ຢູເຄຼນເດືອດ! ຂູ່ຟ້ອງສານໂລກເອົາຜິດເຫຼົ່າທະນາຄານໃຫຍ່ຕາເວັນຕົກ ພົບຍັງສະໜັບສະໜູນຣັດເຊຍທາງອ້ອມ.

spot_img

ຢູເຄຼນເດືອດ! ຂູ່ຟ້ອງສານໂລກເອົາຜິດເຫຼົ່າທະນາຄານໃຫຍ່ຕາເວັນຕົກ ພົບຍັງສະໜັບສະໜູນຣັດເຊຍທາງອ້ອມ.


ບັນດາບິກບອສຂອງທະນາຄານຕາເວັນຕົກຫຼາຍແຫ່ງ ໃນນັ້ນລວມເຈພີມໍແກນ ເຊສ ຊີຕີກຣຸ໊ປ ແລະ ເອຊເອສບີຊີ ກຳລັງກໍ່ອາດຊະຍາກຳສົງຄາມ ດ້ວຍການຍັງຄົງໃຫ້ການສະໜັບສະໜູນທາງການເງິນໂດຍອ້ອມແກ່ຣັດເຊຍ ໂດເລກ ອຸສເທນໂກ ທີ່ປຶກສາທາງເສດຖະກິດຂອງປະທານາທິບໍດີ ເຊເລັນສະກີ ແຫ່ງຢູເຄຼນ ກ່າວອ້າງເມື່ອວັນອັງຄານ (26 ກໍລະກົດ).

ລະຫວ່າງໃຫ້ສຳພາດກັບສຳນັກຂ່າວຊີເອັນບີຊີ ອຸສເທນໂກ ປະກາດວ່າ ຄຽຟກຳລັງເດີນໜ້າຮວບຮວມທະນາຄານຕ່າງໆ ທີ່ເຊື່ອວ່າກຳລັງໃຫ້ການສະໜັບສະໜູນທຸລະກິດຄ້ານໍ້າມັນຂອງຣັດເຊຍ ແລະ ມີແຜນຍື່ນຄຳຮ້ອງໄປຕໍ່ສານອາຍາລະຫວ່າງປະເທດ (ໄອຊີຊີ).

“ບໍ່ມີຂໍ້ສົງໃສເລີຍວ່າຣັດເຊຍກຳລັງກໍ່ອາດຊະຍາກຳສົງຄາມໃນຢູເຄຼນ ກັບປະຊາຊົນຊາວຢູເຄຼນ” ອຸສເທນໂກບອກກັບຊີເອັນບີຊີ “ເຫດຜົນຂອງພວກເຮົາແມ່ນ ໃຜກໍຕາມທີ່ສະໜັບສະໜູນທາງການເງິນພວກອາຊະຍາກອນສົງຄາມເຊິ່ງກຳລັງເຮັດສິ່ງຊົ່ວຮ້າຍໃນຢູເຄຼນ ຄົນໆນັ້ນກໍກຳລັງກໍ່ອາຊະຍາກຳສົງຄາມເຊັ່ນກັນ” ເຂົາກ່າວພ້ອມເນັ້ນວ່າຄຽຟຈະບໍ່ດຳເນີນການກັບຕົວທະນາຄານ ແຕ່ຈະພຸ່ງເປົ້າໄປທີ່ບັນດາຫົວໜ້າ ແລະ ຜູ້ຈັດການຂອງສະຖາບັນການເງິນເຫຼົ່ານັ້ນ.

spot_img

ຍອດນິຍົມ