5 ເຄັດລັບງ່າຍໆ ເບິ່ງແຍງຕົວເອງໃຫ້ສຸຂະພາບດີ.

spot_img

5 ເຄັດລັບງ່າຍໆ ເບິ່ງແຍງຕົວເອງໃຫ້ສຸຂະພາບດີ.


ການເບິ່ງແຍງຕົວເອງໃຫ້ສຸຂະພາບດີສຳຫຼັບຜູ້ຍິງ ແລະ ຜູ້ຊາຍເປັນເລື່ອງສຳຄັນ ເພາະບໍ່ວ່າຈະມີອາຍຸເທົ່າໃດເຮົາເອງກໍຢາກໃຫ້ຕົວເອງດູດີຕາມໄວ ງາມ ແລະ ຫຼໍ່ ແບບທຳມະຊາດ ເພາະຍຸກສະໄໝນີ້ ຜູ້ບ່າວ ຜູ້ສາວ ກໍຫັນມາໃຫຄວາມສົນໃຈໃນການເບິ່ງແຍງຕົວເອງຫຼາຍຂຶ້ນອີກດ້ວຍ ມື້ນີ້ເຮົາມີເຄັດລັບງ່າຍໆ ທີ່ຈະຊ່ວຍໃຫ້ທ່ານສຸຂະພາບດີມາຝາກ.


• ຮູ້ຈັກເລືອກກິນອາຫານທີ່ດີ ແລະ ມີປະໂຫຍດຖືເປັນເລື່ອງສຳຄັນເພາະດ້ວຍວິຖີຊີວິດທີ່ປ່ຽນໄປ ແລະ ຊີວິດທີ່ຮີບຮ້ອນໃນປັດຈຸບັນ ອາດເຮັດໃຫ້ຫຼາຍຄົນບໍ່ມີເວລາໃນການເບິ່ງແຍງຕົວເອງ ແລະ ກິນແຕ່ອາຫານທີ່ມີໄຂມັນຫຼາຍ ເຊິ່ງອາດເຮັດໃຫ້ນໍ້າໜັກຂຶ້ນໄດ້ດັ່ງນັ້ນ ຫັນມາປ່ຽນແປງຕົວເອງດ້ວຍການກິນອາຫານທີ່ແຄລໍຣີ່ນ້ອຍແຕ່ໃຫ້ປະໂຫຍດຫຼາຍດີກວ່າ.


• ອອກກຳລັງກາຍ ຄວນອອກກຳລັງກາຍເປັນປະຈຳສະໝໍ່າສະເໝີຢ່າງນ້ອມືລະ 30 ນາທີ ຢ່າງນ້ອຍກໍຄວນອອກກຳລັງກາຍໃຫ້ໄດ້ອາທິດລະ 2-3 ເທື່ອ ໂດຍເລືອກຮູບແບບການອອກກຳລັງກາຍໃນແບບທີ່ທ່ານມັກ ຫຼື ລຶ້ງເຄີຍ ເຊັ່ນ ແລ່ນ, ລອຍນໍ້າ, ຂີ່ລົດຖີບ, ເຕັ້ນແອໂຣບິກ ເປັນຕົ້ນ.


• ດື່ມນໍ້າຫຼາຍໆ ເພາະການດື່ມນໍ້າເປັນອີກສິ່ງໜຶ່ງທີ່ສາມາດສ້າງສຸຂະພາບທີ່ດີໃຫ້ກັບເຮົາໄດ້ ນອກຈາກຈະເຮັດໃຫ້ເຮົາຮູ້ສຶກສົດຊື່ນແລ້ວ ຍັງຊ່ວຍເສີມສ້າງສ່ວນທີ່ສວມໃສ່ຂອງຮ່າງກາຍ, ຊ່ວຍບັນເທົາຄວາມອິດເມື່ອຍ, ຊ່ວຍລະບົບເຜົາຜານ ແລະ ເຮັດໃຫ້ຜິວສຸຂະພາບດີຍິ່ງຂຶ້ນອີກດ້ວຍ.


• ຫຼີກລ່ຽງເຄື່ອງດື່ມທີ່ມີສ່ວຜະສົມຂອງແອວກໍຮໍ ເຊັ່ນ ວາຍ, ເຫຼົ້າ, ເບຍ ແອວກໍຮໍເຮັດໃຫ້ເພີ່ມຄວາມສ່ຽງໃນການເປັນໂລກຄວາມດັນໂລຫິດສູງ, ນໍ້າໜັກຫຼາຍ, ບໍ່ດີຕໍ່ຕັບ ມີຜົນຕໍ່ກ້າມເນື້ອ ແລະ ກະດູກໃນໄລຍະຍາວ.


• ນອນຫຼັບພັກຜ່ອນໃຫ້ພຽງພໍ ການນອນຫຼັບຖືເປັນການພັກຜ່ອນທີ່ດີທີ່ສຸດ ເພາະຊ່ວຍເສີມສ້າງຜິວໜັງທີ່ເສຍຫາຍ ປັບສົມດຸນຮໍໂມນໃນຮ່າງກາຍ ການນອນຫຼັບຍັງຊ່ວຍໃຫ້ອະໄວຍະວະຕ່າງໆ ໄດ້ຢຸດພັກ ຫຼື ເຮັດວຽກນ້ອຍລົງ ລົດການເກີດອານຸມູນອິດສະຫຼະ ໃນຂະນະທີ່ນອນຫຼັບ ຮ່າງກາຍຍັງມີການຫຼັ່ງເມລາໂທນິນ ເຊິ່ງຊ່ວຍໃຫ້ເຮົາຫຼັບສະບາຍ ປັບສະພາບອາລົມໃຫ້ເປັນປົກກະຕິ ຊະລໍຄວາມແກ່.

spot_img

ຍອດນິຍົມ