ໄນກີ້(Nike) ຖອນທຸລະກິດທັງໝົດອອກຈາກຣັດເຊຍ.

spot_img

ໄນກີ້(Nike) ຖອນທຸລະກິດທັງໝົດອອກຈາກຣັດເຊຍ.


ໄນກີ້-ຊິສໂກ້ ປະກາດຖອນທຸລະກິດອອກຈາກຣັດເຊຍ ຕາມຮອຍແມັກໂດນັນ-ສະຕາບັກ ດ້ານຣັດເຊຍກຽມອອກກົດໝາຍລົງໂທດບໍລິສັດຕ່າງປະເທດ
ວັນທີ 24 ມິຖຸນາ 2022 ບີບີຊີ ລາຍງານວ່າ ໄນກີ້ປະກາດແຜນການທີ່ຈະຖອນທຸລະກິດອອກຈາກຣັດເຊຍກາຍເປັນແບຣນຕາເວັນຕົກລ່າສຸດອອກຈາກຣັດເຊຍຕັ້ງແຕ່ຣັດເຂຍຮຸກຮານຢູເຄຼນເມື່ອເດືອນກຸມພາ
ໄນກີ້ເຊິ່ງເປັນຜູ້ຜະລິດ ແລະ ຈຳນ່າຍຊຸດກິລາລາຍໃຫຍ່ຂອງສະຫະລັດ ໄດ້ລະງັບຄຳສັ່ງຊື້ອອນລາຍ ແລະ ເປີດຮ້ານຄ້າຂອງຕົນເອງໃນຣັດເຊຍ ເມື່ອເດືອນມີນາທີ່ຜ່ານມາ
ສ່ວນຮ້ານຄ້າທີ່ດຳເນີນການໂດຍພັນທະມິດໃນທ້ອງຖິ່ນຍັງເປີດໃຫ້ບໍລິການ ແຕ່ບໍລິສັດກໍກຳລັງຈະຍຸດຕິສັນຍາກັບຮ້ານຄ້າເຫຼົ່ານັ້ນ
ຊິສໂກ້(Cisco) ລາຍໃຫຍ່ດ້ານເຄືອຂ່າຍລະບຸວ່າ ຈະເລີ່ມປິດກິດຈະກາເຕັມຮູບແບບໃນຣັດເຊຍ ແລະ ເບລາຣຸສ
ນອກຈາກນີ້ຍັງມີບໍລິສັດອື່ນໆ ທີ່ຖອນທຸລະກິດອອກຈາກຣັດເຊຍໃນຊ່ວງບໍ່ຫຼາຍອາທິດທີ່ຜ່ານມານີ້ ເຊັ່ນ ແມກໂດນັນ ແລະ ສະຕາບັກ
ໄນກີ້ໄດ້ລະບຸຖະແຫຼງການວ່າ ໄນກີ້ໄດ້ຕັດສິນໃຈອອກຈາກຕະຫຼາດຮັດເຊຍ ສິ່ງທີ່ສຳຄັນອັນດັບໜຶ່ງຂອງເຮົາຄືຕ້ອງແນ່ໃຈວ່າເຮົາຊ່ວຍເຫຼືອພະນັກງານຢ່າເຕັມທີ່ ໃນລະຫວ່າງທີ່ເຮົາຈະລົດຂະໜາດການປະຕິບັດງານຢ່າງມີຄວາມຮັບຜິດຊອບໃນອີກບໍ່ຫຼາຍເດືອນທາງໜ້າ
ຮັດເຊຍເລີ່ມຖືກໂດດດ່ຽວທາງເສດຖະກິດຫຼາຍຂຶ້ນເລື້ອຍໆ ຕັ້ງແຕ່ຮຸກຮານຢູເຄຼນ ໂດຍຊາດຕາເວັນອອກ ແລະ ພັນທະມິດໄດ້ກຳນົດມາດຕະການລົງໂທດຂະນະທີ່ບໍລິສັດຕ່າງຊາດພາກັນຖອນທຸລະກິດອອກຈາກປະເທດ
ຂະນະນີ້ຣັດເຊຍກຳລັງດຳເນີນການກ່ຽວກັບກົດໝາຍເພື່ອລົງໂທດບໍລິສັດຕ່າງໆທີ່ມີຈຸດປະສົງຈະຖອນທຸລະກິດອອກຈາກປະເທດ ໂດຍອານຸມັດໃຫ້ລັດຖະບານຍຶດຊັບສິນຂອງບໍລິສັດເຫຼົ່ານີ້ ແລະ ກຳນົດໂທດທາງອາຍາ ຕາມລາຍງານຂອງລອຍເຕີ່
ໄນກີ້ມີຮ້ານຄ້າຫຼາຍກວ່າ 50 ແຫ່ງໃນຮັດເຊຍ ປມານໜຶ່ງໃນສາມໄດ້ປິດໃຫ້ບໍລິການແລ້ວ ຕາມຂໍ້ມູນຈາກເວັບໄຊ້ໄນກີ້
ໃນເດືອນພຶດສະພາ ສື່ຮັດເຊຍລາຍງານວ່າໄນກີ້ໄດ້ອານຸມັດສັນຍາກັບແຟຣນໄຊລາຍໃຫຍ່ທີ່ສຸດໃນຣັດເຊຍ ເຊິ່ງຮັບຜິດຊອບຮ້ານຄ້າ 37 ແຫ່ງ
ກ່ອນໜ້ານີ້ໄນກີ້ເປີດເຜີຍວ່າ ລາຍໄດ້ຈາກຮ້ານຄ້າໃນຣັດເຊຍ ແລະ ຢູເຄຼນ ລວມກັນມີສັດສ່ວນບໍ່ເຖິງ 1% ຂອງລາຍໄດ້ທັງໝົດ
ຊິສໂກ້ລະບຸເມື່ອວັນພະຫັດວ່າ ບໍລິສັດໄດ້ຕັດສິນໃຈເລີ່ມລົດກິດຈະກຳທາງທຸລະກິດໃນຣັດເຊຍ ແລະ ເບລາຣຸສຢ່າງເປັນລະບົບ
ການຕັດສິນມຈຄັ້ງນີ້ຈະກະທົບພະນັກງານສອງສາມຮ້ອຍຄົນ ເຊິ່ງພວກເຂົາຈະໄດ້ຮັບການປະຕິບັດດ້ວຍຄວາມເຄົາລົບ
ໂຄສົກຊິສໂກ້ເຜີຍວ່າ ຊິສໂກ້ຍັງຄົງມຸ່ງໝັ້ນທີ່ຈະໃຊ້ຊັບພະຍາກອນເພື່ອນຊ່ສຍເຫຼືອພະນັກງານໜ່ວຍງານຕ່າງໆ ແລະ ຊາວຢູເຄຼນ ລວມເຖິງລູກຄ້າ ແລະ ພັນທະມິດໃນຊ່ວງເວລາທີ່ທ້າທາຍນີ້
ຍັກໃຫຍ່ດ້ານເຄືອຂ່າຍໄດ້ຍຸດຕິການດຳເນີນທຸລະກິດຫຼາຍຢ່າງແລ້ວ ເຊິ່ງລວມເຖິງການຂາຍ ແລະ ການບໍລິການໃນຣັດເຊຍ ເມື່ອເດືອນມີນາທີ່ຜ່ານມາ ເຊິ່ງກະທົບຕໍ່ລາຍໄດ້ 200 ລ້ານໂດລາໃນໄຕສມາສທີ່3.

spot_img

ຍອດນິຍົມ