ອີຫຣ່ານປະກາດຮັບເງິນຣູເບິນ ຊື້ຂາຍແລກປ່ຽນຕ້ອນຮັບປູຕິນຢ້ຽມຢາມເຕເຮຣານ.

spot_img

ອີຫຣ່ານຍອມຮັບເງິນຣູເບິນ ຊື້ຂາຍແລກປ່ຽນຕ້ອນຮັບປູຕິນຢ້ຽມຢາມເຕເຮຣານ.


ຕະຫຼາດແລກປ່ຽນເງິນຕາຕ່າງປະເທດອິຫຣ່ານເປິດສາກຈັບຄູ່ຊື້ຂາຍເງິນຣູເບິນ ຣັດເຊຍ ຫຼັງສົງຄາມກະທົບຄ່າເງິນຣູເບິນອ່ອນຄ່າໜັກ ສະຫະລັດຊີ້ຣັດເຊຍກຳລັງໂດດດ່ຽວຂັ້ນສຸດຫຼັງປູຕິນຢ້ຽມຢາມອີຫຣ່ານ.
ວັນທີ່ 20 ກໍລະກົດ 2022 ອາທີ ຂອງຣັດເຊຍ ລາງານ ລັດຖະບານອີຫຣ່ານໄດ້ກຳນົດໃຫ້ເງິນຣູເບິນ ຂອງຣັດເຊຍ ໄວ້ໃນລາຍຊື່ສະກຸນເງິນທີ່ມີການແລກປ່ຽນເງິນຕາຕ່າງປະເທດຢ່າງເປັນທາງການແລ້ວ ພ້ອມເລີ່ມຈັບຄູ່ທາງການຄ້າລະຫວ່າງສະກຸນເງິນຣູເບິນ ຣັດເຊຍ ແລະ ເງິນກີບ ອິຫຣ່ານ
ຂະນະທີ່ ໄອອາເອັນເອ ສື່ໃນອີຫຣ່ານລາຍງານວ່າ ການແລກປ່ຽນເງິນຕາລະຫວ່າງເງິນຣູເບິນ ແລະ ເງິນກີບ ຈຳນວນກວ່າ 2 ລ້ານຮູເບິນຄັ້ງທຳອິດ ໄດ້ເກີດຂຶ້ນທັນທີທີ່ມີການເປີດການຊື້ຂາຍ ດ້ວຍອັດຕາການແລກປ່ຽນທີ່ 5,390 ກີບອິຫຣ່ານ ຕໍ່ 1 ຮູເບິນຣັດເຊຍ
ການກຳນົດອັດຕາແລກປ່ຽນສະກຸນເງິນຕາແລກປ່ຽນດັ່ງກ່າວເກີດຂຶ້ນກ່ອນການເດີນທາງຢ້ຽມຢາມກຸງເຕເຮຣານ ເມືອງຫຼວງຂອງປະເທດອີຫຣ່ານຂອງປູຕິນ ປະທານາທິບໍດີຣັດເຊຍ ແລະ ຖືກຊີ້ແຈງໂດຍຜູ້ວ່າການທະນາຄານກາງຂອງອີຫຣ່ານ ວ່າ ເປັນກ້າວທີ່ສຳຄັນໃນການພັດທະນາຄວາມສຳພັນທາງດ້ານເສດຖະກິດຂອງອີຫຣ່ານ ແລະ ຣັດເຊຍ
ໂດຍກ່ອນໜ້ານີ້ທາງການຣັດເຊຍໄດ້ຮຽກຮ້ອງໃຫ້ມີການຄ່ອຍໆ ຢຸດໃຊ້ສະກຸນເງິນໂດລາສະຫະລັດ ໃນການເຮັດທຸລະກຳທາງການເງິນກັບອີຫຣ່ານ
ສ່ວນການຄ້າລະຫວ່າງທັງສອງປະເທດນັ້ນໄດ້ເຕີບໂຕໄວກວ່າປະມານ 31% ໃນຊ່ວງ 4 ເດືອນທຳອິດຂອງປີນີ້ ແລະ ທາງການຣັດເຊຍປະກາດເສີມອີກດ້ວຍວ່າຣັດເຊຍ ແລະ ອິຫຣ່ານກຳລັງກຽມພ້ອມສຳລັບຂໍ້ຕົກລົງຄວາມຮ່ວມມືທາງເສດຖະກິດສຳຄັນຄັ້ງໃໝ່.

spot_img

ຍອດນິຍົມ