ເຈັບເອງອີກ! ຢູເຄຼນ ຢຸດການສະໜອງນ້ຳມັນໃຫ້ເອີຣົບ ຫຼັງຕິດຂວ້ຳບາດຣັດເຊຍ

spot_img

ເຈັບເອງອີກ! ຢູເຄຼນ ຢຸດການສະໜອງນ້ຳມັນໃຫ້ເອີຣົບ ຫຼັງຕິດຂວ້ຳບາດຣັດເຊຍ.

ຢູເຄຼນປິດທໍ່ສົ່ງນໍ້າມັນຂອງຣັດເຊຍທີ່ສະໜອງໃຫ້ຢູໂຣບກາງມາຕັ້ງແຕ່ຊ່ວງຕົ້ນເດືອນ ເນື່ອງມາຈາກມາດຕະການຄວໍ່າບາດຂອງຕາເວັນຕົກເອງ ຂັດຂວາງຄຽຟບໍ່ໃຫ້ຈ່າຍຄ່າຂົນສົ່ງຈາກມອສໂກ ຈາກການເປີດເຜີຍຂອງ transneft ບໍລິສັດທໍ່ສົ່ງນໍ້າມັນຍັກໃຫຍ່ຂອງຣັດເຊຍໃນວັນອັງຄານ (9 ສິງຫາ).

ຢູໂຣບອີງໃສ່ນໍ້າມັນດິບ ດີເຊວ ກ໊າຊທຳມະຊາດ ແລະ ຖ່ານຫີນ ຂອງຣັດເຊຍຫຼາຍ ແລະ ລາຄາພະລັງພຸ່ງຂຶ້ນໃນຊ່ວງຫຼາຍເດືອນທີ່ຜ່ານມາ ເນື່ອງຈາກບັນຫາຂາດແຄນອຸປະທານ ທີ່ຢູໂຣບພະຍາຍາມສູ້ຊົນຫາແຫຼ່ງພະລັງງານທາງເລືອກມາທົດທນພະລັງງານຂອງຣັດເຊຍ.

ລ່າສຸດມີລາຍງານວ່າ ຢູເຄຼນລະງັບກະແສນໍ້າມັນຂອງທໍ່ລຳລຽງ Druzba ທີ່ສະໜອງສູ່ພື້ນທີ່ຕ່າງໆ ໃນຢູໂຣບກາງ ເນື່ອງຈາກມາດຕະການຄວໍ່າບາດຂອງຕາເວັນຕົກ ຂັດຂວາງບໍ່ໃຫ້ມອສໂກຈ່າຍຄ່າລຳລຽງກ໊າຊຜ່ານປະເທດຂອງພວກເຂົາ ຄວາມເຄື່ອນໄຫວທີ່ຊໍ້າເຕີມຄວາມກັງວົນກ່ຽວກັບອຸປະທານພະລັງງານ.

ກະແສນໍ້າມັນເສັ້ນທາງລ່ອງໃຕ້ຂອງທໍ່ລຳລຽງ Druzba ໄດ້ຮັບຜົນກະທົບ ແຕ່ເສັ້ນທາງຂຶ້ນເໜືອທີ່ໃຫ້ບໍລິການໂປແລນ ແລະ ເຢຍລະມັນບໍ່ປະສົບບັນຫາຕິດຂັດແຕ່ຢ່າງໃດ.

ການລະງັບກະແສນໍ້າມັນຕໍ່ທໍ່ລຳລຽງແຫ່ງນີ້ໃນວັນອັງຄານ (9 ສິງຫາ) ຈະສົ່ງຜົນກະທົບຕໍ່ປະເທດຕ່າງໆ ເຊັ່ນ ສະໂລວາເກຍ, ຮົງກາລີ ແລະ ສາທາລະນະລັດເຊັກ ເຊິ່ງທັງໝົດຕ້ອງພຶ່ງພານໍ້າມັນດິບຣັດເຊຍເປັນຢ່າງຫຼາຍ ແລະ ມີສັກກາຍະພາບຈຳກັດໃນການນຳເຂົ້າອຸປະທານທາງເລືອກອື່ນທາງທະເລ.

spot_img

ຍອດນິຍົມ