5 ອັນດັບລົດທີ່ໄວທີ່ສຸດໃນໂລກປີ 2022.

spot_img

5 ອັນດັບລົດທີ່ໄວທີ່ສຸດໃນໂລກປີ 2022.


ໃນປັດຈຸບັນການພັດທະນາເທັກໂນໂລຍີດ້ານການຜະລິດລົດນັ້ນ ໄດ້ມີຄວາມກ້າວໜ້າເພີ່ມຫຼາຍຂຶ້ນເລື້ອຍໆ ທັ້ງໃນການປະຕິບັດ ຄວາມແຮງ ແລະ ຄວາມໄວທີ່ໄດ້ພັດທະນາຕອບໂຈດຜູ້ຂັບຂີ່ຫຼາຍທີ່ສຸດ ດັ່ງນັ້ນໃນບົດຄວາມນີ້ເຮົາກໍໄດ້ຮວບຮວມ 5 ອັນດັບລົດທີ່ໄວທີ່ສຸດໃນໂລກປີ 2022 ມາຝາກທຸກຄົນອີກດ້ວຍ ວ່າແຕ່ຈະມີລົດຄັນໃດແດ່ນັ້ນ ຕາມໄປເບິ່ງພ້ອມໆກັນເລີຍ


ອັນດັບທີ5 DEVEL SIXTEEN.


DEVEL SIXTEEN ຖືໄດ້ວ່າເປັນ ລົດທີ່ໄວຕິດອັນດັບ ທີ່ນອກຈາກຈະມີຄວາມແຮງ ແລະ ຄວາມໄວ ອັນນ່າປະລາດແລ້ວ ຍັງມີດີໄຊເທ່ ທົນທານອີກດ້ວຍ ໂດຍສາມາດເລັ່ງຄວາມໄວສູງສຸດເຖິງ 480-515 ກິໂລແມັດ/ຊົ່ວໂມງ ແລະມີລາຄາເລີ່ມຕົ້ນປະມານ 1.6 ລ້ານໂດລາສະຫະລັດ ຫຼື ປະມານ 49.06 ລ້ານບາດ,

ອັນດັບທີ4 BUGATTI CHIRON SUPER SPORT 300+


BUGATTI CHIRON SUPER SPORT 300+ ອັນດັບລົດທີ່ໄວທີ່ສຸດໃນໂລກປີ 2022 ສຳຫຼັບຈຸດເດັ່ນຂອງລົດລຸ່ນນີ້ກໍຄື ຕົວຖັງຊ່ວງທ້າຍຍາວແປກຕາຕ່າງຈາກລຸ່ນທີ່ຜ່ານມາ ແລະ ຍັງມີຫຼັງຄາລູ່ລົມມາພ້ອມກັບຕົວຖັງສີດຳ-ສົ້ມ ເຮັດໃຫ້ເບິ່ງຄືລຶກລັບນ່າຄົ້ນຫາ ເທ່ ຫຼູຫຼາ ຈົນຕ້ອງຫຼຽວເບິ່ງ ໂດຍມີຄວາມແຮງສູງສຸດ 1,600 ແຮງມ້າ ແລະ ສະປີດ ຄວາມໄວສູງສຸດ 490 ກິໂລແມັດ/ຊົ່ວໂມງ


ອັນດັບທີ3 HENNESSEY VENOM F5


ອັນດັບລົດທີ່ໄວທີ່ສຸດໃນໂລກປີ2022 ເຊັ່ນກັບ HENNESSEY VENOM F5 ທີ່ມີນິຍາມຕອນເປີດຕົວຄັ້ງທຳອິດວ່າ “ເບົາຄືລ່ອງລອຍຢູ່ໃນອາກາດ” ນອກຈາກຄວາມໄວ ແລະ ຄວາມແຮງທີ່ຊົງພະລັງແລ້ວ ຍັງມີຮູບຮ່າງລັກສະນະຂອງລົດທີ່ໄດ້ຮັບສາຍາວ່າ “ມອສເຕີ່” ອີກດ້ວຍ ເນື່ອງຈາກມີຮູບຮ່າງພາຍນອກທີ່ເທ່ ຫຼູຫຼາ ແລະ ທົນທານ ນັ້ນເອງ ໃນແງ່ຂອງການປະຕິບັດເຄື່ອງຈັກໃຫ້ຄວາມແຮງເຖິງ 1,817 ແຮງມ້າ ແລະ ສະປີດຄວາມໄວສູງສຸດທີ່ 498-500 ກິໂລແມັດ/ຊົ່ວໂມງ


ອັນດັບທີ 2 BUGATTI BOLIDE


ມາຮອດ ລົດໃໝ່ ເຊັ່ນກັບ BUGATTI BOLIDE ທີ່ເວົ້າໄດ້ວ່າເປັນ ອັນດັບລົດທີ່ໄວທີ່ສຸດໃນໂລກປີ 2022 ທີ່ຖືກອອກແບບມາເພື່ອການຂັບຂີ່ໃນສະໜາມຂອງຄົນທີ່ມັກຮັກ ຄວາມໄວ ທັ້ງນີ້ລົດລຸ່ນນີ້ຍັງຢູ່ໃນຊ່ວງການຜະລິດຂຶ້ນມາເພື່ອທຳການວິໃຈສຶກສາໃນສະໜາມແຂ່ງເທົ່ານັ້ນ ໂດຍມີສະທິຕິຄວາມໄວສູງທີ່ສຸດຢູ່ທີ່ 500 ກມ/ຊມ


ອັນດັບທີ1 SSC TUATARA


ສຳຫຼັບ ລົດທີ່ອັດຕາເລັ່ງໄວທີ່ສຸດ ກໍຄື SSC TUATARA ລົດທີ່ສາມາດເຮັດຄວາມໄວໄດ້ສູງສຸດ 508 ກມ/ຊມ ໂດຍມາພ້ອມກັບເຄື່ອງຈັກສຸດແຮງ V8 ກະບອກສູບ 5.9 ລິດ ແລະ ເທີໂບຄູ່ ນອກຈາກນີ້ຍັງມີຮູບຮ່າງລັກສະນະ ເທ່ ເບິ່ງລຶກລັບ ແລະ ພາຍໃນຫ້ອງໂດຍສານກໍມີຄວາມກວ້າງຂວາງພໍດີສຳຫຼັບຄົນຂັບ ແລະ ຜູ້ໂດຍສານ ບໍ່ຕ້ອງຢ້ານເລີຍເລື່ອງຄວາມອຶດອັດພາຍໃນ ທັ້ງນີ້ມີລາຄາເລີ່ມຕົ້ນຢູ່ທີ່ປະມານ 43.8 ລ້ານບາດ.

spot_img

ຍອດນິຍົມ