ເປີດ 5 ອັນດັບຍົນຮົບທີ່ອັນຕະລາຍທີ່ສຸດໃນໂລກ.

spot_img

ເປີດ 5 ອັນດັບຍົນຮົບທີ່ອັນຕະລາຍທີ່ສຸດໃນໂລກ.


ອັນດັບທີ 5 ຊຸກຮອຍ ຊູ-35 (Sukhoi Su-35) / ປະເທດຣັດເຊຍ.


ຍົນຮົບແບບຫຼາກຫຼາຍບົດບາດສັນຊາດຣັດເຊຍ ມີຊື່ລະຫັດທີ່ກຸ່ມນາໂຕ່ເອີ້ນວ່າ ແຟລງເກີ ອີ ຜະລິດຂຶ້ນມາເພື່ອເປັນລຸ່ນປັບປຸງ ແລະ ພັດທະນາຕໍ່ຍອດຈາກ ຊຸກຮອຍ ຊູ-27 ແລະ ໄດ້ສົ່ງອອກໄປຍັງກອງທັບອາກາດຂອງປະເທດຕ່າງໆ ເພື່ອປະຈຳການແທນຍົນຮົບລຸ່ນເກົ່າຢ່າງ ຊູ-27 ແລະ ມິໂຄຍັນ ມິກ-29 ດ້ານກອງທັບຣັດເຊຍກໍໄດ້ຮັບມັນເຂົ້າປະຈຳການໃນປີ2012.


ອັນດັບທີ 4 ດັຊໂຊລ ຣາຟານ (Dassault Rafale) /ປະເທດຝຣັ່ງ.


ຍົນຮົບຫຼາກຫຼາຍບົດບາດ ມີເຄື່ອງຈັກເຈັດ 2 ເຄື່ອງຈັກ ທຳການຮົບໄດ້ຫຼາຍແບບ ທັ້ງພາລະກິດໄລຍະສັ້ນ ແລະ ໄລຍະໄກ ປະຕິບັດໄດ້ທັງຕອນສວຍ ແລະ ຕອນກາງຄືນ ຜະລິດໂດຍປະເທດຝຣັ່ງເອງ ຫຼັງຈາກທີ່ປະເທດຝຣັ່ງເສດຂໍຖອນຕົວຈາກໂຄງການຢູໂຣໄຟເຕີ່ມັນໄດ້ເຂົ້າປະຈຳການທັ້ງໃນກອງທັບອາກາດ ແລະ ກອງທັບເຮືອ ເພາະມັນສາມາດຂຶ້ນ-ສາມາດລົງຈອດເທິງບັນທຸກຍົນຮົບ.


ອັນດັບທີ 3 ຢູໂຣໄຟເຕີ່ ໄທຟູນ (Eurofighter Typhoon) /ກຸມສະຫະພາບເອີຣົບ.


ໃນເດືອນທັນວາ ປີ 1983 ກອງທັບຂອງຝຣັ່ງເສດ, ເຢຍລະມັນ, ອີຕາລີ, ສະເປນ ແລະ ອັງກິດ ໄດ້ປະກາດໂຄງການຮ່ວມກັນທີ່ຈະພັດທະນາຍົນຮົບສຳລັບສະຕະວັດໜ້າ ແຕ່ດ້ວຍປັນຫາຫຼາຍປະການເຮັດໃຫ້ຝຣັ່ງເສດຂໍຖອນຕົວອອກຈາກໂຄງການ ແລະ ຫັນໄປພັດທະນາຍົນຮົບເອງ.


ຜູ້ຜະລິດອ້າງວ່າເຄື່ອງຢູໂຮໄຟເຕີ່ລຳນີ້ ມີປະສິດທິພາບພໍໆກັບເຄື່ອງເອຟ-22 ຂອງສະຫະລັດອາເມຣິກາ ແຕ່ເມື່ອພິຈາລະນາໂດຍລະອຽດແລ້ວກໍພົບວ່າ ຂີດຈຳກັດຄວາມສາມາດຂອງມັນນ່າຈະພໍໆກັບເຄື່ອງເອຟ-15 ຂອງສະຫະລັດ ຣາຟານຂອງຝຣັ່ງເສດ ແລະ ຊູ-27 ຂອງຣັດເຊຍ.


