ອັງກິດຝຶກອົບຮົມທະຫານຢູເຄຼນໃຊ້ອາວຸດໃໝ່ ຫວັງຕ້ານການໂຈມຕີດ້ວຍປືນໃຫຍ່ຂອງຣັດເຊຍ.

spot_img

ອັງກິດຝຶກອົບຮົມທະຫານຢູເຄຼນໃຊ້ອາວຸດໃໝ່ ຫວັງຕ້ານການໂຈມຕີດ້ວຍປືນໃຫຍ່ຂອງຣັດເຊຍ.


ກອງທະຫານຢູເຄຼນຫຼາຍຮ້ອຍຄົນໄດ້ສຳເລັກການຝຶກອົບຮົມທາງທະຫານໃນອັງກິດສຳເລັດແລ້ວ ເຊິ່ງລວມເຖິງການໃຊ້ງານລະບົບຍິງຈະຫຼວດຫຼາຍລຳກ້ອງ (MLRS) ທີ່ທາງອັງກິດຈັດຫາໃຫ້ ເພື່ອຊ່ວຍຕໍ່ຕ້ານການໂຈມຕີດ້ວຍປືນໃຫຍ່ຂອງຣັດເຊຍ
ສຳນັກຂ່າວລອຍເຕີ່ລາຍງານວ່າ ສື່ຕ່າງໆ ໄດ້ຮັບເຊີນບັນທຶກຮູບພາບກອງທະຫານຢູເຄຼນທີ່ກຳລັງຊ້ອມບັນຈຸກະສຸນ ແລະ ຊ້ອມຍິງປືນໃຫຍ່ເຍົາຂະໜາດ 105 ມມ ລະຫວ່າງການຝຶກຊ້ອມທີ່ເມືອງSalisburyທາງຕອນໃຕ້ຂອງອັງກິດ ເຊິ່ງເປັນໜຶ່ງໃນໂຄງການທີ່ນຳໂດຍອັງກິດເຊິ່ງດຳເນີນການໂດຍກອງກຳລັງອາວຸດຊາວຢູເຄຼນຈຳນວນຫຼາຍກວ່າ 450ຄົນ ໂດຍໄດ້ຮັບການສະໜັບສະໜູນຈາກນິວຊີແລນ ນອກຈາກນີ້ຍັງມີການສະແດງຜົນທີ່ມີປະສິດທິພາບຂອງລະບົບ MLRS ອີກດ້ວຍ
ການຝຶກອົບຮົມນີ້ເປັນສ່ວນໜຶ່ງຂອງການສະໜັບສະໜູນລະຫວ່າງປະເທດທີ່ຄວບຄຸມຢ່າງກວ້າງຂວາງ ຫຼັງຈາກການຮຸກຮານຂອງຣັດເຊຍເມື່ອວັນທີ່ 24 ກຸມພາ ເນື່ອງດ້ວຍຊາດຕາເວັນຕົກພະຍາຍາມຊ່ວຍເຫຼືອຢູເຄຼນໃນການຂັບໄລ່ກອງກຳລັງຂອງຣັດເຊຍ ດ້ວຍການຈັດຫາລະບົບອາວຸດທີ່ລໍ້າສະໄໝ ແລະ ຝຶກອົບຮົມທັກສະໃນການໃຊ້ງານອາວຸດດັ່ງກ່າວ
ກ່ອນໜ້ານີ້ ທ່ານອາຣິສ ຈອນສັນ ນາຍົກລັດຖະມົນຕີອັງກິດ ເຊິ່ງປທນ ໂວໂລດິເມຍ ເຊເລັນສະກີ ຜູ້ນຳຢູເຄຼນ ຍົກຍ່ອງວ່າເປັນ “ເພື່ອນທີ່ດີ” ໄດ້ປະກາດຂະນະເດີນທາງມາເຍືອນກຸງຄຽຟ ເມື່ອຊ່ວງກາງເດືອນມິຖຸນານີ້ວ່າ ຈະດຳເນີນການຝຶກອົບຮົມແຍກຕ່າງຫາກສຳຫຼັບກອງກຳລັງຢູເຄຼນ ໂດຍທ່າແຮງໃນການຝຶກອົບຮົມໄດ້ຫຼາຍເຖິງ 10,000 ຄົນທຸກໆ 120 ມື້
ຮ້ອຍເອກເຈມສ ໂອລິແຟນ ແຫ່ງກອງທະຫານປືນໃຫຍ່ຮັກສາພະອົງ ເຊິ່ງມີສ່ວນກ່ຽວຂ້ອງໃນການຝຶກອົບຮົມກ່ຽວກັບລະບົບ MLRS ເປັນໄລຍະ 3 ອາທິດຄັ້ງນີ້ ໄດ້ໃຫ້ສຳພາດກັບນັກຂ່າວວ່າ “ຄວາມຢາກຮຽນຮູ້ຂອງເຂົາໃນຕອນເລີ່ມຕົ້ນນັ້ນສູງຫຼາຍ ພວກເຂົາຕ້ອງການໃຊ້ມັນຢ່າງຫຼາຍ ແຕ່ເມື່ອພວກເຂົາໄດ້ເລີ່ມປັບຕົວ ແລະ ຄຸ້ນເຄີຍກັບການໃຊ້ງານລະບົບແລ້ວ ພວກເຂົາເຖິງໄດ້ໃຈເຢັນລົງ”
ທັ້ງນີ້ ຣັ້ດເຊຍອ້າງວ່າໄດ້ດຳເນີນ “ປະຕິບັດການພິເສດທາງທະຫານ” ເພື່ອປົດອາວຸດຢູເຄຼນ ແລະ ກຳຈັດ “ລັດຣິຟາສຊິສ” ອອກຈາກຢູເຄຼນ ຂະນະດຽວກັນ ດ້ານຢູເຄຼນ ແລະ ພັນທະມິດຕາເວັນຕົກກ່າວວ່າ ຣັດເຊຍກຳລັງເຮັດສົງຄາມໂດຍປາສະຈາກການຍົ່ວຍຸ.

spot_img

ຍອດນິຍົມ