ບໍ່ໄດ້ຢ້ານ! ໄຕ້ຫວັນຊ້ອມຮົບໃຊ້ປືນແທ້ຊ່ວງສັ້ນໆ ຈຳລອງປ້ອງກັນຕົນເອງຈາກການຖຶກໂຈມຕີ

spot_img

ໄຕ້ຫວັນຊ້ອມຮົບກະສຸນແທ້ຊ່ວງສັ້ນໆ ຈຳລອງປ້ອງກັນຕົນເອງຈາກການຖືກໂຈມຕີ.

ກອງທັບໃຕ້ຫວັນເລີ່ມການຊ້ອມຮົບຍິງປືນໃຫຍ່ດ້ວຍກະສຸນແທ້ໃນວັນອັງຄານ (9 ສິງຫາ) ຈຳລອງປົກປ້ອງເກາະແຫ່ງນີ້ຈາກການຖືກໂຈມຕີ ຫຼັງຈາກກ່ອນໜ້ານີ້ຈີນໄດ້ເຮັດການຊ້ອມຮົບຄັ້ງໃຫຍ່ຕໍ່ເນື່ອງຫຼາຍມື້ຕິດ ຕອບໂຕ້ກໍລະນີນາງ ແນນຊີ ໂພໂລຊີ ປະທານສະພາຕ່ຳສະຫະລັດ ເດີນທາງເຍືອນກຸງໄທເປ ເຊິ່ງໄດ້ເພີ່ມຄວາມເຄັ່ງຕຶງຂຶ້ນໃນພາກພື້ນ

ໂຄສົກກອງທັບນ້ອທີ່ 8 ຂອງໃຕ້ຫວັນຍືນຍັນວ່າການຊ້ອມຮົບໃນເມືອງປິງຕົງ ທາງພາກໃຕ້ ເລີ່ມຂຶ້ນຕອນເວລາປະມານ 00.40 ຈີເອັນທີ (ກົງກັບປະເທດລາວ 07.40 ນາທີ) ດ້ວຍການຍິງປືນໃຫຍ່ໃສ່ເປົ້າໝາຍ ກ່ອນຈົບລົງດ້ວຍເວລາບໍ່ຮອດຊົ່ວໂມງ ຕອນເວລາ 01.30 ຈີເອັນທີ (ກົງກັບປະເທດລາວ08.30 ນາທີ) ຕອນທີ່ກະສຸນຊຸດສຸດທ້າຍຖືກຍິງອອກມາ ໄດ້ຍິນສຽງທະຫານໃຕ້ຫວັນຮ້ອງຂຶ້ນວ່າ “ພາລະກິດສຳເລັດແລ້ວ”

ຈີນເປີດການຊ້ອມຮົບຮອບໆ ໃຕ້ຫວັນຄັ້ງໃຫຍ່ທີ່ສຸດເທົ່າທີ່ເຄີຍມີມາເມື່ອອາທິດກ່ອນ ໃນການຕອບໂຕ້ຢ່າງເດືອດດານຕໍ່ການເດີນທາງເຍືອນໃຕ້ຫວັນຂອງນາງແນນຊີ ໂພໂລຊີ ເຊິ່ງຖືເປັນເຈົ້າໜ້າທີ່ລະດັບສູງສຸດຂອງສະຫະລັດ ໃນຮອບຫຼາຍທົດສະວັດ ທີ່ເດີນທາງເຍືອນເກາະປົກຄອງຕົນເອງແຫ່ງນີ້
ໃຕ້ຫວັນ ຢູ່ພາຍໃຕ້ການຂົ່ມຂູ່ຮຸກຮານໂດຍຈີນມາຢ່າງຕໍ່ເນື່ອງ ປັກກິ່ງເບິ່ງເພື່ອນບ້ານແຫ່ງນີ້ເປັນສ່ວນໜຶ່ງຂອງດິນແດນ ເຊິ່ງຕ້ອງຍຶດຄືນບໍ່ມື້ໃດກະມື້ໜຶ່ງ ແລະ ຖ້າຈຳເປັນກໍອາດຈະດຳເນີນການຜ່ານການໃຊ້ກຳລັງ

ການຊ້ອມຮົບຂອງໄທເປ ມີກຳນົດຈັດຂຶ້ນໃນວັນອັງຄານ (9 ສິງຫາ) ແລະ ວັນພະຫັດ (11 ສິງຫາ) ເຊິ່ງໃນນັ້ນລວມເຖິງການໃຊ້ກຳລັງທະຫານຫຼາຍຮ້ອຍຄົນ ແລະ ປືນໃຫຍ່Howitzerປະມານ 40 ກະບອກ

ໂຄສົກກອງທັບໃຕ້ຫວັນບອກໃນວັນຈັນ (8 ສິງຫາ) ວ່າການຊ້ອມຮົບຄັ້ງນີ້ເປັນໄປໄດ້ຕາມກຳນົດການທີ່ວາງໄວ້ລ່ວງໜ້າ ແລະ ບໍ່ໄດ້ເປັນການຕອບໂຕ້ການຊ້ອມຮົບຂອງຈີນ.

spot_img

ຍອດນິຍົມ