ປັດຈຸບັນຢູໂຣໄຟເຕີ່ ໄທຟູນ ປະຈຳການຢູ່ໃນກອງທັບອາກາດປະເທດອົດສະຕາລີ ເຢຍລະມັນ ອີຕາລີ ຊາອຸດີອາຣະເບຍ ສະເປນ ສະຫະປະຊາຊາດອານາຈັກ ແລະ ໂອມານ.


ອັນດັບທີ 2 ເອຟ/ເອ ຊູບເປີ່ຮັອດເນດ (F/A-18E/F Super Hornet) / ສະຫະລັດອາເມຣິກາ.


ເປັນຈົນຂັບໄລ່ໂຈມຕີຫຼາກຫຼາຍບົດບາດປະເພດທີ່ໃຊ້ໃນເຮືອບັນທຸກຍົນຮົບ ສາມາດໂຈມຕີເປົ້າໝາຍໄດ້ທັ້ງເທິງອາກາດ ແລະ ຜືນນໍ້າ ມັນມາພ້ອມອາວຸດຈຳນວນຫຼາຍ ທັ້ງຂີປະນາວຸດຫຼາຍ, ປືນແກນລິ່ງເອັມ 61 ວັລແຄນຂະໜາດ 20 mm ພ້ອມກະສຸນ 578 ນັດ ແລະ ຍັງພົກລະເບີດມາອີກເປັນລັງ.


ປັດຈຸບັນມັນເປັນຍົນຮົບຫົວຫອກຂອງກອງທັບອາກາດອົດສະຕາລີ ທີ່ໄດ້ສັ່ງຊື້ໄປຫຼາຍເຖິງ 24 ຄັນ ແລະ ຍັງປະຈຳການຢູ່ໃນກອງທັບເຮືອສະຫະລັດອີກດ້ວຍ.


ອັນດັບທີ 1 ເອຟ-22 ແຣັບເຕີ່ (F-22 Raptor) / ສະຫະລັດອາເມຣິກາ.


ມັນເປັນຍົນຮົບທີ່ມີແຜນຈະນຳໃຊ້ໃນການເຄື່ອນໄຫວຄອບຄອງທາງອາກາດແທນຍົນ F-15 ມັນເປັນສຸດຍອດຍົນຮົບທີ່ພາງຕົວໄດ້ເກັ່ງທີ່ສຸດໃນໂລກ ດ້ວຍລະບົບຫຼາກຫຼາຍທີ່ໃຊ້ປ້ອງກັນຮູບພາບ ອິນຟຣາເຣດ ສຽງ ແລະ ຄື່ນຄວາມຖີ່ວິທະຍຸ ນອກຈາກນີ້ຍັງຖືກອອກແບບໃຫ້ປອມການສົ່ງອິນຟຣາເຣດຂອງມັນເມື່ອໃຫ້ຂີປະນາວຸດຕິດຕາມຄວາມຮ້ອນທັງແບບອາກາດສູ່ອາກາດ ແລະ ພື້ນສູ່ອາກາດ ກວດຈັບມັນໄດ້ຍາກ.


ປັດຈຸບັນ ເຄື່ອງເອຟ-22 ປະຈຳການໃຫ້ກອງທັບອາກາດສະຫະລັດ ເທົ່ານັ້ນ ມັນບໍ່ເຄີຍຖືກສະເໜີຂາຍ ຫຼື ສົ່ງອອກໄປໃຫ້ກອງທັບອາກາດຂອງປະເທດອື່ນເລີຍ ແມ່ນແຕ່ປະເທດພັນທະມິດຈາກກຸ່ມນາໂຕ່ກໍຕາມ.

spot_img

ຍອດນິຍົມ