ເຊເລັນສະກີ ກ່າວປະນາມລັດເຊຍວ່າເປັນລັດກໍ່ການຮ້າຍ ຮ້ອງຟ້ອງໃຫ້ຂັບໄລ່ອອກຈາກສະຫະປະຊາຊາດ.

spot_img

ເຊເລັນສະກີ ກ່າວປະນາມລັດເຊຍວ່າເປັນລັດກໍ່ການຮ້າຍ ຮ້ອງຟ້ອງໃຫ້ຂັບໄລ່ອອກຈາກສະຫະປະຊາຊາດ.


ປະທານາທິບໍດີໂວໂລດິເມຍ ເຊເລັນສະກີ ຜູ້ນຳຢູເຄຼນ ຮຽກຮ້ອງໃຫ້ມີການຂັບໄລ່ຣັດເຊຍອອກຈາກສະຫະປະຊາຊາດ(UN) ພ້ອມກ່າວຫາຣັດເຊຍວ່າເປັນລັດກໍ່ການຮ້າຍ
ປທນ ເຊເລັນສະກີ ກ່າວຄຳປາໄສທາງອອນລາຍຕໍ່ສະພາຄວາມໝັ້ນຄົງສະຫະປະຊາຊາດ(UNSC) ວ່າ ເຖິງແມ່ນວ່າຣັດເຊຍຈະລະເມີດຫຼັກການພື້ນຖານຂອງ UN ແລະ ຫຼັກກົດໝາຍລະຫວ່າງປະເທດ ແຕ່ຣັດເຊຍກໍຍັງບໍ່ໄດ້ຮັບຜິດຊອບໃດໆ ໃນລະດັບໂລກ
ຖ້ອຍຖະແຫຼງດັ່ງກ່າວຂອງ ປທນ ເຊເລັນສະກີ ມີຂຶ້ນລັງຈາກກອງກຳລັງທະຫານຣັດເຊຍຍິງຂີປະນາວຸດໃສ່ສູນການຄ້າແຫ່ງໜຶ່ງໃນເມືອງຄຣາເມນຊູກ ທາງພາກກາງຂອງຢູເຄຼນ ເມື່ອວັນຈັນທີ່ຜ່ານມາ


ນອກຈາກນີ້ ປທນ ເຊເລັນສະກີໄດ້ຮຽກຮ້ອງໃຫ້ UN ສົ່ງຕົວແທນເຂົ້າໄປຍັງທີ່ເກີດເຫດ ເຊິ່ງເປັນໜຶ່ງໃນຫຼາຍແຫ່ງທີ່ຖືກໂຈມຕີໃນຊ່ວງ 3 ວັນທີ່ຜ່ານມາ ແລະ ຈັດຕັ້ງສານພິເສດລະຫວ່າງປະເທດເພື່ອສອບສວນການກະທຳຂອງກອງທະຫານຣັດເຊຍໃນດິນແດນຢູເຄຼນ
ເຈົ້າໜ້າທີ່ຢູເຄຼນລາຍງານວ່າ ການໂຈມຕີຄັ້ງນີ້ສົ່ງຜົນໃຫ້ມີຜູ້ເສຍຊີວິດ 18 ຄົນ ແລະ ບາດເຈັບຢ່າງນ້ອຍ 50 ຄົນ ແລະ ຍັງຫາຍສາບສູນອີກຫຼາຍສິບຄົນ ໂດຍ ປທນ ເຊເລັນສະກີຍັງບອກກັບ UNSC ວ່າ ພົບຊາກຊິ້ນສ່ວນຂອງຜູ້ເສຍຊີວິດຈຳນວນໜຶ່ງ
ລາຍງານລະບຸວ່າ ມີຈຳນວນຄົນຫຼາຍກວ່າ 1,000 ຄົນຢູ່ໃນສູນການຄ້າຂະນະທີ່ເກີດເຫດໂຈມຕີ
ການປະຊຸມສຸກເສີນຈັດຂຶ້ນຕາມຄຳຮ້ອງຂໍຂອງຢູເຄຼນ ໂດຍຄະນະຜູ້ແທນຂອງແອວເບເນຍປະຈຳສະຫະປະຊາຊາດ ເຊິ່ງປັດຈຸບັນດຳລົງຕຳແໜ່ງປະທານ UNSC.

spot_img

ຍອດນິຍົມ