ຜູ້ນຳໄຕ້ຫວັນພົບຄະນະຜູ້ແທນສະຫະລັດ ຫາລືດ້ານການຄ້າແລະການລົງທືນບໍ່ສົນຄຳເຕືອນຈີນ

spot_img

ຜູ້ນຳໄຕ້ຫວັນພົບຄະນະຜູ້ແທນສະຫະລັດ ຫາລືດ້ານການຄ້າແລະການລົງທືນບໍ່ສົນຄຳເຕືອນຈີນ

ຜູ້ນຳໄຕ້ຫວັນພົບຄະນະສະມາຊິກສະພາຜູ້ແທນລາດສະຫະລັດ ທີ່ເດີນທາງເຖິງໄຕ້ຫວັນ ເປັນການເດີນທາງທີ່ບໍ່ມີການປະກາດແຈ້ງລ່ວງໜ້າ ຖືເປັນສະມາຊິກລັດຖະສສະພາສະຫະລັດ ກຸ່ມລ່າສຸດທີ່ເດີນທາງຢາມໄຕ້ຫວັນໂດຍບໍ່ສົນຄຳເຕືອນຈາກຈີນ

ທີ່ສະແດງຄວາມບໍ່ພໍໃຈທຸກຄັ້ງທີ່ມີການຢາມລັກສະນະນີ້ ເຊັ່ນດຽວກັບຄະນະຜູ້ແທນສະມາຊິກລັດຖະສະພາຝຣັ່ງເສດ ທີ່ເດີນຢາມໄຕ້ຫວັນໃນຊ່ວງນີ້ດ້ວຍ ປະທານາທິບໍດີ ໄຊ່ ເອິງ-ເຫວິນ ໃຫ້ການຕ້ອນຮັບຄະນະສະມາຊິກສະພາຜູ້ແທນລາດສະຫະລັດ 8ຄົນ

ນຳໂດຍ ສະເຕຟານີ ເມີຟີ ຂອງພັກເດໂມແຄຣດຈາກລັດຟໍລິດາ ເຊິ່ງເປັນສະມາຊິກຄະນະກຳມະການດ້ານອາວຸດຂອງສະພາຜູ້ແທນລາດສະຫະລັດ ກ່ອນພົບປະຫາລືກັນໃນຊ່ວງເຊົ້າມື້ນີ້ ກ່ຽວກັບການພັດທະນາຄວາມສຳພັນລະຫວ່າງສະຫະລັດ ກັບໄຕ້ຫວັນໃນດ້ານການຄ້າແລະການລົງທືນຫ່ວງໂຊ່ອຸປະທານຂອງໂລກແລະປະເດັນສຳຄັນອື່ນໆ ທີ່ຢູ່ໃນຄວາມົສນໃຈຮ່ວມກັນຂອງທັງສອງຝ່າຍ

ການຢ້ຽມຢາມນີ້ເປັນສ່ວນໜອ່ງຂອງການຢາມພາກພື້ນອິນໂດ-ປາຊີຟຣິກຂອງຄະນະສະມາຊິກສະພາຜູ້ແທນລາດສະຫະລັດທີ່ຈະນຳພັກຢູ່ໃນໄຕ້ຫວັນ

ຄະນະຕົວແທນຈາກສະຫະລັດຊຸດນີ້ເປັນຊຸດທີ 6 ແລ້ວທີ່ເດີນທາງຢາມໄຕ້ຫວັນ ຫຼັງຈາກຈີນຈັດການຊ້ອມຮົບໃນຊ່ວງຕົ້ນເດືອນ ສິງຫາ ຕາມຫຼັງການຢາມໄຕ້ຫວັນຂອງ ແນນຊີ ເພໂລຊີ ປະທານສະພາຜູ້ແທນລາດສະຫະລັດ ແລະຈາກນັ້ນບໍ່ດົນຄະນະສະມາຊິກສະພາຜູ້ແທນລາດແລະວຸດທິສະພາສະຫະລັດຄົນອື່ນໆ

ລວມເຖິງຜູ້ວ່າການລັດຫຼາຍລັດ ກໍເດີນທາງຢາມໄຕ້ຫວັນຕໍ່ເນື່ອງ ເປັນການສະແດງການໃຫ້ຄວາມສຳຄັນ ແລະການສະໜັບສະໜູນຈາກສະຫະລັດຕໍ່ໄຕ້ຫວັນອີກຄັ້ງໜຶ່ງ.

spot_img

ຍອດນິຍົມ