ໄປໃຫ້ສຸດ! ສະຫະລັດສະໜອງອາວຸດໃຫ້ຢູເຄຼນອີກ 1ຕື້ໂດລາ

spot_img

ໄປໃຫ້ສຸດ! ສະຫະລັດສະໜອງອາວຸດໃຫ້ຢູເຄຼນອີກ 1ຕື້ໂດລາ ເນັ້ນຈະຫຼວດທີ່ຊັດເຈນສູງໂຈມຕີຫຼັງແນວໜ້າ.

ເພນຕາກອນເມື່ອວັນຈັນ (8 ສິງຫາ) ມອບຄວາມຊ່ວຍເຫຼືອທາງທະຫານຮອບໃໝ່ໃຫ້ແກ່ຢູເຄຼນອີກ 1ຕື້ໂດລາ ໃນນັ້ນລວມເຖິງເພີ່ມເຕີມລະບົບຈະຫຼວດ Himars ທີ່ມີຄວາມຊັດເຈນສູງ ເຊິ່ງສາມາດຊ່ວຍກອງກຳລັງຄຽຟໂຈມຕີທະຫານຣັດເຊຍທີ່ຢູ່ໄກອອກໄປຫຼັງແນວໜ້າ

ແພັກເກັດຄວາມຊ່ວຍເຫຼືອລ່າສຸດນີ້ ຍັງລວມໄປເຖິງການຈັດຫາເພີ່ມເຕີມຂີປະນາວຸດຍິງຈາກພື້ນຜິວສູ່ອາກາດ ສຳຫຼັບປ້ອງກັນອາກາດຍານ ແລະ ຈະຫຼວດຂອງຝ່າຍຣັດເຊຍຈະຫຼວດຕໍ່ຕ້ານຍານເກາະ ‘ເຈຟລິນ’ ແລະ ກະສຸນອື່ນໆ ຈາກຖ້ອຍຖະແຫຼງທີ່ເຜີຍແຜ່ໂດຍກະຊວງປ້ອງກັນປະເທດສະຫະລັດ

“ອາວຸດເຫຼົ່ານີ້ ມີແສນຍານຸພາບທີ່ສຳຄັນຍິ່ງສຳຫຼັບຊ່ວຍເຫຼືອຢູເຄຼນປັດເປົ່າການຮຸກຮານຂອງຣັດເຊຍໃນຕາເວັນອອກ ແລະ ຍັງຊ່ວຍຈັດການກັບສະຖານທີ່ຄ່ອຍໆປາກົດຂຶ້ນໃນພາກໃຕ້ ແລະ ທີ່ອື່ນໆ” Colin Kahl, ຮອງລັດຖະມົນຕີກະຊວງປ້ອງກັນປະເທດສະຫະລັດລະບຸ

ຄວາມເຄື່ອນໄຫວລ່າສຸດ ສົ່ງຜົນໃຫ້ຈຳນວນເງິນຊ່ວຍເຫຼືອດານຄວາມໝັ້ນຄົງທີ່ສະຫະລັດມອບໃຫ້ຢູເຄຼນ ນັບຕັ້ງແຕ່ຣັດເຊຍເປີດສາກຮຸກຮານປະເທດແຫ່ງນີ້ເມື່ອວັນທີ່ 24 ກຸມພາ ກ້າວຂຶ້ນໄປຫາລະດັບ 9,100 ລ້ານໂດລາສະຫະລັດແລ້ວ

“ສະຫະລັດຍືນຍັນຢູ່ຄຽງຂ້າງພັນທະມິດ ແລະ ຄູ່ຫູຫຼາຍກວ່າ 50 ປະເທດ ໃນການມອບຄວາມຊ່ວຍເຫຼືອດ້ານຄວາມໝັ້ນຄົງທີ່ສຳຄັນ ສະໜັບສະໜູນປ້ອງກັນອຳນາດອະທິປະໄຕ ແລະ ບູລະນະພາບແຫ່ງດິນແດນຂອງຢູເຄຼນ ຈາກການຮຸກຮານຂອງຣັດເຊຍ” ແອນໂທນີ ບລິນເຄນ ລັດຖະມົນຕີຕ່າງປະເທດສະຫະລັດລະບຸ.

“ເຮົາຈະເດີນໜ້າປຶກສາກັນຢ່າງໃກ້ຊິດກັບຢູເຄຼນ ແລະ ເພີ່ມເຕີມລະບົບ ແລະ ສັກກາຍະພາບຕ່າງໆທີ່ມີ ປະເມີນຢ່າງລະມັດລະວັງເພື່ອສ້າງຄວາມແຕກຕ່າງໃນສະໝໍລະພູມຮົບ ແລະ ເສີມສ້າງຄວາມເຂັ້ມແຂງແກ່ສະຖານະໃນຂັ້ນທ້າຍສຸດຂອງຢູເຄຼນເທິງໂຕະເຈລະຈາ” ບລິນເຄນກ່າວໃນຖ້ອຍຖະແຫຼງ

ອີກດ້ານໜຶ່ງທະນາຄານໂລກ ເປີດເຜີຍວ່າ ທະນາຄານກຳລັງຢູໃນຂະບວນການໂອນເງິນຈຳນວນ 4,500 ລ້ານໂດລາເພື່ອຊ່ວຍເຫຼືອເສດຖະກິດຢູເຄຼນ ເຊິ່ງເງິນດັ່ງກ່າວຖືເປັນເງິນໃຫ້ລ້າຈາກສະຫະລັດເພື່ອຊ່ວຍເຫຼືອຢູເຄຼນຈາກຜົນກະທົບຂອງການທີ່ຣັດເຊຍສົ່ງກອງກຳລັງທະຫານບຸກໂຈມຕີ

spot_img

ຍອດນິຍົມ