ຊົມເຊີຍ! ກອງທັບລາວຍາດໄດ້ທີ່3 ໃນການແຂ່ງຂັນທີ່ຣັດເຊຍ.

spot_img

ກອງທັບລາວ ຍາດໄດ້ທີ 3 ຜົນການແຂ່ງຂັນກິລາ (ARMY GAMES 2022) ທີ່ຣັດເຊຍ.


ໃນວັນທີ 21 ສິງຫາ 2022ນີ, ຄະນະກຳມະການຈັດການແຂ່ງຂັນ ກິລາການທະຫານສາກົນຂອງເຫຼົ່າຮົບຊ່າງແສງ ໄດ້ຈັດພິທີສະຫຼຸບປິດການແຂ່ງຂັນກິລາ (ARMY GAMES 2022) ຢູ່ທີ່ກອງພົນນ້ອຍຊ່າງແສງ 73420 ຂອງເມືອງ

ໂວນກາກຼາດ, ແຫ່ງສະຫະພັນລັດເຊຍ (ໃນຮູບແບບຊ່າງແສງ ) ໂດຍການເຂົ້າຮ່ວມເປັນປະທານ ທ່ານ ພັນເອກ ກຮູກະລົບ ອັນເດຮ ອາເລັກເຊວິດ ຮອງຫົວໜ້າກົມຊ່າງແສງ ສະຫະພັນລັດເຊຍ.


ສ່ວນທິມນັກກິລາເຫຼົ່າຮົບຊ່າງແສງກອງທັບປະຊາຊົນລາວ ມີສະຫາຍ ພັນເອກ ບຸນທະວີ ໂພໄຊ ຮອງຫົວໜ້າກົມຊ່າງແສງ ຫົວໜ້າ ຄະນະຊີ້ນຳທິມນັກກິລາ ເຫຼົ່າຮົບຊ່າງແສງກອງທັບປະຊາຊົນລາວ.


ແຂ່ງຂັນຄັ້ງນີ້ປະກອບມີ 5 ປະເທດ ເຂົ້າຮ່ວມຄື: ຣັດເຊຍ, ລາວ, ອຸສເບກີສະຖານ, ເບລາຣຸດ ແລະ ອາຣເມເນຍ. ສຳລັບທິມກອງທັບປະຊາຊົນລາວເຮົາແມ່ນຈົກສະຫຼາກໄດ້ ເບີ 2 ປະກອບມີ ລົດດຸດ, ລົດຂຸດຂຸມຄອງ,ລົດສ້າງສີ່ງກີດຂວາງ

ແຕກ,ລົດສ້າງສີ່ງກີດຂວາງບໍ່ແຕກ,ລົດທຳລາຍສະໜາມມີນ,ລົດລອຍນ້ຳ ແລະ ລົດສ້າງສະໜາມມີນ
ເຊິ່ງຜົນການແຂ່ງຂັນ ທີ l ສະຫະພັນລັດເຊຍ,ທີ່ ll ເບລາຣຸດ ແລະ ທີ lll ກອງທັບປະຊາຊົນລາວ.

ຂ່າວ: ເກນ ວິໄລສານ

spot_img

ຍອດນິຍົມ