ເຂົ້າຮ່ວມເພື່ອຊ່ວຍລໍ້ລວງ! ແຄນາດາເດີນຕາມສະຫະລັດ ຄະນະ ສ.ສ ກຽມຢ້ຽມໄຕ້ຫວັນປັ່ນຫົວຈີນ.

spot_img

ເຂົ້າຮ່ວມເພື່ອຊ່ວຍລໍ້ລວງ! ແຄນາດາເດີນຕາມສະຫະລັດ ຄະນະ ສ.ສ ກຽມຢ້ຽມໄຕ້ຫວັນປັ່ນຫົວຈີນ.


ຄະນະຕົວແທນຂອງສະມາຊິກສະພາຜູ້ແທນລາຊະດອນແຄນາດາ ມີແຜນເດີນທາງເຍືອນໄຕ້ຫວັນໃນເດືອນຕຸລາ ເພື່ອສະແຫວງຫາໂອກາດທີ່ເສດຖະກິດໃນພາກພື້ນອາຊີ-ປາຊີຟິກ ຈາກການເປີດເຜີຍຂອງ ຈູດີ ສະໂຣ ສະມາຊິກລັດຖະສະພາຈາກພັກເສລີນິຍົມໃນວັນພຸດ (17 ສິງຫາ) ຄວາມເຄື່ອນໄຫວທີ່ອາດຈະໂຫມກະພືຄວາມຕຶງຄຽດລະຫວ່າງຈີນກັບຕາເວັນຕົກໜັກໜ່ວງຂຶ້ນ.

ຄວາມສຳພັນລະຫວ່າງຈີນກັບຕາເວັນຕົກເຊື່ອມໂຊມລົງຕັ້ງແຕ່ນາງແນນຊີ ໂພໂລຊີ ປະທານສະພາຕໍ່າສະຫະລັດ ເດືອນທາງເຍືອນໄຕ້ຫວັນໃນຊ່ວງຕົ້ນເດືອນສິງຫາ ໂດຍບໍ່ສົນສຽງຄັດຄ້ານຂອງປັກກິ່ງ ທັ້ງນີ້ ຈິນອ້າງວ່າ ໄຕ້ຫວັນເປັນສ່ນໜຶ່ງຂອງດິນແດນ ແລະ ຄັດຄ້ານການເດີນທາງເຍືອນເກາະແຫ່ງນີ່້ຂອງບັນດານັກການເມືອງຕ່າງຊາດ ແນວໃດກໍຕາມ ໄຕ້ຫວັນ ເຊິ່ງປົກຄອງດ້ວຍລະບອບປະຊາທິປະໄຕ ປະຕິເສດຄຳກ່າວອ້າງຂອງຈີນ.

ໃນຄວາມເຄື່ອນໄຫວຕອບໂຕ້ການເດີນທາງເຍືອນຂອງໂພໂລຊີ ຈີນກຳນົດຂໍ້ຈຳກັດທາງການຄ້າ ແລະ ເປີດການຊ້ອມຮົບທາງການທະຫານຄັ້ງໃຫຍ່ຮອບໄຕ້ຫວັນເຊັ່ນດຽວກັນກຳນົດມາດຕະການຄວ່ໍາບາດນາງໂພໂລຊີ ນອກຈາກນີ້ ປັກກິ່ງຍັງຄວໍ່າບາດລັດຖະມົນຕີທົວເນຍລາຍໜຶ່ງ ເຊິ່ງເດີນທາງເຍືອນໄຕ້ຫວັນ ຕາມຫຼັງໂພໂລຊີ ບໍ່ຫຼາຍມື້ທີ່ຜ່ານມາ.

ຈີນບອກວ່າ ການເດີນທາງເຍືອນກຸງໄທເປອີກຮອບຂອງຄະນະສະມາຊິກສະພາຜູ້ແທນລະຊະດອນສະຫະລັດ ໃນວັນອາທິດ (14 ສິງຫາ) ເປັນການລະເມີດແະທິປະໄຕ ແລະ ບູລະນະພາບແຫ່ງດິນແດນຂອງພວກເຂົາ.

ແນວໃດກໍຕາມ ໃນເລື່ອງກ່ຽວກັບແຜນການເຍືອນໄຕ້ຫວັນຂອງຄະນະຕົວແທນຂອງສະມາຊິກສະພາຜູ້ແທນລາຊະດອນແຄນາດາ ສະຖານທູດຈີນໃນກຸງອອດຕາວາຍັງບໍ່ອອກມາສະແດງຄວາມຄິດເຫັນໃນເລື່ອງນີ້ ໃນຂະນະທີ່ຣອຍເຕີ່ສົ່ງອີເມວໄປສອບຖາມຄວາມເຫັນຂອງສຳນັກງານເສດຖະກິດ ແລະ ວັດທະນະທຳໄທເປໃນແຄນາດາ ແຕ່ຍັງບໍ່ໄດ້ຕອບກັບມາເຊັ່ນກັນ.

spot_img

ຍອດນິຍົມ