ຣັດເຊຍບຸກໂຈມຕີຢູເຄຣນ ຫຼັງຈາກ NATO ຕຳໜິຣັດເຊຍວ່າເປັນໄພຂົ່ມຂູ່.

spot_img

ຣັດເຊຍບຸກໂຈມຕີຢູເຄຣນ ຫຼັງຈາກ NATO ຕຳໜິຣັດເຊຍວ່າເປັນໄພຂົ່ມຂູ່.


ປູຕິນປະກາດວ່າ ຣັດເຊຍຈະຕອບໂຕ້ ຫາກນາໂຕ້ຈັດຕັ້ງໂຄງສ້າງພື້ນຖານໃນຟິນແລນ-ສະວີເດັນ.
ວັນທີ 30 ມິຖຸນາ 2022 ລອຍເຕີ່ລາຍງານວ່າ ຣັດເຊຍເດີນໜ້າໂຈມຕີພື້ນທີ່ຕາເວັນອອກຂອງຢູເຄຼນ ຫຼັງຈາກນາໂຕ່ກ່າວຫາວ່າຣດເຊຍເປັນ “ໄພຄຸກຄາມໂດຍກົງ” ຕໍ່ຄວາມໝັ້ນຄົງຂອງຊາດຕາເວັນຕົກ ແລະ ໄດ້ອານຸມັດແຜນການພັດທະນາກອງທັບຢູເຄຼນໃຫ້ທັນສະໄໝ
ທາງການຢູເຄຼນເຜີຍວ່າ ພວກເຂົາພະຍາຍາມອົບພະຍົບປະຊາຊົນອອກຈາກເມືອງລີຊີແຊນ ເຊິ່ງເປັນເມືອງແນວໜ້າທາງຕາເວັນອອກ ທີ່ເປັນເປົ້າໝາຍຫຼັກໃນການໂຈມຕີຂອງຣັດເຊຍ ແລະ ມີປະຊາຊົນປະມານ 15,000 ຄົນທີຍັງຖືກລະດົມຍິງຢ່າງບໍ່ຢຸດຢັ້ງ
“ການສູ້ຮົບເກີດຂຶ້ນຕະຫຼອດເວລາ ຣັດເຊຍຮຸກຮານຢ່າງຕໍ່ເນື່ອງ ແຕ່ຍັງບໍ່ມີການຍອມແພ້” ເຊີຣີ ໄກໄດ ຜູ້ວ່າການເຂດລູຮັນໃນພູມພາກດອນບາສ ໃຫ້ສຳພາດກັບສະຖານີໂທລະທັດຢູເຄຼນພ້ອມລະບຸວ່າ “ທຸກຢ່າງກຳລັງຖືກຖະຫຼົ່ມດ້ວຍກະສຸນ”
ສ່ວນທາງຕອນໃຕ້ຂອງເຂດເຄີຊັນ ກອງກຳລັງສູ້ຮົບກັບການໂຈມຕີດ້ວຍປືນໃຫຍ່ຕາມຂໍ້ມູນຈາກ “ໂອເລັກຊີ ອາເຣສໂຕວິດ” ທີ່ປຶກສາປະທານາທິບໍດີຢູເຄຼນ ເຊິ່ງກ່າວຜ່ານຄິບວີດີໂອທີ່ໂພສໃນໂລກອອນລາຍ
ໃນການປະຊຸມສຸດຍອດເມື່ອວັນພຸດ ທີ່ເນັ້ນປະເດັນການຮຸກຮານຢູເຄຼນຂອງຣັດເຊຍ ແລະ ຄວາມວຸ່ນວາຍທາງການເມືອງທີ່ເກີດຂຶ້ນ ນາໂຕ່ໄດ້ເຊີນສະວີເດັນ ແລະ ຟິນແລນເຂົ້າຮ່ວມເປັນສະມາຊິກ ພ້ອມໃຫ້ຄຳໝັ້ນວ່າຈະເພີ່ມຈຳນວນທະຫານກວ່າ 7 ເທົ່າ ພາຍໃນປີ 2023 ເພື່ອກຽມພ້ອມກຳລັງຮົບໃນລະດັບສູງ ຕາມແນວຮົບດ້ານຕາເວັນອອກ
