ທະຫານຣັດເຊຍງັດກົນລະຍຸດຄຸມພະລັງງານ ບຸກຍຶດໂຮງໄຟຟ້າໃຫຍ່ທີ່ສຸດອັນດັບ 2 ຂອງຢູເຄຼນ.

spot_img

ທະຫານຣັດເຊຍງັດກົນລະຍຸດຄຸມພະລັງງານ ບຸກຍຶດໂຮງໄຟຟ້າໃຫຍ່ທີ່ສຸດອັນດັບ 2 ຂອງຢູເຄຼນ.


ກອງທັບຮັດເຊຍບຸກຍຶດໂຮງໄຟຟ້າທີ່ໃຫຍ່ທີ່ສຸດຶັນດັບ 2 ຂອງຢູເຄຼນ ທີ່ປຶກສາລາຍໜຶ່ງຂອງປະທານາທິບໍດີ ເຊເລັນສະກີ ແຫ່ງຢູເຄຼນຍອມຮັບໃນວັນພຸດ (27 ກໍລະກົດ)ຍືນຍັນຄຳກ່າວອ້າງກ່ອນໜ້ານີ້ຂອງກອງກຳລັງທີ່ໄດ້ຮັບການສະໜັບສະໜູນຈາກມອສໂກ.

ການບຸກຍຶດໂຮງໄຟຟ້າ Vuhlehirsk ເຊິ່ງເປັນໂຮງໄຟຟ້າພະລັງງານຖ່າຍຫີິນຍຸກສະຫະພາບໂຊຫວຽດ ແລະ ຕັ້ງຢູ່ທາງຕາເວັນອອກຂອງຢູເຄຼນ ຖືເປັນການຮຸກຄືບທາງຍຸດທະສາດຂອງມອສໂກຄັ້ງທຳອິດໃນຮອບກວ່າ 3 ອາທິດ ໃນສີ່ງທີ່ພວກເຂົາເອີ້ນວ່າເປັນ “ປະຕິບັດການພິເສດດ້ານການທະຫານ” ເພື່ອປົດອາວຸດ ແລະ ທຳລາຍຄວາມເປັນນາຊີໃນປະເທດເພື່ອນບ້ານ.

“ພວກເຂົາບັນລຸຄວາມໄດ້ປຽບທາງຍຸດທະວິທີເລັກນ້ອຍ ພວກເຂົາຍຶດ Vuhlehirsk” ໂອເລດຊີ ອາເຣສໂຕວິຊ ທີ່ປຶກສາປະທານາທິບໍດີ ຢູເຄຼນຍອມຮັບພ້ອມເຜີຍວ່າພວກຣັດເຊຍກຳລັງໂຍກຍ້າກຳລັງພົນຄັ້ງໃຫຍ່ໄປຍັງ 3 ແຄວ້ນທາງພາກໃຕ້.

ກອງທັບຂາວຂອງອັງກິດກ່າວໃນວັນພຸດ ວານນີ້ວ່າ ນັກຮົບຮັບຈ້າງຂອງຈາກກຸ່ມວາກເນີ່ (Wagner Group) ຝ່ານຣັດເຊຍບາງທີອາດປະສົບຜົນສຳເລັດໃນການຮຸກຄືບທາງຍຸດທະວິທີ ໃນພາກພື້ນດອນບາສ ພາກຕາເວັນອອກຂອງຢູເຄຼນ ແຖວໆ ໂຮງໄຟຟ້າ ແລະ ໝູ່ບ້ານໂນໂວລູຮັນສະກີ ທີ່ຢູ່ໃກ້ຄຽງພ້ອມລະບຸວ່າບາງທີທະຫານຢູເຄຼນບາງສ່ວນໄດ້ຖອນກຳລັງອອກມາແລ້ວ.

spot_img

ຍອດນິຍົມ