ກຸ່ມຖານທັບອາກາດຣັດເຊຍໃນໄຄເມຍ ເສຍຫາຍໜັກສຸດຫຼັງສົງຄາມໂລກຄັ້ງທີ່ 2.

spot_img

ກຸ່ມຖານທັບອາກາດຣັດເຊຍໃນໄຄເມຍ ເສຍຫາຍໜັກສຸດຫຼັງສົງຄາມໂລກຄັ້ງທີ່ 2.


ການລະເບີດຖານທີ່ໝັ້ນຂອງກອງທັບອາກາດຣັດເຊຍໄຄເມຍ ພົບຍົນຮົບຢ່າງນ້ອຍ 7 ຄັນເສຍຫາຍ ຄາດວ່າເປັນການສູນເສຍຍົນຮົບຄັ້ງຍິ່ງໃຫຍ່ຂອງຣັດເຊຍນັດຕັ້ງແຕ່ສົງຄາມໂລກຄັ້ງທີ່ 2.


ວັນທີ່ 11 ສິງຫາ 2022 ຊີເອັນເອັນ ຮູບພາບດາວທຽມທີ່ປາກົດລ່າສຸດ ສະແດງວ່າ ມີຍົນຮົບຂອງຣັດເຊຍຢ່າງນ້ອຍ 7 ຄັນຖືກທຳລາຍຫຼັງການຖິ້ມລະເບີດໃນໄຄເມຍເມື່ອວັນອັງຄານທີ່ 9 ສິງຫາທີ່ຜ່ານມາ ແລະ ຈາກການຄົ້ນຂໍ້ມູນຂອງຊີເອັນເອັນລະບຸວ່າ ເຫດການນີ້ເປັນການສູນເສຍຍົນຮົບຂອງຣັດເຊຍທີ່ໃຫຍ່ທີສຸດໃນເວລາພຽງມື້ດຽວ ນັບຕັ້ງແຕ່ສົງຄາມໂລກຄັ້ງທີ່ 2.


ປີເຕີ່ ເລຕັນ ນັກວິໄຈສະຖາບັນກຣິຟຟິດ ແລະ ອາດີດນັກບິນກອງທັບອາກາດຂອງອອສເຕເລຍ ຜູ້ກວດສອບຮູບພາບດາວທຽມຂອງບໍລິສັດ ແພນເນດແລບ ລະບຸວ່າ ຈາກການປຽບທຽບຮູບພາບຖານທັບອາກາດຊາກີ ໃນເມືອງໂນໂວເຟໂດຣິຟກາ ໄຄເມຍທັ້ງກ່ອນ ແລະ ຫຼັງເກີດລະເບີດ ພົບວ່າ ມີຍົນຮົບ 2 ຄັນໄດ້ຮັບຄວາມເສຍຫາຍ.


ໂດຍຍົນຮົບທັງ 2 ລຳ ໄດ້ແກ່ ຍົນຖິ້ມລະເບີດ Su-24 ແລະ ຍົນຮົບ Su-30 ແລະ ຍັງມີອີກຫຼາຍລຳໄດ້ຮັບຄວາມເສຍຫາຍຂະນະທີ່ເມື່ອວັນພຸດທີ່ 10 ສິງຫາ ກອງທັບອາກາດຢູເຄຼນເພີ່ມຍົນຮົບ 9 ຄັນ ທີ່ລວມກັບຍົນຂອງກອງທັບຣັດເຊຍ ເຊິ່ງຢູເຄຼນອ້າງວ່າ ຖືກທຳລາຍໄປຕັ້ງແຕ່ຣັດເຊຍບຸກຢູເຄຼນເມື່ອຊ່ວງຕົ້ນເດືອນກຸມພາທີ່ຜ່ານມາ.


ດ້ານກະຊວງປ້ອງກັນປະເທດຂອງຢູເຄຼນ ກ່າວວ່າບໍ່ສາມາດລະບຸສາເຫດຂອງການລະເບີດຖານທັບອາກາດ ເຊິ່ງຢູ່ດ້ານຫຼັງແນວໜ້າຂອງຣັດເຊຍ 225 ດິໂລແມັດ (140 ໄມ) ຕາມລາຍງານຂອງ Institute for the Study of War think tank ໄດ້.


ສ່ວນກະຊວງປ້ອງກັນປະເທດຂອງຣັດເຊຍກ່າວວ່າ ເຫດລິເບີດເກີດຈາກຈະຫຼວດຕິດອາວຸດ ແຕ່ບໍ່ໄດ້ບອກວ່າລະເບີດເກີດຂຶ້ນໄດ້ແນວໃດ.


ເຖິງແມ່ນວ່າຈະມີ ວີດີໂອໃນໂຊຊ່ຽວມີເດຍທີ່ກວດສອບ ແລະ ລຸບຸຕຳແໜ່ງທາງພາກພື້ນໂດຍ ຊີເອັນເອັນວ່າມາຈາກຖານທັບອາກາດເຊິ່ງສະແດງໃຫ້ເຫັນຄວັນທີ່ລືຍຂຶ້ນມາຈາກຖານທັບ ກ່ອນທີ່ຈະລະເບີດ ແລະ ລຸກເປັນໄຟຂະໜາດໃຫຍ່ 3 ຄັ້ງ ຄ້າຍໆເມກເຫັດສີດຳຂຶ້ນໄປເທິງທ້ອງຟ້າ ໂດຍການລະເບີດ 2 ຄັ້ງເກີດຂຶ້ນເກືອບພ້ອມກັນ ແລະ ຄັ້ງທີ່ 3 ເກີດຂຶ້ນຫຼັງຈາກບໍ່ດົນ.

spot_img

ຍອດນິຍົມ