5ອາຫານຊ່ວຍລົດກິ່ນປາກ ຍັບຍັ້ງເຊື້ອແບັກທີເຣັຍ.

spot_img

5ອາຫານຊ່ວຍລົດກິ່ນປາກ ຍັບຍັ້ງເຊື້ອແບັກທີເຣັຍ.


ເລື່ອງຂອງກິ່ນປາກບໍ່ແມ່ນເລື່ອງເລັກນ້ອຍທີ່ຈະມອງຂ້າມໄປໄດ້ ນອກຈາກຈະກາຍເປັນບັນຫາດ້ານບຸກຄະລິກກະພາບແລ້ວ ຍັງບົ່ງບອກເຖິງບັນຫາສຸຂະພາບໄດ້ອີກດ້ວຍ ແນວໃດກໍຕາມຫາກປ່ອຍໃຫ້ມີກິ່ນປາກມັນບໍ່ແມ່ນສິ່ງທີ່ດີແນ່ນອນ ມື້ນີ້ເຮົາມີອາຫານທີ່ຊ່ວຍລົດກິ່ນປາກ ເພື່ອສ້າງຄວາມໝັ້ນໃຈ ແລະ ລົມຫາຍໃຈທີ່ສົດຊື່ນມາຝາກ.


• ຟັກທອງ ມີແຮ່ທາດສັງກະສີສູງຫຼາຍ ເຊິ່ງມີສ່ວນໃຫ້ຮ່າງກາຍສາມາດດ້ານທານແບັກທີເຣັຍໄດ້ ການກິນຟັກທອງຕະຫຼອດ ຈຶ່ງຖືເປັນການປ້ອງກັນການເກີດກິ່ນປາກໄດ້ອີກດ້ວຍ


• ໝາກນາວ ອຸດົມໄປດ້ວຍວິຕາມິນຊີ ຫຼື ເອີ້ນອີກຊື່ວ່າ ກຣົດແອສຄໍບິກ ເຊິ່ງຊ່ວຍຂ້າເຊື້ອຈຸລິນຊີ ຕົວການຂອງເຊື້ອແບັກທີເຣັຍໃນຊ່ອງປາກ ນອກຈາກຈະເຮັດໃຫ້ເມນູອາຫານມີຄວາມແຊບແລ້ວ ຍັງສາມາດດັບກິ່ນປາກໄດ້ດີອີກດ້ວຍ


• ອາໂວຄາໂດ ເນື້ອຂອງອາໂວຄາໂດມີຄຸນສົມບັດຊ່ວຍກຳຈັດສິ່ງເສດເຫຼືອທີ່ຕົກຄ້າງຢູ່ໃນລຳໄສ້ໃຫຍ່ ເຊິງເປັນສາເຫດສຳຄັນຂອງກິ່ນປາກໃຫ້ໝົດໄປ


• ນໍ້າ ດື່ມນໍ້າໃຫ້ຫຼາຍຂຶ້ນ ແລະ ດື່ມເລື້ອຍໆ ຈະຊ່ວຍລົດການສະສົມຂອງແບັກທີເຣັຍທີ່ສະສົມໃນຊ່ອງປາກ ແລະ ລີ້ນໄດ້ ແລະ ຊ່ວຍໃຫ້ກິ່ນປາກລົດລົງ


• ໝາກອາງຸ່ນແຫ້ງ ມີກຣົດໂອລີໂນອິດ ທີ່ສາມາດຊ່ວຍປ້ອງກັນແບັກທີເຣັຍໃນຊ່ອງປາກຢ່າງມີປະສິດທິພາບ ເໝາະສຳຫຼັບການກິນເປັນອາຫານວ່າງຫຼັງອາຫານເພື່ອລົດກິ່ນປາກ
ເຖິງແມ່ນວ່າການເລືອກກິນອາຫານຈະເປັນອີກວິທີໜຶ່ງທີ່ຊ່ວຍລົດກິ່ນປາກໄດ້ ແຕ່ກໍຄວນໄປພົບແພດໝໍແຂ້ວເປັນປະຈຳ ເພື່ອສຸຂະພາບຊ່ອງປາກທີ່ດີ.

spot_img

ຍອດນິຍົມ