ຊາຍໜຸ່ມຫົວຮ້ອນ! ເຜົາລົດປະຊົດເມຍເກົ່າ.

spot_img

ຜົວແຄ້ນອາດີດເມຍໂທທວງເອົາລົດ ຈຶ່ງເຜົາຖິ້ມສະແລ້ວເລີຍ.


ຊາຍໜຸ່ມປະຊົດອາດີດພັນລະຍາ ໂທມາທວງເອົາລົດກະບະຫຼັງໜີໄປແຕ່ງງານນຳຄົນໃໝ່ ແຄ້ນຫຼາຍ ເລີຍຊື້ນໍ້າມັນລາດໃສ່ແລ້ວເຜົາລົດເລີຍ ອ້າງວ່າລົດຄັນນີ້ເປັນຊື່ເມຍແຕ່ ຕົນເປັນຄົນຈ່າຍ…


ເຈົ້າໜ້າທີ່ດັບເພີງຈຶ່ງນຳເອົາລົດມາຄວບຄຸມໄຟທີ່ກຳລັງລຸກໄໝ້ ລົດກະບະສີຂາວ ທີ່ຈອດຢູ່ຂ້າງທາງ ຈັງຫວັດສະມຸດປາການປະເທດໄທ ໃຊ້ເວລາປະມານ 30 ນາທີໄຟຈຶ່ງມອດດັບລົງ
ອາດຸນສັກ ໂນດສຸພາ ຊາວສະກົນນະຄອນເປັນຄົນຂັບລົດ ແລະ ສາລະພາບວ່າ ຕົນເອງເປັນຄົນເຜົາລົດຄັນດັ່ງກ່າວເອງ ສາເຫດຈາກອາດີດພັນລະຍາທີ່ໄດ້ເລີກລາກັນໄປໄດ້ປະມານ 2-3 ເດືອນ ໂທມາທວງລົດຄືນ ແຕ່ລົດຄັນນີ້ຊື້ມາເປັນຊື່ອາດີດພັນລະຍາກໍແມ່ນ ແຕ່ຕົນເອງເປັນຄົນຈ່າຍ ແລະ ເປັນຄົນໃຊ້ລົດມາໄດ້ 4 ປີແລ້ວ.


ເບື້ອງຕົ້ນເຈົ້າໜ້າທີ່ຕຳຫຼວດຈຶ່ງໄດ້ເຊີນຕົວທ້າວ ອາດຸນສັກ ມາໃຫ້ສອບສວນເພີ່ມເຕີມຢູ່ທີ່ ສພ ພະປະແດງ ກ່ອນແຈ້ງຂໍ້ຫາວ່າ ວາງເພີງເຜົາຊັບສິນຂອງຜູ້ອື່ນໄດ້ຮັບຄວາມເສຍຫາຍ ກ່ອນຄອວບຄຸມຕົວໄວ້ເພື່ອດຳເນີນການຕາມກົດໝາຍຕໍ່ໄປ.

spot_img

ຍອດນິຍົມ