ຢູເຄຼນລົງນາມເປັນປະເທດ ພັນທະມິດ ກະຊວງພະລັງງານລະຫວ່າງປະເທດ(IEA).

spot_img

ຢູເຄຼນລົງນາມເປັນປະເທດ ພັນທະມິດ ກະຊວງພະລັງງານລະຫວ່າງປະເທດ(IEA).


ລັດຖະມົນຕີພະລັງງານຢູເຄຼນຮ່ວມກັນລົງນາມກັບ IEA ເຮັດໃຫ້ຢູເຄຼນກາຍເປັນປະເທດພັນທະມິດລ່າສຸດຂອງ IEA.
ວັນທີ່ 20 ກໍລະກົດ 2022 ເອບີຊີນິວ ລາຍງານວ່າ ຢູເຄຼນໄດ້ກາຍເປັນປະເທດພັນທະມິດ(Association Country) ກະຊວງະພະລັງງານລະຫວ່າງປະເທດ (The International Energy Agency ຫຼື IEA) ແລ້ວ ໂດຍທັງສອງຝ່າຍເນັ້ນຍໍ້າວ່າຄວາມຮ່ວມມືຢ່າງໄກ້ຊິດຈະຊ່ວຍໃຫ້ເອີຣົບສາມາດປະເຊີນກັບລະດູໜາວທີ່ຄາດວ່າຈະຍາກລຳບາກ ທ່າມກາງວິກິດພະລັງງານທີ່ກ່ຽວຂ້ອງກັບສົງຄາມລະຫວ່າງຣັດເຊຍ-ຢູເຄຼນ
“Fatih Birol” ຜູ້ອຳນວຍການ IEA ກ່າວລະຫວ່າງພິທີໃນກຸງວອຣຊໍຂອງໂປແລນວ່າ “ຂ້ອຍເຊື່ອວ່າລະດູໜາວນີ້ອາດກາຍເປັນບົດທົດສອບຄັ້ງປະຫວັດສາດຂອງຄວາມເປັນປຶກແຜ່ນໃນເອີຣົບ”
ຄວມເຄື່ອນໄຫວຄັ້ງນີ້ສະທ້ອນໃຫ້ເຫັນເຖິງບົດບາດສຳຄັນຂອງຢູເຄຼນທີ່ມີຄວາມໝັ້ນຄົງທາງດ້ານພະລັງງານໃນເອີຣົບ ແລະ ໃນລະດັບໂລກ ອີກທັ້ງຍັງສະແດງໃຫ້ເຫັນເຖິງການສະນັບສະໜູນຢູເຄຼນຂອງ IEA ໃນລະຫວ່າງທີ່ຢູເຄຼນກຳລັງຮັບມືກັບການຮຸກຮານຈາກຣັດເຊຍ
ຢູເຄຼນກາຍເປັນປະເທດພັນທະມິດ IEA ລຳດັບທີ່ 11 ຮ່ວມກັບອາເຈນຕິນ່າ ບາຊິວ ຈີນ ອີຢິບ ອິນໂດເນເຊຍ ໂມຣັອກໂກ ສິງກະໂປ ອາຟິຣກາໃຕ້ ແລະ ໄທ ຂະນະທີ່ປະເທດສະມາຊິກຂອງ IEA ມີທັງໝົດ 31 ປະເທດ ລວມເຖິງປະເທດເສດຖະກິດຂະໜາດໃຫຍ່ສ່ວນໃຫຍ່ໃນໂລກເຊັ່ນ ສະຫະລັດອາເມຣິກາ ອັງກິດ ເຢຍລະມັນ ຝຣັ່ງເສດ ແລະ ຢີ່ປຸ່ນ
ບິຣອລ ແລະ ລັດຖະມົນຕີກ່າວວ່າ ກະຊວງພະລັງງານຂອງຢູເຄຼນ “ເກີມັນ ກາລຸນເຊນໂກ້” ໄດ້ລົງນາມໃນເອກະສານຮ່ວມກັນ
ຄວາມເຄື່ອນໄຫວຄັ້ງນີ້ຈະເຮັດໃຫ້ຢູເຄຼນສາມາດເຮັດວຽກຢ່າງໄກ້ຊິດຮ່ວມກັບ IEA ໃນດ້ານການແບ່ງປັນຂໍ້ມູນ ການວິເຄາະ ແລະ ແນວປະຕິບັດທີ່ດີທີ່ສຸດ ລວມເຖິງການຈັດການຄວາມຕ້ອງການພະລັງງານ ນອກຈາກນີ້ ຍັງສະໜັບສະໜູນຄວາມພະຍາຍາມໃນການຟື້ນຟູຢູເຄຼນອີກດ້ວຍ
ກາລຸນເຊນໂກ້ກ່າວວ່າປະເທດຂອງເຂົາຕ້ອງການສ້າງລະບົບພະລັງງານຂຶ້ນໃໝ່ດ້ວຍວິທີໃໝ່ ໂດຍໃຊ້ເທັກໂນໂລຍີຂັ້ນສູງສຸດ ແລະ ການສະໜັບສະໜູນຈາກ IEA ອາດມີຄວາມສຳຄັນຕໍ່ງານນີ້
ດ້ານບິຣອລກ່າວວ່າ ເຂົາປະທັບໃຈກັບການສະໜັບສະໜູນຢ່າງເປັນເອກະພາບທີ່ລັດຖະບານໃນປະເທດສະມາຊິກທັງມົດມອບໃຫ້ເທື່ອເດືອນກ່ອນ ໃນການນຳຢູເຄຼນເຂົ້າສູ່ຄອບຄົວ IEA
ທັ້ງນີິ້ ສະມາຊິກ IEA ແລະ ປະເທດພັນທະມິດ ມີຄວາມຕ້ອງການພະລັງງານຮ່ວມກັນກວ່າ 75% ຂອງທົ່ວໂລກ.

spot_img

ຍອດນິຍົມ