ທ່ານ ໄບເດນ ມອບຫຼຽນກຽດຕິຍົດໃຫ້ນັກຮົບເກົ່າ

spot_img

ທະຫານນັກຮົບເກົ່າ ສົງຄາມຫວຽດນາມ 4 ຄົນ ໄດ້ຮັບຫຼຽນກຽດຕິຍົດ ຫຼື Medal of Honor

ປະທານາທິບໍດີ ໂຈ ໄບເດັນ ໄດ້ມອບຫຼຽນກຽດຕິຍົດ ຫຼື Medal of Honor ຊຶ່ງເປັນຫຼຽນທີ່ສູງທີ່ສຸດຂອງປະເທດ ສຳລັບຄວາມກ້າຫານ ໃຫ້ແກ່ ທະຫານກອງທັບບົກສະຫະລັດ 4 ຄົນໃນການປະຕິບັດໜ້າທີ່ຂອງພວກເຂົາລະຫວ່າງສົງຄາມຫວຽດນາມ.

ໃນລະຫວ່າງພິທີມອບຫຼຽນຢູ່ທີ່ທຳນຽບຂາວ ໃນວັນອັງຄານວານນີ້ ປະທານາທິບໍດີ ໂຈ ໄບເດັນ ໄດ້ມອບຫຼຽນກຽດຕິຍົດ ແກ່ ສິບໂທ ເດີໄວ້ຕ໌ ເບີດແວລ (Dwight Birdwell), ພັນຕີຈອນ ດັຟຟີ (John Duffy), ແລະສິບໂທ ເດັນນິສ ຟູຈີ (Dennis Fujii).

ສ່ວນຈ່າຕີ ແອດເຫວີດ ເອັນ ຄາເນຊີໂຣ ໄດ້ຮັບຫຼຽນ ຫລຸນຫຼັງທີ່ໄດ້ເສຍຊີວິດ.
ທ່ານໄບເດັນ ໄດ້ກ່າວ ວ່າ “ພຽງແຕ່ໄດ້ຍິນສິ່ງທີ່ແຕ່ລະ ຄົນໄດ້ເຮັດ ກໍໜ້າແປກໃຈແລະປະທັບໃຈ ພວກເຂົາເຈົ້າໄດ້ເຮັດເກີນກວ່າ ແລະກາຍບົດບາດໜ້າທີ່ຂອງພວກເຂົາເຈົ້າ.”

ທີ່ມາ: Voa

spot_img

ຍອດນິຍົມ