ເກີດເຫດການລອບສັງຫານລູກສາວຂອງຄົນໃກ້ສິດຜູ້ນຳປູຕິນ.

spot_img

ເກີດເຫດລະເບີດລົດລູກສາວຂອງຄົນໃກ້ຊິດກັບທ່ານປູຕິນຜູ້ນຳເສຍຊີວິດ.


ລູກສາວຂອງ ອາເລັກຊານເດີ ດູກິນ ນັກປັດຊະຍາຜູ້ມີແນວຄິດຊາດນິຍົມ ແລະ ເປັນຄົນໃກ້ຊິດກັບ ທ່ານ ວະລາດີເມຍ ປູຕິນ  ປະທານາທິບໍດີຂອງຣັດເຊຍ ນາງໄດ້ເສຍຊີວິດຈາກເຫດລົດລະເບີດທີ່ຫົນທາງຫຼວງນອກກຸງມອສໂກ ໃນຕອນແລງວັນເສົາ.


ວັນທີ 21 ສິງຫາ 2022 ສຳນັກຂ່າວທາງການຂອງຣັດເຊຍ ໄດ້ລາຍງານວ່າ ນາງ ດາຢາ ດູກິນາ ລູກສາວຂອງ ອາເລັກຊານເດີ ດູກິນ ນັກປັດຊະຍາຜູ້ມີແນວຄິດຊາດນິຍົມ ແລະ ເປັນຄົນໃກ້ຊິດ ສະນິດກັບ ທ່ານ ວະລາດີເມຍ ປູຕິນ  ປະທານາທິບໍດີຂອງຣັດເຊຍ ນາງໄດ້ເສຍຊີວິດຈາກເຫດ ລົດລະເບີດ ໃນລະຫວ່າງການຂັບລົດກັບບ້ານ ທີ່ຫົນທາງຫຼວງນອກກຸງມອສໂກ ໃນຕອນແລງວັນເສົາ ທີ່ 20 ສິງຫາ ທີ່ຜ່ານມາ ຕາມເວລາທ້ອງຖິ່ນ.


ທາງການຣັດເຊຍໄດ້ລາຍງານວ່າ ຜູ້ກໍ່ເຫດອາດຈະຕັ້ງໃຈສັງຫານ ອາເລັກຊານເດີ ດູກິນ ຜູ້ເປັນພໍ່ຫຼາຍກ່ອນທີ່ຈະສັງຫານລູກສາວ ໂດຍທາງຄອບຄົວໄດ້ເປີດເຜີຍວ່າ ລູກສາວໄດ້ຂໍຢືມລົດຂອງພໍ່ກັບບ້ານ ລະຫວ່າງມາຮ່ວມງານທີ່ຜູ້ເປັນພໍ່ໄດ້ຮັບເຊີນມາບັນລະຍາຍ, ອາເລັກຊານເດີ ດູກິນ ເປັນຜູ້ທີ່ສະໜັບສະໜູນຢ່າງແຮງກ້າຕໍ່ການຮຸກຮານໃນຢູເຄຣນຂອງຣັດເຊຍ.


ປັດຈຸບັນ ຍັງບໍ່ມີຝ່າຍໃດອອກມາເວົ້າວ່າເປັນຝີມືຂອງຕົນເອງ ແລະ ທີ່ປຶກສາປະທານາທິບໍດີຢູເຄຣນ ໄດ້ປະຕິເສດເຫດລະເບີດຄັ້ງນີ້ ຢູເຄຣນບໍ່ໄດ້ກ່ຽວຂ້ອງແຕ່ຢ່າງໃດ ຍ້ອນວ່າຢູເຄຣນບໍ່ແມ່ນອາຊະຍາກອນ.

spot_img

ຍອດນິຍົມ