ເພື່ອຕອບໂຕ້ເລື່ອງດັ່ງກ່າວ “ວາລາດິມີ ປູຕິນ” ປະທານາທິບໍດີ ຣັດເຊຍ ກ່າວວ່າ ຣັດເຊຍຈະຕອຍສະໜອງໃນລັກສະນະດຽວກັນ ຫາກນາໂຕກໍ່ຕັ້ງໂຄງສ້າງພື້ນຖານໃນຟິນແລນ ແລະ ສະວີເດັນ ຫຼັງຈາກທັງສອງປະເທດເຂົ້າຮ່ວມເປັນສະມາຊິກພັນທະມິດທາງທະຫານ ທີ່ນຳໂດຍສະຫະລັດ
ສຳນັກງານຣັດເຊຍລາຍງານອ້າງຄຳເວົ້າປູຕິນທີ່ລະບຸວ່າ ເຂົາປະຕິເສດບໍ່ໄດ້ເລີຍວ່າຄວາມກົດດັນຈະເກີດຂຶ້ນໃນຄວາມສຳພັນລະຫວ່າງຣັ້ດເຊຍ ຟິນແລນ ແລະ ສະວີເດັນ ຫາກທັງສອງປະເທດເຂົ້າຮ່ວມນາໂຕ
“ໂຈ ໄບເດັນ” ປະທານາທິບໍດີ ສະຫະລັດ ປະກາດເພີ່ມກຳລັງທາງບົກ ທະເລ ແລະ ອາກາດ ທົ່ວເອີຣົບ ຕັ້ງແຕ່ສະເປນໄປຈົນເຖິງໂຣມາເນຍ ແລະ ໂປແລນ ທີ່ມີຊາຍແດນຕິດກັບຢູເຄຼນ
ເຊິ່ງລວມເຖິງກອງບັນຊາການຖາວອນທີ່ມີກອງພັນໃນໂປແລນ ເຊິ່ງເປັນຄັ້ງທຳອິດທີ່ສະຫະລັດ ວາງກຳລັງທະຫານເຕັມເວລາທີ່ແນວຮົບດ້ານຕາເວັນອອກຂອງນາໂຕ່
“ສົງຄາມຂອງປູຕິນທີ່ເຮັດໃນຢູເຄຼນໄດ້ທຳລາຍສັນຕິພາບໃນເອີຣົບ ແລະ ສ້າງວິກິດຄວາມໝັ້ນຄົງໃຫຍ່ສຸດໃນເອີຣົບ ນັບຕັ້ງແຕ່ສົງຄາມໂລກຄັ້ງທີ່ສອງ” ເຍນ ສະໂຕນເທນເບີກ ເລຂາທິການນນາໂຕ່ ກ່າວໃນຖະແຫຼງການ ພ້ອມລະບຸວ່າ “ນາໂຕ່ຕອບໂຕ້ດ້ວຍຄວາມແຂງແກ່ນ ແລະ ຄວາມສາມັກຄີ”
ຂະນະທີ່ 30 ຜູ້ນຳປະເທດນາໂຕ່ກຳລັງປະຊຸມກັນໃນກຸງມາດຣິດ ກອງກຳລັງຣັດເຊຍໄດ້ຖະຫຼົ່ມຢູເຄຼນຢ່າງໜັກດ້ວຍການຍິງຂີປະນາວຸດ ແລະ ປືນໃຫຍ່ຖະຫຼົ່ມພື້ນທີ່ທາງຕອນໃຕ້ຂອງເມືອງໂຄເລຟ ໃກ້ກັບພື້ນທີ່ແນວໜ້າ ແລະ ທະເລດຳ
