ຜູ້ໂດຍສານຢູ່ໃນຍົນຕົກໃຈ ຫຼັງພົບເຫັນຍົນສູ້ຮົບບິນຢູ່ກາງອາກາດ

spot_img

ຜູ້ໂດຍສານຢູ່ໃນຍົນຕົກໃຈ ຫຼັງພົບເຫັນຍົນສູ້ຮົບບິນຢູ່ກາງອາກາດ

ເຈົ້າຄິດວ່າຄວາມຢ້ານຂອງຖ້ຽວບິນຂອງເຈົ້າແມ່ນຫຍັງ? ຫຼາຍຄົນອາດຈະຄິດເຖິງການຕົກຢູ່ໃນອາກາດ, ພົບກັບຄົນອາລະວາດ ຢູ່ເທິງຍົນ ແຕ່ຈະມີແຕ່ຈັກຄົນຄິດວ່າຕົວເອງຈະພົບເຫັນຍົນສູ້ຮົບປະກົບຍົນໂດຍສານຂອງຕົວເອງກາງອາກາດ
ເມື່ອບໍ່ຫຼາຍວັນທີ່ຜ່ານມານີ້

ຜູ້ໂດຍສານຈາກສາຍການບິນ EasyJetຈາກສະຫະອານາຈັກຕ້ອງຕົກຕະລຶງຫຼັງຍົນໂດຍສານຂອງພວກເຂົາຖືກຍົນສູ້ຮົບຂອງກອງທັບອາກາດສະເປນບິນປະກົບສະກັດເອົາໄວ້ກາງອາກາດ

ທ່ຽວບິນດັ່ງກ່າວອອກເດີນທາງຈາກທ່າທາກາດຍານອະວະກາດ ລອນດອນ Gatwick ມຸ່ງໜ້າໄປຍັງເກາະມິນນໍກາຂອງປະເທດສະເປນ ເຊິ່ງຖືເປັນຈຸດໝາຍຍອດນິຍົມສຳລັບນັກທ່ອງທ່ຽວ

ແນວໃດກໍຕາມ ຜູ້ໂດຍສານເທິງຍົນແອບັສ G-EZAO ຕ້ອງຕະລຶກເມື່ອສັງເກດເຫັນຍົນສູ້ຮົບ F18 ບິນປະກົບຢູ່ຂ້າງໆ
ອຽນ ເລສລີ ໄດ້ໂພສຄິບເຫດການດັ່ງກ່າວໃນທະວິດເຕີ່ສ່ວນຕົວຂອງເຂົາ ໂດຍລະບຸວ່າຍົນດັ່ງກ່າວຖືກກອງທັບອາກາດສະເປນສະກັດເອົາໄວ້ລະຫວ່າງໄປເກາະມິນນໍກາ ແລະ ຜູໂດຍສານຍັງບໍ່ໄດ້ຮັບອານຸຍາດໃຫ້ອອກຈາກຍົນ
ຫຼັງຈາກທີ່ກາຍເປັນຂ່າວເທິງໜ້າສື່ອອນລາຍ ສາຍການບິນໂລຄອສກໍໄດ້ອອກມາຖະແຫຼງການວ່າເປັນ “ມາດຕະການເຝົ້າລະວັງເພື່ອຄວາມປອດໄພ”

ຖະແຫຼງການລຸບຸວ່າ ສາຍການບິນEasyJet ທ່ຽວບິນ EZY8303 ຖືກຍົນທະຫານນຳໃນຂະນະລົງຈອດທີ່ເກາະມິນນໍກາ ແລະ ມີການດີເລເນື່ອງຈາກມາດຕະການເຝົ້າລະວັງເພື່ອຄວາມປອດໄພ

“ຄວາມປອດໄພຂອງຜູ້ໂດຍສານ ແລະ ລູກເຮືອບິນສິ່ງທີ່EasyJetໃຫ້ຄວາມສຳຄັນສູງສຸດສະເໝີ ແລະ ເຮົາຢາກຈະຂອບໃຈຜູ້ໂດຍສານສຳຫຼັບຄວາມເຂົ້າໃຈ”

ໃນຂະນະທີ່ຊາວເນັດໃນ Twitter ໄດ້ມີການສະເໜີທິດສະດີວ່າ ຍ້ອນສາເຫດອັນໃດຍົນລຳດັ່ງກ່າວຈຶ່ງຖືກກວດສອບ
“ມັນເປັນຂະບວນການຮັກສາຄວາມປອດໄພ ເພາະມີສັນຍານເຕືອນລະເບີດປອມໃນຍົນເຊິ່ງຖືກເຜີຍແຜ່ໃນໂຊຊ່ຽວມີເດຍ ມີໄວລຸ່ນບາງຄົນເຮັດມັນເພື່ອຄວາມມ່ວນຊື່ນ”

ຊາວເນັດຄົນໜຶ່ງກ່າວ ເຊິ່ງທາງເຈົ້າໜ້າທີ່ບໍ່ໄດ້ລະບຸວ່າເປັນເລື່ອງແທ້ແຕ່ຢ່າງໃດ ສະຫຼຸບແລ້ວກໍບໍ່ມີເຫດການຮ້າຍແຮງໃດໆ ເກີດຂຶ້ນ ແຕ່ຜູ້ໂດຍສານຫຼາຍຄົນເທິງຍົນກໍໄດ້ປະສົບການແປກໃໝ່ທີ່ນ່າຕື່ນເຕັ້ນໃນແບບທີ່ນ້ອຍຄົນຈະໄດ້ພົບແນ່ນອນ

spot_img

ຍອດນິຍົມ