່”


ເມື່ອຜູ້ສື່ຂ່າວຖາມແຄຣວ່າ ລາວຕ້ອງການເຮັດວຽກ ຫຼື ບໍ່ລາວຕອບວ່າ “ທັ້ງຢາກ ແລະ ບໍ່ຢາກ” ໂດຍລາວອ້າງໂຣກປະຈຳຕົວຂອງລາວອີກຄັ້ງ ແລະ ຍືນຍັນໃນຈຸດຢືນຂອງລາວຄືເກົ່າຕໍ່ໄປ
“ຂ້ອຍພຽງຕ້ອງການສິ່ງທີ່ຄວນເປັນຂອງຂ້ອຍຢ່າງຖືກຕ້ອງ ແລະ ຂ້ອຍຕ້ອງການໃຫ້ຄົນເຫຼົ່ານີ້ເຊົາຄິດວ່າຂ້ອຍຈະຕ້ອງເຮັດວຽກໄດ້ແລ້ວ” ແຄຣກ່າວ.

spot_img

ຍອດນິຍົມ