ນາຍົກລັດຖະມົນຕີເມືອງມິໂຄເລຟເຜີຍວ່າ ຂີປະນາວຸດຣັດເຊຍເຮັດໃຫ້ມີຜູ້ເສຍຊີວິດຢ່າງນ້ຶຍ 5 ຄົນໃນອາຄານທີ່ພັກອາໃສ ຂະນະທີ່ຣັ້ດເຊຍລະບຸວ່າດອງກຳລັງຣັ້ເຊຍຖະຫຼົ່ມສິ່ງທີ່ເອີ້ນວ່າ ຖານຝຶກທະຫານສຳຫຼັບທະຫານຮັບຈ້າງຕ່າງຊາດ
ມີການສູ້ຮົບຢ່າງຕໍ່ເນື່ອງເມືອງລີຊີແຊນ ເຊິ່ງກອງກຳລັງຣັດເຊຍພະຍາຍາມ ທີ່ຈະປິດລ້ອມເພື່ອຍຶດຄອງພື້ນທີ່ທາງຕາເວັນອອກຂອງພາກພື້ນດອນບາສທີ່ປະກອບດ້ວຍເຂດໂດເນສ ແລະ ລູຮັນ
“ວາໂລດິເມຍ ເຊເລັນສະກີ” ປະທານາທິບໍດີ ຢູເຄຼນ ກ່າວກັບນາໂຕ່ອີກຄັ້ງວ່າ ກອງກຳລັງຢູເຄຼນຕ້ອງການອາວຸດກັບເງິນຫຼາຍຂຶ້ນ ແລະ ວ່ອງໄວຂຶ້ນ ເພື່ອຕອບໂຕ້ການໂຈມຕີດ້ວຍປືນໃຫຍ່ ແລະ ຂີປະນາວຸດຈາກຣັດເຊຍ ເຂົາຍັງກ່າວອີກວ່າ ຄວາມທະເຍີທະຍານຂອງຣັດເຊຍບໍ່ໄດ້ຢຸດທີ່ຢູເຄຼນ
ໃນຂະນະດຽວກັນ ສານສິດທິມະນຸດຂອງເອີຣົບ (European Court of Human Rights) ເຜີຍວ່າໄດ້ອອກຄຳສັ່ງໄປຍັງຣັດເຊຍເພື່ອໃຫ້ແນ່ໃຈວ່າຈະບໍ່ມີການໃຊ້ໂທດປະຫານຊີວິດຕໍ່ຊາວອັງກິດ 2 ຄົນທີ່ຖືກຈັບກຸມຫຼັງການສູ້ຮົບຮ່ວມຢູເຄຼນ
ເມື່ອຊ່ວງຕົ້ນເດືອນ ສານແຫ່ງໜຶ່ງໃນສາທາລະນະລັດປະຊາຊົນໂດເນສ ໄດ້ພິພາກສາປະຫານຊີວິດພົນລະເມືອງຊາວອັງກິດ ໂດຍກ່າວຫາວ່າພວກເຂົາເປັນທະຫານຮັບຈ້າງ
ECHR ກ່າວວ່າໄດ້ອອກຄຳສັ່ງໃຫ້ໃຊ້ມາດຕະການຊົ່ວຄາວໂດຍບອກກັບຣັດເຊຍວ່າ ຄວນກວດສອບໃຫ້ແນ່ໃນວ່າບໍ່ມີການໃຊ້ໂທດປະຫານຊີວິດສຳຫຼັບຜູ້ສະໝັກເປັນທະຫານຮັບຈ້າງ ໃຊ້ເງື່ອນໄຂທີ່ເໝາະສົມໃນການກັກຂັງ ແລະ ໃຫ້ຄວາມຊ່ວຍເຫຼືອທາງການແພດ ແລະ ຢາທີ່ຈຳເປັນແກ່ພວກເຂົາ.

spot_img

ຍອດນິຍົມ