ຣັດເຊຍເປີດຮັບສະໝັກທະຫານ ເຂົ້າຮ່ວມປະຕິບັດການໃນຢູເຄຼນ

spot_img

ຣັດເຊຍເປີດຮັບສະໝັກທະຫານ ເຂົ້າຮ່ວມປະຕິບັດການໃນຢູເຄຼນ

ກອງທັບຣັດເຊຍເປີດຮັບສະໝັກຊາວຣັດເຊຍແລະຊາວຕ່າງຊາດເປັນທະຫານ ເພື່ອເຂົ້່າຮ່ວມປະຕິບັດການທາງທະຫານທີ່ຢູເຄຼນໃຫ້ເງີນເດືອນ 3.000ໂດລາສະຫະລັດ ກອງທັບຣັດເຊຍເປີດຮັບສະໝັກທະຫານສັນຍາຈ້າງ

ເພື່ອປະຕິບັດການພິເສດທາງທະຫານໃນຢູເຄຼນ ດ້ວຍການໃຊ້ລົດບັນທຸກເຄື່ອນທີ່ເກນທະຫານ ເພື່ອດືງດູດຜູ້ສົນໃຈເຂົ້າຮ່ວມງານກັບກອງທັບ ໂດຍຈະໄດ້ຮັບເງີນເດືອນ 3.000ໂດລາສະຫະລັດເປັນເຄື່ອງຈູງໃຈ

ທະຫານໜ່ວຍພິເສດໄດ້ປະຈຳກາານຢູ່ໃນລັດບັນທຸກ ທີ່ຈອດຢູ່ລິເວນສວນສາທາລະນະຂອງເມືອງຣໍຕັອບ ທາ
ງໃຕ້ຂອງຣັດເຊຍ ເຊິ່ງທະຫານໃນຊຸດລາຍພາງແລະໃສ່ໜ້າກາກອານາໄມສີດຳພ້ອມອາວຸດ ໄດ້ຮັບຄວາມສົນໃຈຈາກປະຊາຊົນທີ່ສັນຈອນໄປມາ

ນອກຈາກນີ້ມີການເເຈກແຜ່ນພັບເປັນເລື່ອງກ່ຽວກັບການເປີດຮັບສະໝັກສັນຍາຈ້າງ ເຊິ່ງທັງຣັດເຊຍແລະຢູເຄຼນ ບໍໄດ້ເປີດເຜີຍຕົວເລກການສູນເສຍກຳລັງພົນ ແຕ່ໜ່ວຍຂ່າວກອງຊາດຕາເວັນຕົກ ປະເມີນວ່າທັງຣັດເຊຍແລະຢູເຄຼນ ສູນເສຍທະຫານຝ່າຍລະຫຼາຍໝື່ນຄົນ

ຂະນະທີ່ຣັດເຊຍບໍ່ໄດ້ເປີດເຜີຍຕົວເລກທະຫານທີ່ເສຍຊີວິດລ່າສຸດມາຕັ້ງແຕ່ເດືອນມີນາ ຕອນນັ້ນ ຣັດເຊຍກ່າວວ່າ ທະຫານເສຍຊີວິດ 1.351ຄົນ ແລະ ບາດເຈັບ 3.825ຄົນ ອີກທັງໃນອາທິດທີ່ຜ່ານມາ ທຳນຽບເຄຣມລິນລະບຸວ່າ ຍັງບໍ່ມີການຫາລືເຖິງການເກນທະຫານທົ່ວປະເທດເພື່ອສະໜັບສະໜູນພາລະກິດຂອງທະຫານທີ່ສູ້ຮົບໃນຢູເຄຼນ.

spot_img

ຍອດນິຍົມ