ຟີລິບປິນບໍ່ໄດ້ຊື້ຍົນເຮລີຄັອບເຕີ່ຣັດເຊຍ 8 ພັນລ້ານ ຢ້ານຜິດໃຈສະຫະລັດ.

spot_img

ຟີລິບປິນບໍ່ໄດ້ຊື້ຍົນເຮລີຄັອບເຕີ່ຣັດເຊຍ 8 ພັນລ້ານ ຢ້ານຜິດໃຈສະຫະລັດ.


ໃນຖານະເພື່ອນຂອງສະຫະລັດ ຟີລິບປິນບໍ່ໄດ້ຕົກລົງກັບຣັດເຊຍ ທີ່ຈະຊື້ເຮລີຄັອບເຕີ່ທະຫານແລ້ວ.


ວັນທີ່ 28 ກໍລະກົດ 2022 ສຳນັກຂ່າວ ເອພີ ລາຍງານວ່າ ລັດຖະບານຟີລິບປິນບໍ່ໄດ້ຕົກລົງຊື້ເຮລີຄັອບເຕີ່ຂົນສົ່ງທາງທະຫານກັບຣັດເຊຍແລ້ວດ້ວຍເກງວ່າອາດຈະຖືກເພື່ອນສະຫະລັດລົງໂທດທາງເສດຖະກິດໄດ້.


ທ່ານເດລຟິນ ລໍເຣນຊານາ ອະດີດ ລັດຖະມົນຕີກະຊວງປ້ອງກັນປະເທດ ກ່າວວ່າ ການລົ້ເລີກຂໍ້ຕົກລົງມູນຄ່າກວ່າ 227 ລ້ານໂດລາສະຫະລັດ ຫຼື ປະມານ 8,300 ລ້ານບາດ ທີ່ຈະຊື້ເຮລີຄັອບເຕີ່ລຸ່ນ Mi-17 ຈຳນວນ 6 ຄັນຈາກຣັດເຊຍ ມາຈາກການຕັດສິນໃຈເມື່ອເດືອນກ່ອນໝົດພາລະເປັນລັດຖະບານວັນທີ່ 30 ມິຖຸນາ ຕອນນັ້ນຕົນເອງຍັງເປັນລັດຖະມົນຕີ ສ່ວນທ່ານໂຣດຣິໂກ ດູແຕຣເຕ ຍັງເປັນປະທານາທິບໍດີ.


“ພວກເຮົາອາດຈະຖືກລົງໂທດໄດ້” ທ່ານລໍເຣນຊານາ ກ່າວເຖິງສະຫະລັດທີ່ຄົງບໍ່ພໍໃຈຢ່າງຍິ່ງ ຫາກຟີລິບປິນຍັງເດີນໜ້າຂໍ້ຕົກລົງນີ້ກັບຣັດເຊຍໃນຊ່ວງທີ່ຄວາມສຳພັນສະຫະລັດກັບຣັດເຊຍຕົກຕໍ່າລົງ.


ອະດີດ ລັດຖະມົນຕີກະຊວງປ້ອງກັນປະເທດກ່າວດ້ວຍວ່າ ເຈົ້າໜ້າທີ່ຄວາມໝັ້ນຄົງສະຫະລັດໜ້າຈະຈັບຕາການຕັດສິນໃຈຂອງຟີລິບປິນຢູ່ ຈຶ່ງສະເໜີທີ່ຈະຂາຍເຮລີຄັອບເຕີ່ທະການໃນລຸ່ນການໃຊ້ງານທີ່ໄກ້ຄຽງກັນ.


ສຳລັບທ່ານລໍເຣນຊານາ ໄດ້ຮັບແຕ່ງຕັ້ງຈາກປະທານາທິບໍດີຄົນໃໝ່ ເຟີດິນານ ມາຣກອສ ຈູເນ່ຍ ໃຫ້ເປັນຫົວໜ້າສຳນັກງານທີ່ຕ້ຶອງເບິ່ງແຍງການປ່ຽນຜ່ານຖານທັບເກົ່າໄປເປັນສູນທຸລະກິດ.

spot_img

ຍອດນິຍົມ