ກັບດັກໜີ້ສິນຈາກຈີນເປັນກັບດັກຫາງສຽງທີ່ປະເທດຕາເວັນຕົກສ້າງຂຶ້ນ

spot_img

ກັບດັກໜີ້ສິນຈາກຈີນເປັນກັບດັກຫາງສຽງທີ່ປະເທດຕາເວັນຕົກສ້າງຂຶ້ນ

ຖ້ອຍຄວາມກ່ຽວກັບ“ກັບດັກໜີ້ສິນຈາກຈີນ”ຂອງປະເທດໃນອາຟຣິກກາເປັນ “ກັບດັກຫາງສຽງ”ທີ່ປະເທດຕາເວັນຕົກສ້າງຂຶ້ນ ວັນທີ 14 ກໍລະກົດນີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ:

ອັນທີ່ເອີ້ນວ່າ “ຖ້ອຍຄວາມກັບດັກໜີ້ສິນຈາກຈີນ” ພຽງແຕ່ເປັນ “ກັບດັກຫາງສຽງ” ທີ່ສ້າງຂຶ້ນໂດຍພວກອິດທິກຳລັງທີ່ບໍ່ຫວັງຢາກເຫັນ ການຮ່ວມມືລະຫວ່າງຈີນກັບປະເທດພວມພັດທະນາເຊັ່ນປະເທດໃນອາຟຣິກການັ້ນພັດທະນາໄວຂຶ້ນ.

ຕາມຂ່າວແຈ້ງວ່າ: ອົງການເພື່ອການກຸສົນອັງກິດທີ່ມີຊື່ວ່າ “ຄວາມເປັນທຳດ້ານໜີ້ສິນ” ໄດ້ເຜີຍແຜ່ບົດລາຍງານສະບັບຫນຶ່ງເມື່ອບໍ່ດົນມານີ້ ໂດຍໄດ້ຍົກເອົາຂໍ້ມູນຈາກອົງການຕ່າງໆເຊັ່ນ ທະນາຄານໂລກ, ອົງການກອງທຶນເງິນຕາສາກົນຫຼື IMF ແລະອື່ນໆມາລາຍງານໂດຍເຫັນວ່າ:

ໜີ້ສິນທີ່ປະເທດໃນອາຟຣິກກາກູ້ຢືມຈາກສະຖາບັນການເງິນເອກະຊົນຂອງປະເທດຕາເວັນຕົກແມ່ນມີຫຼາຍເຖິງ 3 ເທົ່າ ຂອງໜີ້ສິນທີ່ກູ້ຢືມຈາກຈີນ, ອັດຕາດອກເບ້ຍ ແມ່ນເປັນ2ເທົ່າຂອງຈີນ. ໃນເວລາຕອບຄຳຖາມຂອງນັກຂ່າວກ່ຽວກັບເລື່ອງນີ້: ທ່ານວ່າງເວີນປິ່ນ ກ່າວວ່າ: ຄືດັ່ງຜູ້ຮັບຜິດຊອບທີ່ກ່ຽວຂ້ອງຂອງອົງການ “ຄວາມເປັນທຳດ້ານໜີ້ສິນ”ໄດ້ຊີ້ໃຫ້ເຫັນວ່າ:

ປະເທດຕາເວັນຕົກໄດ້ຖິ້ມໂທດ ໃສ່ຈີນວ່າ ຄວນຮັບຜິດຊອບຕໍ່ວິກິດການໜີ້ສິນຂອງອາຟຣິກກາ, ນີ້ເປັນການຫັນເຫ ຄວາມສົນໃຈຂອງຊາວໂລກ. ໃນຄວາມເປັນຈິງແລ້ວ, ທະນາຄານ, ບໍລິສັດຄຸ້ມຄອງຊັບສິນແລະບໍລິສັດຊື້ຂາຍນ້ຳມັນ ເຊື້ອໄຟຂອງປະເທດຕາເວັນຕົກ ແມ່ນມີຄວາມຮັບຜິດຊອບຫຼາຍກວ່າຢ່າງຫຼວງຫຼາຍ.

ທ່ານວ່າງເວີນປິ່ນກ່າວຕື່ມວ່າ: “ພວກເຮົາຮຽກຮ້ອງໃຫ້ປະເທດທີ່ພັດທະນາ ແລ້ວພ້ອມດ້ວຍສະຖາບັນການເງິນເອກະຊົນ ກໍຄືສະຖາບັນການເງິນຫຼາຍ ຝ່າຍສາກົນ ຈົ່ງນຳໃຊ້ການເຄື່ອນໄຫວທີ່ເຂັ້ມແຂງກວ່າເກົ່າໃນດ້ານການ ສະໜັບສະໜູນເງິນທຶນແລະການຜ່ອນຄາຍໜີ້ສິນໃຫ້ແກ່ປະເທດພວມພັດທະນາ, ເພື່ອປະກອບສ່ວນເຂົ້າໃນການເຮັດໃຫ້ເສດຖະກິດໂລກບັນລຸການພັດທະນາແບບກວມລວມແລະຍືນຍົງ.”

ທີ່ມາ: CRI

spot_img

ຍອດນິຍົມ